Efnisorð
Tegund

Leita eftir efnisorðum

Sýnir 1401–1450 af 2697
Raða eftir:
01. júl. 2022Utanríkisráðuneytið, Öryggis- og varnarmál, Utanríkismál

Utanríkisráðherrar Atlantshafsbandalagsins funduðu um hernaðaruppbyggingu Rússa

Staða öryggismála í Evrópu og hernaðaruppbygging Rússlands í og við Úkraínu var tilefni sérstaks aukafundar utanríkisráðherra Atlantshafsbandalagsins sem fór fram í dag. Á fundinum, sem haldinn var um öruggan fjarfundabúnað, var rædd sú alvarlega staða sem upp er komin vegna aðgerða Rússlands á þessu svæði og áhyggjur af því að hætta sé á hernaðarátökum. Á fundinum lögðu ráðherrar áherslu á að frekari brot myndu hafa í för með sér alvarlegar afleiðingar fyrir Rússland.

27. jún. 2022Utanríkisráðuneytið, Þróunarsamvinna, Skólar GRÓ, Utanríkismál

Ársskýrsla GRÓ 2020-2021 komin út

Fyrsta ársskýrsla GRÓ ̶ Þekkingarmiðstöðvar þróunarsamvinnu er komin út. Skýrslan nær yfir fyrstu tvö árin í starfsemi miðstöðvarinnar, 2020-2021. GRÓ er sjálfstæð miðstöð sem tók til starfa 1. janúar 2020 og starfar undir merkjum UNESCO, Mennta-, vísinda- og menningarmálastofnunar Sameinuðu þjóðanna. Miðstöðin fellur undir utanríkisráðuneytið sem sinnir eftirliti og umsýslu með framlögum til hennar.

24. jún. 2022Annað, Brussel-vaktin, Utanríkisráðuneytið

Fyrirhugaðar reglur um flug og loftslagsmál: Íslensk stjórnvöld leggja áherslu á sérstöðu landsins

Að þessu sinni er fjallað um markvissa hagsmunagæslu íslenskra stjórnvalda vegna tillagna um flug og loftslagsmál, leiðtogafund ESB þar sem Úkraína var efst á baugi, endurheimt vistkerfa og nýjar tillögur í því efni, stöðuna varðandi reglur um flokkun fjárfestinga út frá umhverfissjónarmiðum, júní-fund fjármála- og efnahagsráðherra ESB, áhyggjur EFTA-ríkjanna af því að fá ekki að vera með í geimfjarskiptakerfi ESB, forgangsmál Tékka sem taka við formennskukeflinu um mánaðamótin og ráðherrafund um félagsmál þar sem rætt var um réttindi launafólks í stafrænu umhverfi.

24. jún. 2022Annað, Brussel-vaktin, Utanríkisráðuneytið

Fyrirhugaðar reglur um flug og loftslagsmál: Íslensk stjórnvöld leggja áherslu á sérstöðu landsins

Að þessu sinni er fjallað um markvissa hagsmunagæslu íslenskra stjórnvalda vegna tillagna um flug og loftslagsmál, leiðtogafund ESB þar sem Úkraína var efst á baugi, endurheimt vistkerfa og nýjar tillögur í því efni, stöðuna varðandi reglur um flokkun fjárfestinga út frá umhverfissjónarmiðum, júní-fund fjármála- og efnahagsráðherra ESB, áhyggjur EFTA-ríkjanna af því að fá ekki að vera með í geimfjarskiptakerfi ESB, forgangsmál Tékka sem taka við formennskukeflinu um mánaðamótin og ráðherrafund um félagsmál þar sem rætt var um réttindi launafólks í stafrænu umhverfi.

24. jún. 2022Forsætisráðuneytið, Utanríkisráðuneytið

Samkomulag um samstarf Hringborðs Norðurslóða – Arctic Circle, forsætisráðuneytis og utanríkisráðuneytis undirritað

Forsætisráðuneytið, utanríkisráðuneytið og Hringborð Norðurslóða – Arctic Circle hafa endurnýjað samkomulag um samstarf. Er samkomulaginu framlengt til ársloka 2026. Bryndís Hlöðversdóttir, ráðuneytisstjóri forsætisráðuneytisins, Martin Eyjólfsson, ráðuneytisstjóri utanríkisráðuneytisins, og Ásdís Ólafsdóttir, forstjóri Hringborðs Norðurslóða, undirrituðu samkomulagið fyrr í vikunni.

