Efnisorð
Tegund

Leita eftir efnisorðum

Sýnir 1801–1850 af 2565
Raða eftir:
04. des. 2018Neytendamál, Skipulagsmál, Umhverfi og náttúruvernd, Atvinnuvegir, Atvinnuvegaráðuneytið, Félags- og húsnæðismálaráðuneytið

Skýrsla umhverfis- og auðlindaráðherra til Alþingis um málefni Sameinaðs sílikons í Helguvík

Málefni Sameinaðs sílikons hf. eiga sér engin fordæmi hérlendis og mikilvægt er að læra af þeirri reynslu sem málið hefur skapað. Þetta er meðal þess sem fram kemur í skýrslu umhverfis- og auðlindaráðherra til Alþingis um aðdraganda að útgáfu starfsleyfis til kísilverksmiðju Sameinaðs sílikons hf. í Helguvík, sem birt er á vef Alþingis í dag.

16. nóv. 2018Atvinnuvegaráðuneytið

Reglugerð um vöktun á sýklalyfjaþoli

Kristján Þór Júlíusson sjávarútvegs- og landbúnaðarráðherra hefur gefið út reglugerð um vöktun á sýklalyfjaþoli. Reglugerðin mælir fyrir um sýnatökur og skýrslugjöf á þoli gegn sýklalyfjum sem greinast í dýrum, dýraafurðum eða matvælum, fóðurefnum til fóðurgerðar, fóðri, fiskimjöli, vatni, umhverfi eða öðrum sýnum sem tengjast eftirliti Matvælastofnunar og heilbrigðisnefnda sveitarfélaga.

19. okt. 2018Atvinnuvegaráðuneytið, Fjármála- og efnahagsráðuneytið, Landbúnaður

Ríkið tekur yfir lífeyrisskuldbindingar Bændasamtaka Íslands – enginn kostnaðarauki því samhliða

Frá næstu áramótum mun ríkið taka yfir lífeyrisskuldbindingar Bændasamtakanna að upphæð 172 m.kr. samkvæmt samningi sem sjávarútvegs- og landbúnaðarráðherra, fjármála- og efnahagsráðherra, framkvæmdastjóri Bændasamtakanna og framkvæmdastjóri LSR undirrituðu í dag. Samkvæmt samningnum mun framlag ríkisins vegna búvörusamninga lækka árlega um samsvarandi fjárhæð frá og með árinu 2019.

25. sep. 2018Atvinnuvegaráðuneytið, Sjávarútvegur

Álagning veiðigjalds færð nær í tíma

Kristján Þór Júlíusson, sjávarútvegs- og landbúnaðarráðherra, hefur lagt fram á Alþingi frumvarp til laga um veiðigjald. Meginmarkmið frumvarpsins er að færa álagningu veiðigjalds nær í tíma þannig að gjaldtakan sé meira í takt við afkomu sjávarútvegsfyrirtækja og að stjórnsýsla með álagningu veiðigjalds verði einfaldari, skilvirkari, gegnsærri og áreiðanlegri. Þá er gjaldhlutfall veiðigjalds óbreytt frá gildandi lögum.

18. sep. 2018Atvinnuvegaráðuneytið, Landbúnaður

Tíu reglugerðir á sviði landbúnaðarmála felldar brott

Kristján Þór Júlíusson sjávarútvegs- og landbúnaðarráðherra hefur ákveðið að fella úr gildi tíu reglugerðir á sviði landbúnaðarmála. Þessi ákvörðun er liður í átaki atvinnuvega- og nýsköpunarráðuneytisins um einföldun regluverks og í samræmi við stjórnarsáttmála ríkisstjórnarinnar þar sem mælt er fyrir um að átak verði gert í einföldun regluverks í þágu atvinnulífs og almennings.

