Efnisorð
Tegund

Leita eftir efnisorðum

Sýnir 1501–1550 af 2554
Raða eftir:
01. júl. 2020Heilbrigðisráðuneytið, Heilbrigðismál, Líf og heilsa

Nýmæli í nýrri reglugerð um ferðakostnað sjúkratryggðra

Sjúkratryggingar greiða fargjald eins fylgdarmanns með konu sem þarf að ferðast til að fæða barn á heilbrigðisstofnun samkvæmt nýrri reglugerð um ferðakostnað sjúkratryggðra og aðstandenda þeirra innanlands sem tók gildi 1. janúar sl. Þetta er nýmæli og sömuleiðis ákvæði þar sem komið er til móts við ferðakostnað nýrnasjúkra sem þurfa á reglubundinni blóðskilunarmeðferð að halda.

01. júl. 2020Heilbrigðisráðuneytið, Heilbrigðismál, Líf og heilsa

Reglugerðarbreyting í þágu sykursjúkra

Reglugerð heilbrigðisráðherra sem kveður á um greiðsluþátttöku sjúkratrygginga í nýjum búnaði fyrir sykursjúka með insúlínháða sykursýki tók gildi 1. janúar síðastliðinn. Búnaðurinn hefur til þessa ekki staðið til boða sjúklingum með sykursýki hér á landi. Með reglugerðinni er einnig kveðið á um aukinn rétt fólks sem er nýgreint með sykursýki til niðurgreiddra blóðstrimla til blóðsykursmælinga.

01. júl. 2020Heilbrigðisráðuneytið, Heilbrigðismál, Líf og heilsa

Reglubundin bólusetning barna við hlaupabólu og bólusetning við kíghósta fyrir áhættuhópa

Öll börn sem fædd eru 1. janúar 2019 eða síðar eiga nú rétt á bólusetningu við hlaupabólu án endurgjalds. Reglugerð þessa efnis tók gildi 1. janúar síðastliðinn. Reglugerðin kveður einnig á um bólusetningu við kíghósta fyrir sérstaka áhættuhópa og mælir sóttvarnalæknir með slíkum bólusetningum fyrir barnshafandi konur.

01. júl. 2020Heilbrigðisráðuneytið, Heilbrigðismál, Líf og heilsa

Tillögum Embættis landlæknis vegna bráðamóttöku LSH hrint í framkvæmd

Heilbrigðisráðuneytið hefur lagt allt kapp á að hrinda í framkvæmd aðgerðum sem embætti landlæknis lagði til í hlutaúttekt vegna alvarlegrar stöðu á bráðamóttöku Landspítalans fyrir ári. Aðgerðirnar hafa skilað árangri og bíða nú nokkru færri einstaklingar á deildum spítalans vegna útskriftarvanda en þegar úttektin var gerð.

30. jún. 2020Heilbrigðisráðuneytið, Líf og heilsa

Lagabreyting varðandi vinnslu persónuupplýsinga samþykkt á Alþingi

Frumvarp heilbrigðisráðherra sem lýtur að vernd einstaklinga í tengslum við vinnslu persónuupplýsinga og miðlun þeirra hefur verið samþykkt á Alþingi. Með frumvarpinu eru gerðar nauðsynlegar breytingar á ýmsum lögum sem heyra undir málefnasvið heilbrigðisráðherra og varða mikilvæg réttindi borgaranna þegar vinna þarf með viðkvæmar persónuupplýsingar, svo sem upplýsingar um heilsufar, til að veita örugga og góða heilbrigðisþjónustu.

30. jún. 2020Heilbrigðisráðuneytið, Líf og heilsa, Almannatryggingar og lífeyrir

Breyting á lögum um sjúkratryggingar samþykkt á Alþingi

Breytingar verða á stjórn og eftirlitsheimildum Sjúkratrygginga Íslands með breytingum á lögum um sjúkratryggingar en frumvarp heilbrigðisráðherra þess efnis var samþykkt á Alþingi í gær. Lögin öðlast þegar gildi. Heimildir stofnunarinnar til eftirlits verða efldar. Einnig er sú breyting gerð að stjórnin hefur ekki lengur það lögbundna hlutverk gera tillögu til ráðherra um skipun forstjóra.