22. jún. 2022Utanríkisráðuneytið, Þróunarsamvinna, Heimsmarkmiðasjóður atvinnulífs

Heimsmarkmiðasjóður atvinnulífs styrkir fimm fyrirtæki til þróunarsamvinnuverkefna

Fimm fyrirtæki á sviði heilbrigðistækni, jarðhitatækni og fiskveiða hljóta styrki til þróunarsamvinnuverkefna úr Heimsmarkmiðasjóði atvinnulífs um þróunarsamvinnu. Verkefnin koma til framkvæmda í Djíbútí, Eþíópíu, Indlandi, Víetnam og Úkraínu. Samningar þess efnis voru undirritaðir af fulltrúum fyrirtækjanna og ráðuneytisins í gær. Heildarframlag úr sjóðnum er 72 milljónir króna á móti framlagi fyrirtækjanna fimm.

20. jún. 2022Forsætisráðuneytið, Utanríkisráðuneytið

Ísland veitir sérstakt fjárframlag til Evrópuráðsins í tilefni af formennsku Íslands

​Í tilefni af formennsku Íslands í Evrópuráðinu í nóvember nk. hafa íslensk stjórnvöld ákveðið að veita sérstakt fjárframlag til Evrópuráðsins sem tengist formennskuáherslum Íslands. Er þar um að ræða framlag til jafnréttismála á vettvangi Evrópuráðsins, framlag til málefna barna og verkefnis sem varðar hið íslenska Barnahús módel í Evrópu og til Mannréttindadómstóls Evrópu til þess að auka skilvirkni dómstólsins. Framlagið í heild nemur 300 þúsund evrum eða ​um 43 milljónum íslenskra króna.

16. jún. 2022Utanríkisráðuneytið, Öryggis- og varnarmál, Úkraína, Utanríkismál

Varnarmálaráðherrarnir ræddu Úkraínu og styrkingu varnargetu NATO

Varnarbarátta Úkraínu gegn grimmilegum stríðsrekstri Rússlands í 113 daga og áhrif þess á öryggisumhverfi Evró-Atlantshafssvæðisins, stuðningur bandalagsríkja við Úkraínu og efling fælingar og varnarstefnu Atlantshafsbandalagsins voru meginefni á fundi varnarmálaráðherra sem lauk í Brussel í dag. Þórdís Kolbrún Reykfjörð Gylfadóttir utanríkisráðherra tók þátt í fundinum fyrir hönd Íslands.

13. jún. 2022Utanríkisráðuneytið, Alþjóðamál, Úkraína, Utanríkisviðskipti, Utanríkismál

Fæðuöryggi til umræðu á ráðherrafundi Alþjóðaviðskiptastofnunarinnar

Innrás Rússlands í Úkraínu og áhrif hennar á fæðuöryggi í heiminum eru ofarlega á baugi 12. ráðherrafundar Alþjóðaviðskiptastofnunarinnar WTO sem fram fer í Genf dagana 12. til 15. júní. Þórdís Kolbrún Reykfjörð Gylfadóttir utanríkisráðherra flutti ávarp á opnunardegi fundarins um helstu áskoranir sem alþjóðaviðskiptakerfið stendur frammi fyrir. Ráðherra fordæmdi innrás Rússlands í Úkraínu og sagði hana meginorsök þeirrar fæðuöryggiskrísu sem heimurinn stendur nú frammi fyrir.

09. jún. 2022Utanríkisráðuneytið, Lög og réttur, Utanríkismál, Utanríkisviðskipti, Menningar-٫ nýsköpunar- og háskólaráðuneytið

Áfrýjunarnefnd EUIPO tekur Iceland-málið fyrir

Munnlegur málflutningur í máli Íslands gegn bresku verslunarkeðjunni Iceland Foods Ltd fer fram fyrir fjölskipaðri áfrýjunarnefnd Hugverkastofu Evrópusambandsins (EUIPO) föstudaginn 9. september. Þetta er í fyrsta sinn sem mál er flutt munnlega fyrir áfrýjunarnefndinni. Áður hafði EUIPO komist að þeirri niðurstöðu að vörumerkjaskráning Iceland Foods Ltd á orðmerkinu ICELAND í Evrópusambandinu væri ógild í heild sinni

07. jún. 2022Utanríkisráðuneytið, Alþjóðasamningar, Öryggis- og varnarmál, Alþjóðamál, Utanríkismál

Ísland staðfestir samninga um aðild Finnlands og Svíþjóðar að Atlantshafsbandalaginu

Bergdís Ellertsdóttir, sendiherra Íslands gagnvart Bandaríkjunum, afhenti í dag bandaríska utanríkisráðuneytinu aðildarskjöl Íslands vegna viðbótarsamninga um aðild Finnlands og Svíþjóðar að Atlantshafsbandalaginu. Alþingi hafði áður með þingsályktun, hinn 7. júní síðastliðinn, heimilað ríkisstjórninni að staðfesta aðildarsamningana þegar þeir lægju fyrir.

