Efnisorð
Tegund

Leita eftir efnisorðum

Sýnir 2051–2100 af 2881
Raða eftir:
02. júl. 2019Forsætisráðuneytið, Landgræðsla og skógrækt, Loftslagsmál, Umhverfi og náttúruvernd, Umhverfis-٫ orku- og loftslagsráðuneytið

Viðamiklar aðgerðir til að auka kolefnisbindingu og efla lífríki hér á landi

Loftslagsávinningur af kolefnisbindingu og endurheimt votlendis eykst verulega með aðgerðum sem Katrín Jakobsdóttir, forsætisráðherra, og Guðmundur Ingi Guðbrandsson, umhverfis- og auðlindaráðherra, kynntu í dag á blaðamannafundi í Elliðaárdalnum. Kolefnisbinding víðs vegar um landið verður aukin til muna og er hún annar meginþáttur aðgerðaáætlunar í loftslagsmálum.

26. jún. 2019Umhverfis-٫ orku- og loftslagsráðuneytið, Umhverfi og náttúruvernd

Alþingi samþykkir fjögur lagafrumvörp frá umhverfis- og auðlindaráðuneytinu

Alþingi samþykkti á nýloknu þingi, fjögur lagafrumvörp umhverfis- og auðlindaráðherra sem lög. Breytingarnar fela m.a. í sér að stjórn loftslagsmála er styrkt hér á landi, stutt við innleiðingu á Minimatasamningnum um að draga úr notkun kvikasilfurs, breytingar innleiddar á tilskipun um mat á umhverfisáhrifum og Umhverfisstofnun fær heimild til að leggja á stjórnvaldssektir vegna brota á lögum um hollustuhætti og mengunarvarnir.

20. jún. 2019Forsætisráðuneytið, Heimsmarkmiðin, Dómsmálaráðuneytið, Félags- og húsnæðismálaráðuneytið, Fjármála- og efnahagsráðuneytið, Heilbrigðisráðuneytið, Mennta- og barnamálaráðuneytið, Innviðaráðuneytið, Umhverfis-٫ orku- og loftslagsráðuneytið, Utanríkisráðuneytið, Atvinnuvegaráðuneytið

Sameinuðu þjóðirnar birta landsrýniskýrslu Íslands um heimsmarkmiðin

Sameinuðu þjóðirnar hafa birt á vef sínum skýrslu íslenskra stjórnvalda um innleiðingu heimsmarkmiðanna.

18. jún. 2019Forsætisráðuneytið, Mennta- og barnamálaráðuneytið, Umhverfis-٫ orku- og loftslagsráðuneytið, Atvinnuvegaráðuneytið

Viljayfirlýsing stjórnvalda, stóriðjunnar og Orkuveitu Reykjavíkur um hreinsun og bindingu kolefnis

Katrín Jakobsdóttir, forsætisráðherra, Guðmundur Ingi Guðbrandsson, umhverfis- og auðlindaráðherra, Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, Lilja Dögg Alfreðsdóttir, mennta- og menningarmálaráðherra, og forstjórar/fulltrúar Orkuveitu Reykjavíkur, Elkem, Fjarðaáls, Rio Tinto á Íslandi og Norðuráls undirrituðu í dag viljayfirlýsingu um kolefnishreinsun og -bindingu.

04. jún. 2019Umhverfis-٫ orku- og loftslagsráðuneytið, Samgöngur og fjarskipti, Umhverfi og náttúruvernd, Loftslagsmál, Orka, Rit og skýrslur

Innviðir fyrir orkuskipti - Tillögur starfshóps um aðgerðir

júní 2019 / Umhverfis-٫ orku- og loftslagsráðuneytið Innviðir fyrir orkuskipti - Tillögur starfshóps um aðgerðir Tillögur starfshóps umhverfis- og auðlindaráðherra og ferðamála-, iðnaðar- og nýsköpunarráðherra sem var falið að móta tillögur um aðgerðir til að hraða orkuskiptum hér á landi, í samræmi við aðgerðaáætlanir um loftslagsmál og orkuskipti. Innviðir fyrir orkuskipti - Tillögur starfshóps um aðgerðir

31. maí 2019Menntamál, Nýsköpun, Orka, Atvinnuvegir, Umhverfis-٫ orku- og loftslagsráðuneytið, Menningar-٫ nýsköpunar- og háskólaráðuneytið

Undirritun samnings um samstarf á sviði sjálfbærni, orku, nýsköpunar og loftslagsmála