30. jún. 2020Heilbrigðisráðuneytið, Lyfjamál, Líf og heilsa

Ný heildarlöggjöf um lyfjamál samþykkt á Alþingi

Frumvarp heilbrigðisráðherra til nýrra lyfjalaga var samþykkt á Alþingi í gær. Miklar breytingar hafa orðið á sviði lyfjamála frá því að heildarlöggjöf á þessu sviði var samþykkt árið 1994 en tæplega fimmtíu breytingar hafa verið gerðar á lögunum frá því þau voru sett fyrir tæpum aldarfjórðungi. Heildarendurskoðun löggjafarinnar var því brýn og tímabær.

26. jún. 2020Heilbrigðisráðuneytið, Covid-19, Líf og heilsa, Utanríkisráðuneytið

Gjald vegna skimunar á landamærum verður lægra en áformað var

Þann 1. júlí næstkomandi hefst gjaldtaka af komufarþegum vegna skimunar fyrir COVID-19 á landamærum. Heilbrigðisráðherra hefur ákveðið að gjaldið verði 11.000 kr. ef greitt er á staðnum en 9.000 kr. ef greitt er fyrirfram. Þetta er nokkru lægra gjald en upphaflega var áætlað samkvæmt kostnaðarmati. Nýtt mat byggt á fenginni reynslu og breyttum forsendum leiðir í ljós að kostnaður við hvert sýni er að jafnaði lægra en ætlað var. Reglugerð heilbrigðisráðherra um gjaldtökuna hefur verið send til birtingar í Stjórnartíðindum.

26. jún. 2020Heilbrigðisráðuneytið

Lögum um heilbrigðisþjónustu breytt til samræmis við heilbrigðisstefnu

Frumvarp Svandísar Svavarsdóttur heilbrigðisráðherra til breytinga á lögum um heilbrigðisþjónustu var samþykkt á Alþingi í dag. Með breytingunum eru lög um heilbrigðisþjónustu færð til samræmis við ályktun Alþingis um heilbrigðisstefnu til ársins 2030. Kjarni breytinganna felst í því að skilgreiningum á heilbrigðisþjónustu er skipt í þrjú stig, þ.e. fyrsta, annars og þriðja stigs heilbrigðisþjónustu, auk þess sem skýrar er kveðið á um hlutverk heilbrigðisstofnana. Gerðar eru breytingar á ákvæðum laganna um framkvæmdastjórnir og jafnframt kveðið á um að á öllum heilbrigðisstofnunum sem ríkið rekur skuli starfa sameiginleg fagráð fagstétta heilbrigðisstarfsfólks á viðkomandi stofnun.

26. jún. 2020Heilbrigðisráðuneytið, Líf og heilsa

Heilsa og líðan þjóðarinnar samkvæmt nýjum lýðheilsuvísum 2020

Meira en 60% Íslendinga telja sig mjög hamingjusama og Sunnlendingar einkum. Um 10% landsmanna upplifa oft einmanaleika og yngra fólk finnur frekar fyrir einmanaleika en þeir sem eldri eru. Heldur hefur dregið úr áhættudrykkju fullorðinna en mánaðarleg ölvunardrykkja nemenda í 10. bekk hefur aukist lítillega. Enn dregur úr daglegum reykingum fullorðinna og rafrettunotkun ungmenna. Tíðni sýklalyfjaávísana til barna undir 5 ára heldur áfram að lækka en töluverður munur er á milli heilbrigðisumdæma. Komum á heilsugæslustöðvar á hvern íbúa heldur áfram að fjölga á landsvísu og er aukin notkun íbúa á heilsugæsluþjónustu mest á höfuðborgarsvæðinu. Á sama tíma hefur dregið lítillega úr komum til sjálfstætt starfandi sérgreinalækna en umtalsverður munur er hvað það varða á milli heilbrigðisumdæma.…

16. jún. 2020Heilbrigðisráðuneytið, Covid-19, Líf og heilsa

Álagsgreiðslur heilbrigðisstofnana til starfsfólks vegna COVID-19

Heilbrigðisráðuneytið hefur sent erindi til heilbrigðisstofnana vegna álagsgreiðslna til heilbrigðisstarfsfólks sem staðið hefur í framlínunni vegna COVID-19. Ráðgert er að álagið verði greitt út 1. júlí. Álagsgreiðslurnar nema samtals 1,0 milljarði króna með launatengdum gjöldum í samræmi við ákvörðun Alþingis sem birtist í fjáraukalögum nr. 36/2020.