06. jún. 2022Utanríkisráðuneytið, Barnaréttur, Mannréttindi og jafnrétti, Mennta- og barnamálaráðuneytið

Bragi Guðbrandsson endurkjörinn í nefnd Sameinuðu þjóðanna um réttindi barnsins

Bragi Guðbrandsson var í dag endurkjörinn í nefnd Sameinuðu þjóðanna um réttindi barnsins til næstu fjögurra ára á fundi aðildarríkja Barnasáttmála Sameinuðu þjóðanna í New York. Bragi fékk mjög góða kosningu eða 140 atkvæði af 186 greiddum atkvæðum. Flest atkvæði fékk frambjóðandi Argentínu, sem hlaut 142 atkvæði. Fimmtán frambjóðendur sóttust eftir níu sætum í nefndinni.

27. maí 2022Utanríkisráðuneytið, Afríka, Íslensk frjáls félagasamtök, Þróunarsamvinna

Sjö íslensk félagasamtök hljóta styrki til þróunarsamvinnuverkefna í Afríku

Utanríkisráðuneytið hefur gert samninga við sjö íslensk félagasamtök um styrki vegna þróunarsamvinnuverkefna víðsvegar í ríkjum í Afríku. Árlega eru veittir styrkir til slíkra verkefna undir hatti samstarfs ráðuneytisins við félagasamtök í þróunarsamvinnu en fjölbreytt flóra samtaka er til staðar hér á landi.

25. maí 2022Utanríkisráðuneytið, Alþjóðamál, Úkraína, Utanríkismál

Málefni Úkraínu efst á baugi á fundi Eystrasaltsráðsins

Málefni Úkraínu voru ofarlega á baugi á fundi utanríkisráðherra Eystrasaltsráðsins í Kristiansand í dag. Í sameiginlegri yfirlýsingu sinni fordæmdu utanríkisráðherrarnir harðlega innrás Rússlands í Úkraínu og lýstu yfir samstöðu og algjörum stuðningi við Úkraínu. Rússlandi var meinuð þátttaka í allri starfsemi Eystrasaltsráðsins með yfirlýsingu ráðherranna frá 3. mars síðastliðinn.

24. maí 2022Utanríkisráðuneytið, Norrænt samstarf, Öryggis- og varnarmál, Utanríkismál

Sameiginleg yfirlýsing varnarmálaráðherra Norðurlandanna um eflingu norræna varnarsamstarfsins

Varnarmálaráðherrar Norðurlandanna hafa gefið frá sér sameiginlega yfirlýsingu um mikilvægi norræns samstarfs í öryggis- og varnarmálum. Í yfirlýsingunni fagna Danmörk, Ísland og Noregur ákvörðunum Finnlands og Svíþjóðar um að sækja um aðild að Atlantshafsbandalaginu og leggja áherslu á að fullgilding aðildar gangi hratt fyrir sig.

23. maí 2022Utanríkisráðuneytið, Alþjóðamál, Evrópusamvinna, Utanríkismál

Utanríkisráðherra fundaði með Margrethe Vestager

Samkeppnismál, gróska í nýsköpun, stafræn umbreyting og samstarf Íslands og Evrópusambandsins (ESB) á grundvelli samningsins um Evrópska efnahagssvæðið (EES) voru á meðal þess sem Þórdís Kolbrún Reykfjörð Gylfadóttir utanríkisráðherra og Margrethe Vestager, varaforseti og framkvæmdastjóri samkeppnismála og stafrænnar umbreytingar ESB, ræddu á fundi sínum í Brussel í dag.

23. maí 2022Utanríkisráðuneytið, Annað, Þróunarsamvinna, Skólar GRÓ

Tuttugu og þrír nemendur útskrifast frá Jafnréttisskóla GRÓ

Jafnréttisskóli GRÓ (GRÓ-GEST) útskrifaði 23 sérfræðinga frá 15 löndum á föstudag, en þá var útskrift fjórtánda nemendahóps skólans frá upphafi fagnað í hátíðarsal Háskóla Íslands. Alls hafa nú 195 nemendur, frá 34 löndum útskrifast frá Jafnréttisskólanum með diplóma á meistarastigi í alþjóðlegum jafnréttisfræðum. Í ár voru í fyrsta sinn nemendur við skólann frá Moldóvu, Pakistan og Simbabve.

