Efnisorð
Tegund

Leita eftir efnisorðum

Sýnir 151–200 af 400
Raða eftir:
10. júl. 2022Atvinnuvegaráðuneytið, Auðlindir, Auðlindin okkar, Sjávarútvegur, Atvinnuvegir

Greinargerð um stöðu haf- og fiskirannsókna skilað til matvælaráðherra

Jóhann Sigurjónsson, fyrrum forstjóri Hafrannsóknastofnunar, hefur skilað greinargerð um stöðu haf- og fiskirannsókna til Svandísar Svavarsdóttur matvælaráðherra. Greinargerðinni er ætlað að gefa yfirlit um stöðu haf- og fiskirannsókna á Íslandi, mikilvægi þeirra og leiðir til að efla þær á næstu árum og áratugum. Greinargerðin var unnin samkvæmt beiðni ráðherra og mun nýtast við þá vinnu sem hafin er á vegum ráðuneytisins um stefnumótun í sjávarútvegi.

07. júl. 2022Atvinnuvegaráðuneytið, Auðlindir, Sjávarútvegur, Atvinnuvegir

Matvælaráðherra eykur aflaheimildir til strandveiða um 1.074 tonn

Svandís Svavarsdóttir matvælaráðherra hefur undirritað breytingu á reglugerð um veiðar í atvinnuskyni. Við breytinguna aukast aflaheimildir til strandveiða um 874 tonn af þorski sem fengust í skiptum fyrir heimildir á makríl á skiptimarkaði, 50 ónýtt tonn sem voru færð frá frístundaveiðum og 150 ónýtt tonn vegna línuívilnunar. Samtals er því 1.074 tonnum bætt við strandveiðipottinn.

10. jún. 2022Atvinnuvegaráðuneytið, Auðlindir, Auðlindin okkar, Sjávarútvegur, Atvinnuvegir

Álitamál til umfjöllunar á þriðja fundi samráðsnefndar um sjávarútvegsstefnu

Á þriðja fundi samráðsnefndar um sjávarútvegsstefnu kynntu starfshóparnir Samfélag, Aðgengi, Umgengni og Tækifæri hluta þeirrar vinnu sem hóparnir hafa unnið síðan Svandís Svavarsdóttir matvælaráðherra setti af stað verkefnið „Auðlindin okkar“ í júní sl. Hóparnir kynntu m.a. svonefndar kveikjur sem er samheiti yfir þær spurningar og þau álitamál varðandi sjávarútveg sem hóparnir hafa rýnt.

26. apr. 2022Atvinnuvegaráðuneytið, Auðlindir, Sveitarstjórnir og byggðamál, Heimsmarkmiðin, Sjávarútvegur, Atvinnuvegir

Matvælaráðherra bætir 1.500 tonnum af þorski við strandveiðipott

Svandís Svavarsdóttir matvælaráðherra hefur undirritað nýja reglugerð um strandveiðar. Alls verða nú 10.000 tonn af þorski í strand­veiðipott­in­um á þessu tíma­bili, þar af 1.500 tonn sem skiluðu sér af skiptimörkuðum á útmánuðum og ráðherra ákvað að bæta í strandveiðipottinn. Hlutfall strandveiða af leyfilegum heildarafla þorsks nemur því 4,5% og hefur ekki hefur svo stórum hluta aflans áður verið úthlutað til strandveiða.

10. apr. 2022Atvinnuvegaráðuneytið, Auðlindir, Auðlindin okkar, Sjávarútvegur, Atvinnuvegir

„Auðlindin okkar“ opnar vefsíðu

Vefsíðan audlindinokkar.is hefur verið opnuð. Þar má finna upplýsingar og gögn sem tengjast verkefninu Auðlindin okkar sem Svandís Svavarsdóttir matvælaráðherra ýtti úr vör í maí með skipan fjögurra starfshópa og samstarfsnefndar um sjávarútvegsstefnu. Verkefni hópanna Samfélag, Aðgengi, Umgengni og Tækifæri er að greina áskoranir og tækifæri í sjávarútvegi og tengdum greinum ásamt því að meta þjóðhagslegan ávinning fiskveiðistjórnunarkerfisins.

11. mar. 2022Atvinnuvegaráðuneytið, Auðlindir, Auðlindin okkar, Sjávarútvegur, Atvinnuvegir

Líflegar umræður um Auðlindina okkar á Eskifirði

Líflegar umræður sköpuðust á öðrum fundi fundaraðarinnar „Auðlindin okkar“ sem haldinn var 1. nóvember í Valhöll á Eskifirði. Fjöldi manns fylgdist með fundinum í streymi á netinu og var góð þátttaka í umræðum bæði í sal og í gegnum streymið. Á þriðja þúsund áhorfendur hafa nú fylgst með streymi frá fundaröðinni.