15. jún. 2020Félags- og húsnæðismálaráðuneytið, Málefni eldra fólks, Líf og heilsa, Heilbrigðisráðuneytið

Úthlutun 360 milljóna króna úr Framkvæmdasjóði aldraðra

Heilbrigðisráðherra hefur úthlutað 360 milljónum króna úr Framkvæmdasjóði aldraðra. Styrkir voru veittir til 24 verkefna. Um 250 milljónir króna renna til verkefna sem bæta munu aðbúnað íbúa á hjúkrunarheimilum og laga aðstæður á heimilunum að viðmiðum ráðuneytisins um skipulag hjúkrunarheimila. Önnur verkefni snúast um smærri viðhaldsverkefni og endurbætur á húsnæði hjúkrunarheimila víðsvegar um landið.

11. jún. 2020Heilbrigðisráðuneytið, Heilbrigðismál, Líf og heilsa

Líknarrýmum fjölgað á líknardeild Landspítala í Kópavogi

Heilbrigðisráðherra hefur tryggt Landspítala aukið fjármagn til að fjölga líknarrýmum við líknardeildina í Kópavogi úr 12 í 16. Ákvörðunin er liður í aðgerðum til að létta álagi af bráðamóttöku Landspítala og bæta um leið aðbúnað og þjónustu við sjúklinga með sjúkdóma á lokastigi. Áætlaður kostnaður vegna þessa nemur rúmum 100 milljónum króna á ári.

11. jún. 2020Heilbrigðisráðuneytið, Covid-19, Líf og heilsa

Um bætur til hjúkrunarheimila vegna COVID-19 kostnaðar

Samtök fyrirtækja í velferðarþjónustu halda því ítrekað fram að stjórnvöld hyggist ekki ætla að bæta hjúkrunarheimilum aukinn kostnað sem rekja megi til COVID-19 faraldursins, síðast í Morgunblaðinu í dag. Þetta gera þau þrátt fyrir yfirlýsingar stjórnvalda um annað. Sjúkratryggingar Íslands hafa óskað eftir gögnum frá hjúkrunarheimilum þar sem sýnt er fram á hve hár þessi kostnaður er og í hverju hann er fólginn og stendur sú vinna enn yfir. Þá hefur heilbrigðisráðuneytið óskað eftir fjárveitingu á fjáraukalögum til að koma til móts við heimilin og er stefnt að slíku uppgjöri þegar rekstrarniðurstöður ársins liggja betur fyrir. Þegar fullnægjandi upplýsingar frá hjúkrunarheimilunum liggja fyrir munu Sjúkratryggingar Íslands meta gögnin og afgreiða.

10. jún. 2020Heilbrigðisráðuneytið, Líf og heilsa

Framkvæmdir við Landspítala: Uppsteypa meðferðarkjarnans hefst innan skamms

Nýr Landspítali ohf. hefur tekið tilboði Eyktar hr. um uppsteypu meðferðarkjarna Landspítala við Hringbraut. Eykt bauð 8,68 milljarða króna í verkið sem er um 82% af kostnaðaráætlun. Nýr meðferðarkjarni verður um 70.000 fermetrar að stærð og verkefnið er meðal stærstu áfanga uppbyggingar Landspítala við Hringbraut. Áætlað er að verkið geti hafist í nóvember og að framkvæmdatíminn verði um þrjú ár.

10. jún. 2020Heilbrigðisráðuneytið, Covid-19, Líf og heilsa

Undanþágur frá samkomubanni fyrir þjóðhagslega mikilvæg fyrirtæki

Heilbrigðisráðherra veitti síðastliðið vor undanþágur frá samkomubanni fyrir þjóðhagslega mikilvæg fyrirtæki, svo unnt væri að halda starfsemi þeirra órofinni. Heilbrigðisráðherra hefur ákveðið að áður veittar undanþágur haldi gildi sínu, þannig að hertar sóttvarnaráðstafanir raski ekki umræddri starfsemi. Sömu skilyrði fyrir undanþágum gilda og áður, en þær voru veittar að undangengnu samráði við sóttvarnalækni, almannavarnadeild ríkislögreglustjóra og Matvælastofnun.

03. jún. 2020Heilbrigðisráðuneytið, Almannaöryggi, Líf og heilsa, Dómsmálaráðuneytið, Covid-19

Viðbragðsáætlun almannavarna: Heimsfaraldur – Landsáætlun

Ríkislögreglustjórinn og sóttvarnalæknir hafa gefið út viðbragðsáætlun sem ætlað er að segja fyrir um skipulag og stjórn aðgerða vegna hvers kyns heimsfaraldurs. Áætlunin styðst við lög um almannavarnir nr. 82/2008 og sóttvarnalög nr. 19/1997. Fyrri útgáfa þessarar áætlunar bar heitið Landsáætlun vegna heimsfaraldurs inflúensu og hefur hlutverk hennar nú verið víkkað og nær yfir heimsfaraldra veikinda af hvaða toga sem er. Kjartan Þorkelsson settur ríkislögreglustjóri og Þórólfur Guðnason sóttvarnalæknir undirrituðu áætlunina í morgun og hefur hún verið birt á vefjum embættis landlæknis og almannavarna.

