Efnisorð
Tegund

Leita eftir efnisorðum

Sýnir 1751–1800 af 2679
Raða eftir:
09. nóv. 2017Flug og flugvellir, Innviðaráðuneytið, Rit og skýrslur, Samgöngur

Reykjavíkurflugvöllur talinn uppfylla afar vel hlutverk sitt sem alhliða öryggisflugvöllur

Jón Gunnarsson samgöngu- og sveitarstjórnarráðherra kynnti í dag skýrslu um öryggishlutverk Reykjavíkurflugvallar sem Þorgeir Pálsson, fyrrverandi flugmálastjóri og prófessor emeritus við HR, vann fyrir ráðuneytið. Einnig kynnti ráðherra skipan nefndar sem falið er að finna ásættanlega lausn á framtíð Reykjavíkurflugvallar.

01. nóv. 2017Dómsmálaráðuneytið, Innviðaráðuneytið

Tveir ráðherrar í innanríkisráðuneyti

Tveir ráðherrar verða í innanríkisráðuneytinu í nýrri ríkisstjórn Bjarna Benediktssonar sem tók við í dag: Jón Gunnarsson er samgöngu- og sveitarstjórnarráðherra og Sigríður Á. Andersen er dómsmálaráðherra. Eftir ríkisráðsfund á Bessastöðum tóku þau bæði við lyklum að innanríkisráðuneytinu nú síðdegis hjá fráfarandi innanríkisráðherra, Ólöfu Nordal.

25. okt. 2017Samgöngur og fjarskipti, Flug og flugvellir, Siglingar, Innviðaráðuneytið

Bætt verði við ferðum í vetraráætlun Baldurs

Jón Gunnarsson samgöngu- og sveitarstjórnarráðherra hefur beint þeim tilmælum til Vegagerðarinnar að ferðum Breiðafjarðarferjunnar Baldurs verði fjölgað í vetur í samræmi við óskir heimamanna á sunnanverðum Vestfjörðum. Jafnframt verður bætt við ferðum í flugáætlun milli Bíldudals og Reykjavíkur frá 1. febrúar á næsta ári. Er þetta gert til þess að bregðast við miklum vexti í atvinnulífinu á svæðinu og aukinnar þarfar fyrir almenningssamgöngur.

23. okt. 2017Samgöngur og fjarskipti, Flug og flugvellir, Innviðaráðuneytið

Heimild til flutnings á hergögnum um íslenskt yfirráðasvæði ekki veitt

Samgöngu- og sveitarstjórnarráðuneytinu barst hinn 20. október síðastliðinn erindi frá Samgöngustofu varðandi heimild til flutnings á hergögnum um íslenskt yfirráðasvæði. Sneri erindið að beiðni erlends flugrekanda um leyfi stofnunarinnar til að flytja 16 tonn af táragasi frá Kína til Venesúela með viðkomu á Keflavíkurflugvelli fyrir áhafnahvíld. Erindið var sent ráðuneytinu til samráðs í samræmi við 3. mgr. 3. gr. reglugerðar nr. 937/2005 um flutning hergagna.

18. okt. 2017Rit og skýrslur, Vegasamgöngur, Innviðaráðuneytið, Samgöngur

Skýrsla starfshóps um fjármögnun framkvæmda við stofnleiðir út frá höfuðborgarsvæðinu

Skýrsla starfshóps um fjármögnun framkvæmda við helstu stofnleiðir út frá höfuðborgarsvæðinu var kynnt á samgönguþingi í lok september. Þar eru verkáfangar skilgreindir, sett fram framkvæmdaáætlun og tillögur um fjármögnun. Talið er að kostnaður geti orðið um 56 milljarðar króna og að hægt sé að ljúka verkinu á um átta árum.

29. sep. 2017Samgöngur og fjarskipti, Sveitarstjórnir og byggðamál, Innviðaráðuneytið

Nefnd geri tillögur um jarðgangatengingu við Seyðisfjörð

Jón Gunnarsson samgöngu- og sveitarstjórnarráðherra tók í dag þátt í aðalfundi Sambands sveitarfélaga á Austurlandi sem haldinn er á Breiðdalsvík. Ráðherra hafði um morguninn flogið ásamt vegamálastjóra og forsætisráðherra yfir þau svæði á Suðausturlandi þar sem víða hefur orðið tjón á samgöngumannvirkjum og flætt yfir tún bæja vegna vatnavaxta og úrkomu. Er nú unnið að viðgerðum á Hringveginum þar sem vegasamband rofnaði.

18. sep. 2017Sveitarstjórnir og byggðamál, Innviðaráðuneytið

Ýmsar tillögur í skýrslu Byggðastofnunar um stöðu sauðfjárræktar haustið 2017

Byggðastofnun hefur skilað samgöngu- og sveitarstjórnarráðherra greiningu á stöðu sauðfjárræktar og sauðfjárbænda sem hann óskaði eftir í sumar. Óskaði ráðherra eftir mati á stöðunni á svæðum þar sem kinda- og lambakjötsframleiðsla er mikilvæg landsbyggðinni og mati á áhrifum mikillar lækkunar á afurðaverði sem fulltrúar bænda hafa spáð fyrir um.