10. mar. 2022Atvinnuvegaráðuneytið, Auðlindir, Auðlindin okkar, Sjávarútvegur, Atvinnuvegir

Rebekka ráðin til matvælaráðuneytisins í verkefnið „Auðlindin okkar“

Rebekka Hilmarsdóttir hefur verið ráðin í tímabundið starf sérfræðings á skrifstofu sjávarútvegs til að hafa umsjón með vinnu við gerð lagafrumvarpa og reglugerða í tengslum við stefnumótun matvælaráðherra í sjávarútvegi á kjörtímabilinu. Hún mun starfa með fjórum starfshópum matvælaráðherra við endurskoðun á fiskveiðilöggjöfinni ásamt samráðsnefnd um stefnumótun í sjávarútvegi - Auðlindin okkar.

28. feb. 2022Auðlindir, Fiskeldi, Framkvæmd búvörusamninga, Landbúnaður, Landgræðsla og skógrækt, Sjávarútvegur, Atvinnuvegir, Atvinnuvegaráðuneytið

Ráðherra vill opið samráð um matvælastefnu fyrir Ísland

Svandís Svavarsdóttir, matvælaráðherra, hefur lagt fram drög að áherslum og verklagi við gerð matvælastefnu í Samráðsgátt stjórnvalda. Í stefnunni er fjallað um matvæli, sjávarútveg, landbúnað og fiskeldi og hvernig skuli unnið að stefnumótun á næstu árum. ​

03. jan. 2022Atvinnuvegaráðuneytið, Auðlindir, Sjávarútvegur, Atvinnuvegir

Lokar skápnum fyrir veiðar með botnvörpu

Svandís Svavarsdóttir, matvælaráðherra, hefur undirritað reglugerð sem bannar veiðar með fiskibotnvörpu á svæði innan 12 sjómílna í svokölluðum „skáp“ út af Glettninganesi. Lokunin gildir frá júlí og fram í desember ár hvertog tekur til þess að veiðar með fiskibotnvörpu verði bannaðar á umræddu svæði milli 6 og 12 mílna út af Glettingarnesi, þ.e.a.s syðsta hluta Skápsins.

02. jan. 2022Vísindi nýsköpun og rannsóknir, Fiskeldi, Framkvæmd búvörusamninga, Landbúnaður, Landgræðsla og skógrækt, Nýsköpun, Sjávarútvegur, Atvinnuvegir, Menningar-٫ nýsköpunar- og háskólaráðuneytið, Atvinnuvegaráðuneytið

Nýtt matvælaráðuneyti tekur til starfa: Skipum okkur í fremstu röð í framleiðslu hágæða matvæla

„Í matvælaráðuneytinu horfum við til þess að Ísland verði í fremstu röð á heimsvísu í framleiðslu hágæða matvæla. Við leggjum áherslu á ábyrga umgengni við náttúru og sjálfbæra nýtingu auðlinda, öfluga nýsköpun og vöruþróun í hæsta gæðaflokki,“ segir í stefnumiði nýs Matvælaráðuneytis sem tekur til starfa í dag 1. febrúar 2022. Svandís Svavarsdóttir er matvælaráðherra.

29. des. 2021Fiskeldi, Framkvæmd búvörusamninga, Landbúnaður, Landgræðsla og skógrækt, Loftslagsmál, Nýsköpun, Sjávarútvegur, Matvælasjóður, Atvinnuvegir, Menningar-٫ nýsköpunar- og háskólaráðuneytið

Loftslagsmál og aukin fjölbreytileiki í matvælaframleiðslu áherslumál í fjárlagafrumvarpi

Fjárlög á málefnasviði sjávarútvegs- og landbúnaðarráðherra fyrir árið 2022 endurspegla áherslur í loftslagsmálum og auknu matvælaöryggi, auknu frelsi til fjölbreyttari matvælaframleiðslu og verðmætasköpunar sem og hvötum til nýsköpunar. Þá er lögð áhersla á að einfalda stjórnsýslu enn frekar og auka stafræn samskipti og að halda áfram að þróa Matvælasjóð sem styrkir nýsköpunar- og þróunarverkefni á sviði matvælaframleiðslu.