03. jún. 2020Heilbrigðisráðuneytið, Heilbrigðismál, Líf og heilsa

Göngudeildarþjónusta SÁÁ mikilvægur hluti af meðferð og endurhæfingu

Svandís Svavarsdóttir heilbrigðisráðherra kynnti sér starfsemi göngudeildarþjónustu SÁÁ þegar hún heimsótti starfsstöð samtakanna í Efstaleiti í gær. Valgerður Rúnarsdóttir, framkvæmdastjóri lækninga, segir göngudeildarþjónustuna mjög mikilvægan hluta af meðferð og endurhæfingu vegna neyslu- og fíknivanda og hluta af heilsteyptri meðferð á mismunandi stigum. ​Þá sé unnið að því að tryggja samfellu og samstarf þeirra sem veita heilbrigðisþjónustu og félagsþjónustu á þessu sviði.

01. jún. 2020Heilbrigðisráðuneytið, Heilbrigðismál, Líf og heilsa

Árið 2020 helgað hjúkrunarfræðingum og ljósmæðrum

Alþjóðaheilbrigðismálastofnunin (WHO) tileinkar árið 2020 hjúkrunarfræðingum og ljósmæðrum. Stofnunin bendir á að þessar starfsstéttir gegni þýðingarmiklu í heilbrigðisþjónustu hvers samfélags og standi jafnvel alfarið undir opinberri heilbrigðisþjónustu í sumum þeirra. Markmiðið er að vekja athygli á þessu mikilvæga hlutverki, stuðla að því að það sé metið og viðurkennt og ýta undir að þjóðir heims fjárfesti í menntun og störfum hjúkrunarfræðinga og ljósmæðra.

28. maí 2020Heilbrigðisráðuneytið, Covid-19, Líf og heilsa

Netspjall við hjúkrunarfræðinga verði í boði alla daga frá kl. 8.00 – 22.00

Heilsugæsla höfuðborgarsvæðisins stefnir að því tryggja landsmönnum aðgang að ráðgjöf og leiðsögn um heilbrigðiskerfið í gegnum netspjall á www.heilsuvera.is alla daga vikunnar frá kl. átta á morgnana til tíu á kvöldin. Heilbrigðisráðherra hefur fallist á tillögu stofnunarinnar þessa efnis og ákveðið að veita 30 milljónir króna á ársgrundvelli til verkefnisins í tvö ár. Netspjall heilsuveru hefur gefið góða raun á tímum COVID-19 og hefur þeim sem nýta sér þessa þjónustu fjölgað jafnt og þétt.

27. maí 2020Heilbrigðisráðuneytið, Lyfjamál, Líf og heilsa

Aðild Íslands að norrænum samningskaupum á dýrum frumlyfjum lofar góðu

Danmörk, Finnland, Ísland, Noregur og Svíþjóð hafa boðið BlueBird Bio, markaðsleyfishafa lyfsins Zynteglo, í sameiginleg norræn samningskaup. Þetta er fyrsta lyfið sem til greina kemur að semja um á þennan hátt í samstarfi þjóðanna. Vonast er til að með aðild að norrænum samningskaupum geti Ísland náð mun hagstæðari kjörum við kaup á dýrum frumlyfjum en hingað til, aukið möguleikana á innleiðingu nýrra lyfja og betur tryggt sjúklingum sambærilega meðferð og stendur til boða sjúklingum hjá hinum Norðurlandaþjóðunum.

27. maí 2020Heilbrigðisráðuneytið, Atvinnuvegir, Líf og heilsa, Vísindi nýsköpun og rannsóknir, Covid-19, Heilbrigðismál, Lýðheilsa og forvarnir, Nýsköpun, Opinber innkaup, Fjármála- og efnahagsráðuneytið, Menningar-٫ nýsköpunar- og háskólaráðuneytið

Stafrænt heilbrigðismót: Stefnumót heilbrigðisþjónustu og frumkvöðla

Stafrænt heilbrigðismót er hafið og stendur til 15.júlí 2020. Þar geta aðilar sem veita heilbrigðisþjónustu sett fram raunverulegar áskoranir um lausnir í heilbrigðisþjónustu og komið á samstarfi við fyrirtæki og frumkvöðla sem bjóða fram hugmyndir að lausnum.