14. sep. 2018Úrskurðir um sjávarútveg og fiskeldi, Atvinnuvegaráðuneytið, Úrskurðir

Kæra vegna ákvörðunar Fiskistofu um að veita útgerðinni Y skriflega áminningu, skv. 3. mgr. 15. gr. laga nr. 57/1996, um umgengni um nytjastofna sjávar

Kærð var ákvörðun Fiskistofu um að veita útgerð áminningu vegna þess að skip útgerðarinnar fór til veiða í fiskveiðilandhelgi Grænlands án þess að fá leyfi frá Fiskistofu til að veiða í lögsögu annars ríkis sbr. 1. gr. reglugerðar nr. 620/2012, um takmarkanir á veiðum íslenskra skipa úr deilistofnum í lögsögu annarra ríkja. Ráðuneytið felldi ákvörðun Fiskistofu úr gildi þar sem ekki var heimild í lögum nr. 151/1996, um veiðar utan lögsögu Íslands til að veita útgerð áminningu.

05. sep. 2018Atvinnuvegir, Landbúnaður, Atvinnuvegaráðuneytið, Niðurstöður útboða

Niðurstaða úthlutunar á tollkvótum frá Evrópusambandinu á landbúnaðarafurðum alifuglakjöti lífrænt/lausagöngu, fyrir tímabilið 1. maí – 31. desember 2018

Miðvikudaginn 2. maí 2018 rann út tilboðsfrestur í tollkvóta vegna innflutnings á landbúnaðarafurðum frá Evrópusambandinu á kjöti af alifuglum, fryst – lífrænt ræktað/lausagöngu samkvæmt reglugerð nr. 374/2018, (1.) breyting á reglugerð nr. 318/2018 fyrir tímabilið 1. maí – 31. desember 2018.

29. ágú. 2018Atvinnuvegaráðuneytið, Sjávarútvegur

Kristján Þór leggur áherslu á sjálfbæra nýtingu og vernd hafsvæða á ráðstefnu sjávarútvegsráðherra Norður-Atlantshafsins

Kristján Þór Júlíusson, sjávarútvegs- og landbúnaðarráðherra, sat 23. ráðstefnu sjávarútvegsáðherra Norður-Atlantshafsins í Þórshöfn í Færeyjum 27.-28. ágúst. Þau ríki sem funda eru Ísland, Færeyjar, Kanada, Noregur, Rússland, Grænland og Evrópusambandið fyrir hönd aðildarríkja þess.

27. ágú. 2018Ferðaþjónusta, Atvinnuvegir, Atvinnuvegaráðuneytið

Samkeppnismat á ferðaþjónustu og byggingariðnaði í samstarfi við OECD

Á næstu misserum munu íslensk stjórnvöld í samstarfi við Efnahags- og framfarastofnunina OECD framkvæma samkeppnismat á tilteknum sviðum atvinnulífsins, þ.e. ferðaþjónustu og byggingarinaði. Tilgangur samkeppnismatsins er að greina gildandi regluumhverfi með tilliti til þess hvort í þeim reglum sem atvinnulífinu er gert að starfa eftir felist samkeppnishindranir eða óþarfa reglubyrði sem ryðja megi úr vegi.

27. júl. 2018Rit og skýrslur, Landbúnaður, Atvinnuvegaráðuneytið

Tillögur samráðshóps um endurskoðun búvörusamninga til að bregðast við erfiðleikum í sauðfjárrækt

Sjávarútvegs- og landbúnaðarráðherra hefur í samráði við Bændasamtök Íslands ákveðið að flýta viðræðum um endurskoðun samnings um starfsskilyrði sauðfjárræktar og verða skipaðar samninganefndir á vegum ríkisins og bænda á næstu dögum. Viðræður aðila munu fara fram á grunni tillagna sem samráðshópur um endurskoðun búvörusamninga hefur skilað en ráðherra beindi þeim tilmælum til hópsins í mars 2018 að setja í forgang tillögur til að bregðast við erfiðleikum í sauðfjárrækt.