08. des. 2021Auðlindir, Neytendamál, Vísindi nýsköpun og rannsóknir, Byggðamál, Ferðaþjónusta, Fiskeldi, Framkvæmd búvörusamninga, Hönnun, Jafnrétti, Landbúnaður, Matvælasjóður, Náttúruvernd, Nýsköpun, Orka, Orkusjóður, Sjávarútvegur, Atvinnuvegir, Atvinnuvegaráðuneytið, Innviðaráðuneytið

Styrkveitingar haustið 2021

Atvinnuvega- og nýsköpunarráðuneytið auglýsir eftir umsóknum um styrki til verkefna og viðburða á málefnasviðum ferðamála-, iðnaðar- og nýsköpunarráðherra og sjávarútvegs- og landbúnaðarráðherra.

05. des. 2021Atvinnuvegaráðuneytið, Auðlindir, Efnahagsmál og opinber fjármál, Byggðamál, Covid-19, Fiskeldi, Sjávarútvegur, Atvinnuvegir

Mögulegt að auka útflutningsverðmæti sjávarútvegs og fiskeldis verulega

Mikil tækifæri eru til vaxtar í sjávarútvegi, fiskeldi og tengdum greinum og mögulegt að auka útflutningsverðmæti þessara atvinnugreina verulega á næstu árum. Þetta kemur fram í nýrri skýrslu um stöður og horfur í íslenskum sjávarútvegi og fiskeldi. Að gefnum forsendum, sem lýst er nánar í skýrslunni, gæti virði framleiðslu allra þessara greina aukist í um 440 milljarða kr. árið 2025 og í 615 milljarða kr. árið 2030. Virði framleiðslunnar árið 2030 yrði þannig 85% meira en virði framleiðslunnar árið 2019.

05. des. 2021Atvinnuvegaráðuneytið, Auðlindir, Vísindi nýsköpun og rannsóknir, Covid-19, Fiskeldi, Sjávarútvegur, Atvinnuvegir

Streymisfundur kl 14:00: Staða og horfur í sjávarútvegi og fiskeldi

Kristján Þór Júlíusson, sjávarútvegs- og landbúnaðaráðherra, boðar til opins streymisfundar þar sem kynnt verður skýrsla um stöðu og horfur í íslenskum sjávarútvegi og fiskeldi, sem tekin var saman að beiðni ráðherra. Skýrslan inniheldur ítarlega umfjöllun um núverandi stöðu sjávarútvegs- og fiskeldis og áskoranir og tækifæri til framtíðar. Sveinn Agnarsson, prófessor við viðskiptafræðideild HÍ og ritstjóri skýrslunnar, gerir grein fyrir helstu niðurstöðum hennar.

17. nóv. 2021Atvinnuvegaráðuneytið, Auðlindir, Alþjóðamál, Alþjóðasamningar, Sjávarútvegur, Atvinnuvegir

Ársfundur NEAFC 2021

Ársfundur Norðuraustur-Atlantshafsfiskveiðiráðsins (NEAFC), sá 40. í röðinni, var haldinn í dagana 9.-12. nóvember. Ráðið fer með stjórn fiskveiða utan lögsagna ríkja á Norðaustur-Atlantshafi. Aðilar að NEAFC eru Bretar, Danmörk (varðandi Færeyjar og Grænland), Evrópusambandið, Ísland, Noregur og Rússland. Stefán Ásmundsson, skrifstofustjóri í atvinnuvega- og nýsköpunarráðuneytinu (ANR) fór fyrir íslensku sendinefndinni á fundinum. Í sendinefndinni voru, auk fulltrúa ANR, fulltrúar utanríkisráðuneytisins, Fiskistofu, Hafrannsóknastofnunar, Landhelgisgæslunnar og Samtaka fyrirtækja í sjávarútvegi.

05. nóv. 2021Atvinnuvegaráðuneytið, Vísindi nýsköpun og rannsóknir, Siglingar, Sjávarútvegur, Atvinnuvegir

Átta aðilar lýstu yfir áhuga á smíði hafrannsóknaskips

Miðvikudaginn 5. maí sl. var opnað hjá Ríkiskaupum forútboð vegna smíði á nýju rannsóknaskipi sem mun koma í stað rs. Bjarna Sæmundssonar. Alls lýstu átta skipasmíðastöðvar áhuga að taka þátt í útboðinu. Gert er ráð fyrir að samið verði um smíði skipsins fyrir 1. nóvember nk. og smíði þess geti hafist í kjölfarið. Smíðatíminn er áætlaður tvö ár og því er gert ráð fyrir að skipið komi til landsins síðla árs 2023. Kristján Þór Júlíusson, sjávarútvegs- og landbúnaðarráðherra, gerði grein fyrir málinu á fundi ríkisstjórnarinnar í morgun.