Ferðamála-, iðnaðar- og nýsköpunarráðherra undirritaði í dag samning við Háskólann í Reykjavík, Orkuklasann og GRP ehf., um samstarf á sviði sjálfbærni, orku, nýsköpunar og loftslagsmála. Undanfarin ár hafa íslenski Orkuklasinn og GRP ehf., ásamt stjórnvöldum, verið í samstarfi við Cornell háskóla í Bandaríkjunum með það að markmiði að vinna að þekkingaryfirfærslu í orkumálum og sjálfbærni, auk samstarfs í vísindarannsóknum og menntamálum. Með samningnum er efnt til áframhaldandi samstarfs við Cornell háskóla til næstu fjögurra ára og er markmiðið að samstarfið muni leiða af sér aukin tækifæri í nýsköpun, þekkingaryfirfærslu, sjálfbærni, grænum orkulausnum og verðmætaaukningu fyrir íslenskt samfélag.

24. maí 2019Umhverfis-٫ orku- og loftslagsráðuneytið, Loftslagsmál, Umhverfi og náttúruvernd

Notkun svartolíu verði bönnuð innan landhelgi Íslands

Umhverfis- og auðlindaráðuneytið óskar eftir umsögnum um drög að reglugerðarbreytingu sem bannar notkun svartolíu innan íslenskrar landhelgi. Frestur til að skila umsögnum um drögin er til 5. júní n.k. Fyrirhugað bann er m.a. liður í að framfylgja aðgerðaáætlun ríkisstjórnarinnar í loftslagsmálum, sem og stjórnarsáttmála.

09. maí 2019Utanríkisráðuneytið, Utanríkismál, Evrópusamvinna, Orka, Umhverfis-٫ orku- og loftslagsráðuneytið

Baudenbacher kynnir utanríkismálanefnd álitsgerð vegna þriðja orkupakkans

Þótt mögulegt sé að hafna upptöku nýrrar löggjafar ESB í EES-samninginn á lokastigum málsmeðferðar er þriðji orkupakkinn ekki mál af því tagi að réttlætanlegt sé að grípa til slíkra neyðarráðstafana. Þetta er mat Carls Baudenbachers, fyrrverandi forseta EFTA-dómstólsins, en hann kynnir utanríkismálanefnd Alþingis álitsgerð sína síðar í dag. Að áliti hans gæti það teflt aðild Íslands að EES-samningnum í tvísýnu verði þriðja orkupakkanum hafnað.

03. maí 2019Umhverfis-٫ orku- og loftslagsráðuneytið, Náttúruvernd, Umhverfi og náttúruvernd

Akurey í Kollafirði friðlýst

Guðmundur Ingi Guðbrandsson, umhverfis- og auðlindaráðherra, undirritaði í dag friðlýsingu Akureyjar í Kollafirði sem friðland. Verndargildi eyjunnar er ekki síst fólgið í mikilvægi hennar sem sjófuglabyggðar. Friðlýsing Akureyjar er hluti af friðlýsingarátaki sem Guðmundur Ingi ýtti úr vör á síðasta ári og er sú fyrsta sem er undirrituð undir merkjum þess.

30. apr. 2019Umhverfis-٫ orku- og loftslagsráðuneytið, Dagur umhverfisins, Umhverfi og náttúruvernd

Viðurkenningar veittar fyrir umhverfismál

Umhverfis- og auðlindaráðherra, Guðmundur Ingi Guðbrandsson, veitti Krónunni í dag Kuðunginn, umhverfisviðurkenningu umhverfis- og auðlindaráðuneytisins, fyrir framúrskarandi starf að umhverfismálum á síðasta ári. Við sama tækifæri voru nemendur í Ártúnsskóla í Reykjavík og Valhúsaskóla á Seltjarnarnesi útnefndir Varðliðar umhverfisins.