20. maí 2022Utanríkisráðuneytið, Alþjóðamál, Evrópusamvinna, Utanríkismál

Utanríkisráðherrar Evrópuráðsins funda í Tórínó

Mikilvægi þess að standa vörð um lýðræðisleg gildi, mannréttindi og réttarríkið bar hæst í ávarpi utanríkisráðherra á árlegum ráðherrafundi Evrópuráðsins sem fer fram í Tórínó á Ítalíu í dag. Utanríkisráðherra Ítalíu, Luigi Di Maio, var gestgjafi fundarins. Ísland tekur við formennsku í Evrópuráðinu í nóvember 2022 og verður gestgjafi fundarins á næsta ári.

17. maí 2022Utanríkisráðuneytið, Mannréttindi og jafnrétti, Utanríkismál, Mannréttindi, Fastanefnd Íslands hjá Evrópuráðinu, Dómsmálaráðuneytið, Forsætisráðuneytið

Ísland verður gestgjafi IDAHOT+ Forum 2023

Árlegur samráðsfundur IDAHOT+ Forum verður haldinn á Íslandi í maí 2023 í tengslum við formennsku Íslands í Evrópuráðinu. Þetta verður í tíunda sinn sem efnt er til þessa samráðs sem sameinar evrópskar ríkisstjórnir, aðgerðasinna, borgaralegt samfélag og aðra hagsmunaaðila til að meta framgang réttinda hinsegin fólks í álfunni. Fundurinn er haldinn árlegakringum alþjóðadag gegn fordómum gagnvart hinsegin fólki (IDAHOT) 17. maí.

16. maí 2022Utanríkisráðuneytið, Alþjóðamál, Öryggis- og varnarmál, Úkraína, Utanríkismál

Utanríkisráðherrar Atlantshafsbandalagsins funduðu í Berlín

Líklegar aðildarumsóknir Finnlands og Svíþjóðar, staðan í Úkraínu og undirbúningur fyrir leiðtogafund Atlantshafsbandalagsins í Madríd voru umfjöllunarefni á óformlegum fundi utanríkisráðherra Atlantshafsbandalagsins sem lauk í Berlín í gær. Afleiðingar innrásarinnar, meðal annars á matvælaöryggi í heiminum, voru jafnframt helsta umræðuefnið á tvíhliða fundum sem utanríksráðherra átti í tengslum við fund Atlantshafsbandalagsins.

13. maí 2022Annað, Brussel-vaktin, Utanríkisráðuneytið

Macron vill bjóða Evrópuríkjum utan ESB upp á nánara samstarf

Að þessu sinni er fjallað um lyktir ráðstefnunnar um framtíð Evrópu, ræðu Macrons Frakklandsforseta um Evrópumál, reglur um græn skuldabréf, ákvörðun norsku ríkisstjórnarinnar að gera úttekt á EES-samstarfinu, tillögu um aðgerðir gegn barnaklámi, brýningu framkvæmdastjórnarinnar í Covid-19 málum, tillögu um samræmdan gagnagrunn heilsufarsupplýsinga og samráð um fjórar nýjar gerðir á samgöngusviðinu.

13. maí 2022Annað, Brussel-vaktin, Utanríkisráðuneytið

Macron vill bjóða Evrópuríkjum utan ESB upp á nánara samstarf

Að þessu sinni er fjallað um lyktir ráðstefnunnar um framtíð Evrópu, ræðu Macrons Frakklandsforseta um Evrópumál, reglur um græn skuldabréf, ákvörðun norsku ríkisstjórnarinnar að gera úttekt á EES-samstarfinu, tillögu um aðgerðir gegn barnaklámi, brýningu framkvæmdastjórnarinnar í Covid-19 málum, tillögu um samræmdan gagnagrunn heilsufarsupplýsinga og samráð um fjórar nýjar gerðir á samgöngusviðinu.

13. maí 2022Utanríkisráðuneytið, Flóttafólk, Mið-Austurlönd, Utanríkismál

Tilkynnt um viðbótarframlag frá Íslandi á áheitaráðstefnu um Sýrland

Heildarframlög íslenskra stjórnvalda í þágu sýrlensku þjóðarinnar á þessu ári og fram til ársloka 2024 nema 550 milljónum króna. Tilkynnt var um 60 milljóna króna viðbótarframlag á áheitaráðstefnu í vikunni um Sýrland. Framlagsríki og alþjóða hjálparstofnanir gáfu fyrirheit um 6,7 milljónir Bandaríkjadala á ráðstefnunni sem haldin var í Brussel.