02. nóv. 2021Auðlindir, Líf og heilsa, Covid-19, Ferðaþjónusta, Fiskeldi, Framkvæmd búvörusamninga, Landbúnaður, Nýsköpun, Sjávarútvegur, Atvinnuvegir, Atvinnuvegaráðuneytið

Skýrslu um fæðuöryggi á Íslandi skilað

Innlend matvælaframleiðsla stendur fyrir stórum hluta fæðuframboðs á Íslandi og þá sérstaklega próteini. Garðyrkjan sér fyrir um 43% af framboði grænmetis, búfjárrækt um 90% af kjöti, 96% af eggjum og 99% af mjólkurvörum. Mikilvægt er að marka stefnu um hvernig tryggja megi fæðuöryggi þjóðarinnar. Þetta eru​niðurstöður skýrslu um fæðuöryggi á Íslandi sem unnin var af Landbúnaðarháskóla Íslands að beiðni Kristjáns Þórs Júlíussonar.

21. okt. 2021Líf og heilsa, Vísindi nýsköpun og rannsóknir, Heilbrigðismál, Landbúnaður, Nýsköpun, Sjávarútvegur, Atvinnuvegir, Heilbrigðisráðuneytið, Menningar-٫ nýsköpunar- og háskólaráðuneytið

Sýklalyfjaónæmis- og súnusjóður auglýsir eftir umsóknum

Auglýst er eftir umsóknum um styrki úr Sýklalyfjaónæmis- og súnusjóði. Sjóðurinn starfar í samræmi við þingsályktun nr. 40/149 um aðgerðaáætlun um matvælaöryggi og vernd búfjárstofna, og nýtur framlaga frá heilbrigðisráðuneytinu og atvinnuvega- og nýsköpunarráðuneytinu samtals 30 milljónir kr. á ári í þrjú ár, þ.e. til ársloka 2022.

19. okt. 2021Atvinnuvegaráðuneytið, Auðlindir, Sjávarútvegur, Atvinnuvegir

Skýrsla um verndun viðkvæmra botnvistkerfa

Hafrannsóknarstofnun hefur skilað skýrslu til atvinnuvega- og nýsköpunarráðuneytisins þar sem stofnunin leggur mat á fimm þætti er varða viðkvæm botnvistkerfi. Skýrslan var unnin að beiðni Kristjáns Þórs Júlíussonar, sjávarútvegs- og landbúnaðarráðherra. Ráðuneytið mun í framhaldinu vinna að mótun stefnu varðandi verndun viðkvæmra botnvistkerfa innan íslenskrar efnahaglögsögu.

13. okt. 2021Atvinnuvegaráðuneytið, Sjávarútvegur, Atvinnuvegir

Kristján Þór undirritar reglugerð um veiðar á loðnu

Kristján Þór Júlíusson, sjávarútvegs- og landbúnaðarráðherra, gerði á fundi ríkisstjórnarinnar í gær grein fyrir því að hann hefði í samræmi við ráðgjöf Hafrannsóknastofnunar undirritað reglugerð um veiðar á loðnu. Alls heimilar reglugerðin veiðar íslenskra skipa á allt að 662.064 tonnum sem gefur væntingar um að komandi vertíð verði sú stærsta í tæp 20 ár.

09. okt. 2021Umhverfis-٫ orku- og loftslagsráðuneytið, Atvinnuvegir, Líf og heilsa, Umhverfi og náttúruvernd, Vísindi nýsköpun og rannsóknir, Covid-19, Fiskeldi, Framkvæmd búvörusamninga, Landbúnaður, Lýðheilsa og forvarnir, Lyfjamál, Matvælasjóður, Nýsköpun, Sjávarútvegur, Heilbrigðisráðuneytið, Menningar-٫ nýsköpunar- og háskólaráðuneytið