15. apr. 2019Umhverfi og náttúruvernd, Loftslagsmál, Rit og skýrslur, Umhverfis-٫ orku- og loftslagsráðuneytið

Skýrsla Umhverfisstofnunar um losun gróðurhúsalofttegunda á Íslandi 1990 - 2017

apríl 2019 / Umhverfis-٫ orku- og loftslagsráðuneytið Skýrsla Umhverfisstofnunar um losun gróðurhúsalofttegunda á Íslandi 1990 - 2017 Skýrsla Umhverfisstofnunar um losun gróðurhúsalofttegunda á Íslandi 1990 - 2017 (National Inventory Report) til Loftslagssamnings Sameinuðu þjóðanna. National Inventory Report - Emissions of Greenhouse Gases in Iceland from 1990 to 2017 (á ensku)

11. apr. 2019Umhverfis-٫ orku- og loftslagsráðuneytið, Ferðaþjónusta, Náttúruvernd, Umhverfi og náttúruvernd

Framkvæmdir við Þjóðgarðsmiðstöð á Hellissandi hafnar

Fyrsti áfangi framkvæmda við Þjóðgarðsmiðstöð á Hellissandi er hafinn en byggingin mun hýsa sýningar, skrifstofur og aðra aðstöðu Þjóðgarðsins Snæfellsjökuls. Guðmundur Ingi Guðbrandsson, umhverfis- og auðlindaráðherra var viðstaddur þegar formlega var hafist handa við jarðvegsvinnu vegna miðstöðvarinnar s.l. föstudag.

11. apr. 2019Auðlindir, Orka, Atvinnuvegir, Umhverfis-٫ orku- og loftslagsráðuneytið

Skýrsla um þróun raforkuverðs og samkeppni frá setningu raforkulaga 2003

Fyrr á þessu ári óskaði atvinnuvega- og nýsköpunarráðuneytið eftir því að verkfræðistofan EFLA tæki saman skýrslu að nýju um þau mál og hvernig til hafi tekist með þá breytingu sem átti sér stað með setningu raforkulaga 2003. Með þeim lögum var raforkuvinnsla og sala raforku gefin frjáls en sérleyfi þarf til að flytja eða dreifa raforku.

10. apr. 2019Rit og skýrslur, Auðlindir, Orka, Umhverfis-٫ orku- og loftslagsráðuneytið

Skýrsla um þróun raforkuverðs og samkeppni frá setningu raforkulaga 2003

apríl 2019 / Umhverfis-٫ orku- og loftslagsráðuneytið Skýrsla um þróun raforkuverðs og samkeppni frá setningu raforkulaga 2003 Skýrsla um þróun raforkuverðs og samkeppni frá setningu raforkulaga 2003 Snemma árs 2019 óskaði atvinnuvega- og nýsköpunarráðuneytið eftir því að verkfræðistofan EFLA tæki saman skýrslu að nýju um þau mál og hvernig til hafi tekist með þá breytingu sem átti sér stað með setningu raforkulaga 2003. Með þeim lögum var raforkuvinnsla og sala raforku gefin frjáls en sérleyfi þarf til að flytja eða dreifa raforku

10. apr. 2019Umhverfis-٫ orku- og loftslagsráðuneytið, Alþjóðasamningar, Formennska Íslands 2019, Norrænt samstarf, Loftslagsmál, Umhverfi og náttúruvernd

Þörf á metnaðarfullum markmiðum fyrir náttúruna

Á fundi sínum í Reykjavík í dag ræddu norrænu umhverfisráðherrarnir mikilvægi þess að sett verði metnaðarfull markmið í baráttunni gegn hnignun náttúrunnar í gegnum samning Sameinuðu þjóðanna um líffræðilegrar fjölbreytni. Þeir leggja áherslu á að nýta aðferðir náttúrunnar við að takast á við loftslagsmálin, svo sem með endurheimt skóga og votlendis og landgræðslu. Enn fremur vilja ráðherrarnir tryggja að ungt fólk fái tækifæri til að taka þátt í vinnu Sameinuðu þjóðanna við að setja þessi markmið.

09. apr. 2019Umhverfis-٫ orku- og loftslagsráðuneytið, Umhverfi og náttúruvernd, Loftslagsmál, Rit og skýrslur, Forsætisráðuneytið

Loftslagsstefna Stjórnarráðsins

apríl 2019 / Umhverfis-٫ orku- og loftslagsráðuneytið Forsætisráðuneytið Loftslagsstefna Stjórnarráðsins Markmiðið með Loftslagsstefnu Stjórnarráðsins er að Stjórnarráðið verði til fyrirmyndar í loftslagsmálum og bindi meiri koltvísýring en það losar. Stefnan gildir til ársins 2030 og tekur til allra tíu ráðuneyta Stjórnarráðsins og Rekstrarfélags Stjórnarráðsins þess auk þess sem gerðar eru kröfur til ríkisstofnana um aðgerðir í loftslagsmálum