27. maí 2020Heilbrigðisráðuneytið, Líf og heilsa

Ný reglugerð um viðurkenningu á faglegri menntun og hæfi heilbrigðisstétta

Heilbrigðisráðherra hefur sett nýja reglugerð sem felur í sér innleiðingu Evróputilskipunar um viðurkenningu á faglegri menntun og hæfi heilbrigðisstarfsmanna frá öðrum ríkjum Evrópska efnahagssvæðisins og Sviss. Reglugerðin öðlast gildi við birtingu í Stjórnartíðindum 28. maí. Frá sama tíma fellur úr gildi reglugerð mennta- og menningarmálaráðherra um sama efni nr. 461/2011.

26. maí 2020Heilbrigðisráðuneytið, Covid-19, Líf og heilsa, Landamæraeftirlit, Dómsmálaráðuneytið

Skýrsla um sýnatöku fyrir COVID-19 á landamærum

Verkefnisstjórn sem heilbrigðisráðherra skipaði til að undirbúa framkvæmd vegna sýnatöku og greiningar á COVID-19 meðal farþega sem koma til landsins, líkt og stjórnvöld áforma, skilaði skýrslu með niðurstöðum sínum í gær. Í stuttu máli er niðurstaða hópsins sú að miðað við gefnar forsendur sem lagðar voru til grundvallar sé verkefnið framkvæmanlegt en að leysa þurfi úr mörgum verkþáttum áður en hægt verður að hefjast handa við skimun á landamærum. Skýrslan var kynnt á fundi ríkisstjórnar í morgun og ákveðið að forsætisráðuneytið muni leiða næstu skref.

25. maí 2020Rit og skýrslur, Líf og heilsa, Covid-19, Landamæraeftirlit, Heilbrigðisráðuneytið

Skýrsla verkefnisstjórnar um sýnatöku fyrir COVID19 á landamærum

Skýrsla verkefnisstjórnar sem heilbrigðisráðherra skipaði til að undirbúa framkvæmd vegna sýnatöku og greiningar á COVID-19 meðal farþega sem koma til landsins. Skýrslunni var skilað í lok maí 2020. Í stuttu máli er niðurstaða verkefnisstjórnar að miðað við gefnar forsendur sem lagðar voru til grundvallar sé verkefnið framkvæmanlegt en að leysa þurfi úr mörgum verkþáttum áður en hægt verður að hefjast handa við skimun á landamærum.

22. maí 2020Heilbrigðisráðuneytið, Covid-19, Líf og heilsa

COVID-19: Fjöldamörk úr 50 í 200 manns og fleiri tilslakanir

Ný auglýsing heilbrigðisráðherra um takmörkun á samkomum vegna farsóttar tekur gildi mánudaginn 25. maí. Þar með verður allt að 200 manns heimilt að koma saman í stað 50 nú, heimilt verður að opna líkamsræktarstöðvar með sömu takmörkunum og gilda um sund- og baðstaði og öllum veitingastöðum, þar með töldum krám og skemmtistöðum, og einnig spilasölum, verður heimilt að hafa opið til kl. 23.00. Hvatt er til þess að viðhalda tveggja metra nálægðarmörkum eftir því sem kostur er, eins og nánar er fjallað um í auglýsingunni. Auglýsingin er í fullu samræmi við tillögur sóttvarnalæknis. Ráðherra kynnti ákvörðun sína um breytingar á takmörkun á samkomum á fundi ríkisstjórnar í morgun.

22. maí 2020Heilbrigðisráðuneytið, Líf og heilsa

Frumvarp um neyslurými samþykkt á Alþingi

Alþingi samþykkti í vikunni frumvar Svandísar Svavarsdóttur um breytingu á lögum um ávana- og fíkniefni. Lagabreytingin felur í sér heimild til sveitarfélaga til að koma á fót lagalega vernduðu umhverfi, neyslurými, þar sem einstaklingar, 18 ára og eldri, geta neytt ávana- og fíkniefna í æð undir eftirliti starfsfólks þar sem gætt er fyllsta hreinlætis, öryggis og sýkingavarna. Neyslurými byggjast á hugmyndafræði skaðaminnkunar en í henni felst að draga úr heilsufarslegum, félagslegum og efnahagslegum afleiðingum notkunar löglegra og ólöglegra ávana- og fíkniefna