Mikilvægt að takmarka útbreiðslu sýklalyfjaónæmis

Á árinu 2019 undirrituðu Kristján Þór Júlíusson, sjávarútvegs- og landbúnaðarráðherra og Svandís Svavarsdóttir, heilbrigðisráðherra, yfirlýsingu um sameiginlegt átak til að draga úr útbreiðslu sýklalyfjaónæmra baktería á Íslandi. Í kjölfarið skipuðu ráðherrarnir stýrihóp um varnir gegn sýklalyfjaónæmum bakteríum sem vinnur að framgangi aðgerðaáætlunar sem markar stefnu stjórnvalda í málaflokknum. Auk þess settu ráðherrarnir á fót Sýklalyfjaónæmis- og súnusjóð sem fjármagnar verkefni í baráttunni gegn sýklalyfjaónæmi, fjármögnuðu nýjar stöður sérfræðinga í sýklalyfjaónæmi í þremur stofnunum auk fleiri verkefna. Ríkisstjórnin lýsti því yfir á árinu 2019 að hún ætli að vera í fararbroddi í aðgerðum til að draga úr útbreiðslu sýklalyfjaónæmis.

06. okt. 2021Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Loftslagsmál, Sjávarútvegur

Yfirlýsing stjórnvalda og SFS um losun gróðurhúsalofttegunda vegna olíunotkunar íslensks sjávarútvegs

Íslensk stjórnvöld ásamt Samtökum fyrirtækja í sjávarútvegi stefna í sameiningu að a.m.k. 50% samdrætti í losun gróðurhúsalofttegunda vegna olíunotkunar íslensks sjávarútvegs frá 2005 til 2030. Unnið verður sameiginlega að skilgreindum aðgerðum sem stuðla eiga að því að markmiðið náist. Þetta er inntak yfirlýsingar sem gefin var út í dag.

15. sep. 2021Auðlindir, Vísindi nýsköpun og rannsóknir, Fiskeldi, Framkvæmd búvörusamninga, Landbúnaður, Loftslagsmál, Nýsköpun, Sjávarútvegur, Matvælasjóður, Atvinnuvegir, Menningar-٫ nýsköpunar- og háskólaráðuneytið

Kristján Þór úthlutar 566,6 milljónum úr Matvælasjóði

Kristján Þór Júlíusson, sjávarútvegs- og landbúnaðarráðherra hefur úthlutað 566,6 milljónum króna úr Matvælasjóði til 64 verkefna. Hlutverk sjóðsins er að styrkja þróun og nýsköpun við framleiðslu og vinnslu matvæla úr landbúnaðar- og sjávarafurðum. Þetta er í annað sinn sem úthlutað er úr Matvælasjóði, en í ár bárust 273 umsóknir um styrki.

06. sep. 2021Vísindi nýsköpun og rannsóknir, Framkvæmd búvörusamninga, Landbúnaður, Nýsköpun, Sjávarútvegur, Atvinnuvegir, Matvælasjóður, Menningar-٫ nýsköpunar- og háskólaráðuneytið

272 umsóknir í Matvælasjóð

Alls bárust 272 umsóknir um styrki úr Matvælasjóði, en umsóknarfrestur var til 6. júní. Sjóðurinn hefur 630 milljónir til úthlutunar og næstu skref eru þau að umsóknirnar fara til fagráða sjóðsins sem munu veita umsögn um þær og í kjölfarið mun stjórn sjóðsins gera tillögu til Kristjáns Þórs Júlíussonar, sjávarútvegs- og landbúnaðarráðherra um úthlutun úr sjóðnum.

27. ágú. 2021Atvinnuvegaráðuneytið, Auðlindir, Fiskeldi, Framkvæmd búvörusamninga, Landbúnaður, Sjávarútvegur, Atvinnuvegir

Kristján Þór setur af stað vinnu um mótun fæðuöryggisstefnu

Kristján Þór Júlíusson, sjávarútvegs- og landbúnaðarráðherra, hefur falið Landbúnaðarháskóla Íslands að móta tillögu að fæðuöryggisstefnu fyrir Ísland. Kristján Þór og Ragnheiður I. Þórarinsdóttir, rektor Landbúnaðarháskóla Íslands hafa undirritað samning þess efnis.

20. júl. 2021Atvinnuvegaráðuneytið, Sjávarútvegur, Atvinnuvegir

Auknar heimildir til strandveiða

Kristján Þór Júlíusson, sjávarútvegs- og landbúnaðarráðherra, hefur undirritað reglugerð um auknar heimildir til strandveiða. Alls verður 1.171 tonnum af þorski bætt við en um er að ræða óráðstafað magn sem kom til á skiptimarkaði í skiptum fyrir makríl og fleiri tegundir. Með þessari aukningu verður því heildarmagn í þorski á strandveiðum alls 11.171 tonn og samtals 12.271 tonn af óslægðum botnfiski.