05. apr. 2019Auðlindir, Landbúnaður, Orka, Atvinnuvegir, Umhverfis-٫ orku- og loftslagsráðuneytið

Skýrsla starfshóps varðandi raforkumálefni garðyrkjubænda

Starfshópur um raforkumálefni garðyrkjubænda var skipaður af ferðamála-, iðnaðar- og nýsköpunarráðherra 27. apríl 2018. Starfshópnum var ætlað að kortleggja þróun framleiðslukostnaðar garðyrkjubænda og hlut raforku í honum, þróun gjaldskrárbreytinga, taxta og niðurgreiðslna vegna raforkunotkunar garðyrkjubænda, kanna möguleika til aukinnar nýsköpunar, þróunarverkefna og samstarfs í greininni og skoða hvaða möguleikar og verðmæti kunni að felast í kolefnisfótspori garðyrkjunnar eða öðrum loftlagstengdum áherslum.

05. apr. 2019Rit og skýrslur, Atvinnuvegir, Auðlindir, Orka, Umhverfis-٫ orku- og loftslagsráðuneytið

Skýrsla starfshóps um raforkuflutning í dreifbýli og þrífösun rafmagns

apríl 2019 / Umhverfis-٫ orku- og loftslagsráðuneytið Skýrsla starfshóps um raforkuflutning í dreifbýli og þrífösun rafmagns Skýrsla starfshóps um raforkuflutning í dreifbýli og þrífösun rafmagns --- Í maí 2017 skipaði ráðherra ferðamála-, iðnaðar- og nýsköpunar starfshóp til að greina möguleika og gera tillögur um uppfærslur á raforkuflutningskerfi í dreifbýli með áherslu á þrífösun rafmagns. Í skýrslu starfshópsins er lagt til að útfært verði átaksverkefni um þrífösun rafmagns til næstu fimm ára

29. mar. 2019Umhverfis-٫ orku- og loftslagsráðuneytið, Fjármálaáætlun, Loftslagsmál, Umhverfi og náttúruvernd

Fjármálaáætlun 2020-2024: Loftslagsmál, náttúruvernd og hringrásarhagkerfi í forgrunni

Ráðgert er að verja rúmum átta milljörðum króna sérstaklega til loftslagsmála á árunum 2020-2024 samkvæmt fjármálaáætlun. Áætlað er að verja sömu upphæð, rúmum átta milljörðum króna til verkefna tengdri náttúruvernd og sjálfbærri nýtingu lands. Þá verður 500 milljónum króna varið til eflingu hringrásarhagkerfisins á sama tímabili.

22. mar. 2019Utanríkisráðuneytið, Auðlindir, Utanríkismál, Alþjóðasamningar, Evrópusamvinna, Orka, Umhverfis-٫ orku- og loftslagsráðuneytið

Ríkisstjórnin samþykkir að leggja þriðja orkupakkann fyrir Alþingi

Ríkisstjórnin samþykkti á fundi sínum í morgun tillögu utanríkisráðherra um að leggja fyrir Alþingi þingsályktunartillögu um staðfestingu ákvörðunar sameiginlegu EES-nefndarinnar nr. 93/2017 um breytingu á IV. viðauka (orka) við EES-samninginn. Með þingsályktunartillögunni heimilar Alþingi að aflétta stjórnskipulegum fyrirvara við ákvörðun sameiginlegu EES-nefndarinnar um upptöku svonefnds þriðja orkupakkans í EES-samninginn. Tillagan inniheldur fyrirvara um að áður en grunnvirki verði reist sem gera mögulegt að flytja raforku milli Íslands og orkumarkaðar Evrópusambandsins verði lagagrundvöllur gerðanna endurskoðaður og komi ákvæði hennar sem varða tengingar yfir landamæri ekki til framkvæmda fyrr en að þeirri endurskoðun lokinni.

22. mar. 2019Utanríkisráðuneytið, Alþjóðasamningar, Evrópusamvinna, Orka, Utanríkismál, Umhverfis-٫ orku- og loftslagsráðuneytið

Sameiginlegur skilningur um gildi þriðja orkupakkans gagnvart Íslandi

Guðlaugur Þórðarson ráðherra og Miguel Arias Canete framkvæmdastjóri orkumála í framkvæmdastjórn Evrópusambandsins ræddu hinn 20. mars 2019 þriðja orkupakka ESB, með hliðsjón af einstökum aðstæðum á Íslandi að því er varðar endurnýjanlega orku og orkumarkaði.