20. maí 2020Heilbrigðisráðuneytið

Nýsköpun í heilbrigðisþjónustu – Hakkaþon um helgina

Nýsköpunarkeppni undir yfirskriftinni Hakkaþon fer fram um helgina þar sem meðal annars verður keppt í nýsköpun í heilbrigðisþjónustu. Verðlaun að upphæð 500.000 krónur eru í boði. Keppnin fer fram á netinu og geta allir sem vilja tekið þátt. Í heilbrigðisþjónustu verður horft til þess hvernig stuðla megi að nýjum leiðum og nýrri nálgun og hvernig bæta megi gæði, öryggi og aðgengi að þjónustunni. Nánar má lesa um keppnina, fyrirkomulag hennar og helstu áskoranir í heilbrigðisþjónustu sem verða viðfangsefni þátttakenda.

20. maí 2020Heilbrigðisráðuneytið, Líf og heilsa

Tillögur um menntun lækna og mönnun til framtíðar

Starfshópur sem heilbrigðisráðherra skipaði til að fjalla um framhaldsmenntun lækna og framtíðarmönnun læknisstarfa í heilbrigðiskerfinu gerir margvíslegar tillögur um umbætur og leiðir sem miða að því tryggja fullnægjandi mönnun á næstu áratugum. Ákvarðanir um hvaða sérnám stendur til boða og í hve miklum mæli hafa grundvallarþýðingu fyrir skipulag og mannafla íslensks heilbrigðiskerfis næstu áratugina að mati hópsins.

20. maí 2020Heilbrigðisráðuneytið, Líf og heilsa

Aukinn stuðningur við Frú Ragnheiði

Heilbrigðisráðherra hefur ákveðið að veita sex milljóna króna styrk til skaðaminnkunarverkefnis Reykjavíkurdeildar Rauða krossins, Frú Ragnheiðar. Markmið verkefnisins er að liðsinna jaðarsettum einstaklingum eins og þeim sem eru húsnæðislausir og einstaklingum sem nota vímuefni um æð. Styrkurinn kemur til viðbótar níu milljóna styrk sem ráðherra veitti til verkefnisins fyrr á þessu ári þegar úthlutað var styrkjum til félagasamtaka sem starfa að heilbrigðismálum.

16. maí 2020Heilbrigðisráðuneytið, Covid-19, Líf og heilsa

Þing Alþjóðaheilbrigðismálastofnunarinnar haldið í skugga Covid-19

þing Alþjóðaheilbrigðismálastofnunarinnar (WHO) hefst á mánudaginn og stendur í tvo daga. Þingið er haldið í skugga COVID-19 heimsfaraldursins. Það fer fram á Netinu og meginumfjöllunarefnið verður faraldurinn og viðbrögð þjóða við honum. Hægt verður að fylgjast beint með þinginu í streymi á vef stofnunarinnar sem hefst með ávarpi Dr Tedros Adhanom Ghebreyesus, framkvæmdastjóra WHO. Svandís Svavarsdóttir heilbrigðisráðherra tekur þátt í þinginu og ávarpar það fyrir Íslands hönd. ​

15. maí 2020Félags- og húsnæðismálaráðuneytið, Málefni eldra fólks, Líf og heilsa, Heilbrigðisráðuneytið

Arkís vann hönnunarsamkeppni um nýtt hjúkrunarheimili á Húsavík

Á annað hundrað manns fyldust með beinni útsendingu á vefnum í gær þegar Svandís Svavarsdóttir heilbrigðisráðherra kynnti niðurstöður hönnunarsamkeppni um nýtt hjúkrunarheimili á Húsavík fyrir 60 íbúa. Alls bárust 32 tillögur í keppnina sem var að öllu leyti stafræn og því við hæfi að ljúka henni með sama sniði.

15. maí 2020Líf og heilsa, Covid-19, Heilbrigðisráðuneytið

Heimilt að opna sundlaugar og baðstaði 18. maí, með ákveðnum skilyrðum

Heilbrigðisráðherra hefur fallist á tillögu sóttvarnalæknis um að heimila opnun sundlauga og baðstaða 18. maí næstkomandi. Fjöldi sundgesta verður takmarkaður og rík áhersla lögð á hreinlæti og sóttvarnir. Auglýsing sem kveður á um heimildina hefur verið send Stjórnartíðindum til birtingar ásamt ýtarlegum leiðbeiningum sóttvarnalæknis.