Efnisorð
Tegund

Leita eftir efnisorðum

Sýnir 2101–2150 af 2881
Raða eftir:
15. mar. 2019Umhverfis-٫ orku- og loftslagsráðuneytið, Alþjóðamál, Loftslagsmál, Náttúruvernd, Umhverfi og náttúruvernd

Ályktað um lausnir við áskorunum í umhverfismálum, sjálfbæra neyslu og plast í hafi á Umhverfisþingi Sameinuðu þjóðanna

Umhverfisráðherrar heimsins ályktuðu m.a. um sjálfbæra neyslu og framleiðslu, úrgangsstjórnun og sjálfbæra nýtingu lands á Umhverfisþingi Sameinuðu þjóðanna í dag. Einnig voru fjölmargar ályktanir um tiltekin málefni samþykktar, þar á meðal ályktun um ferli til að ná á alþjóðavísu utan um plastmengun í hafi og örplast. Guðmundur Ingi Guðbrandsson, umhverfis- og auðlindaráðherra hefur tekið þátt í fjölda leiðtogaumræðna, funda og annarra viðburða á þinginu.

21. feb. 2019Umhverfis-٫ orku- og loftslagsráðuneytið, Umhverfi og náttúruvernd, Loftslagsmál, Náttúruvernd, Mennta- og barnamálaráðuneytið, Menntamál

Grænfánaskólar eflast og aukin áhersla lögð á fræðslu um loftslagsbreytingar

Guðmundur Ingi Guðbrandsson, umhverfis- og auðlindaráðherra, Lilja Alfreðsdóttir, mennta- og menningarmálaráðherra og Auður Önnu Magnúsdóttir, framkvæmdastjóri Landverndar, hafa undirritað þriggja ára styrktarsamning vegna Skóla á grænni grein, eða Grænfánaverkefnisins svokallaða.

30. jan. 2019Orka, Auðlindir, Umhverfis-٫ orku- og loftslagsráðuneytið

Þrífösun rafmagns verði flýtt – Skaftárhreppur og Mýrar í fyrsta áfanga

Þórdís Kolbrún Reykfjörð Gylfadóttir, ferðamála-, iðnaðar- og viðskiptaráðherra, mun leggja til þriggja ára átak í að flýta þrífösun rafmagns í væntanlegri fjármálaáætlun ríkisstjórnarinnar fyrir árin 2020-2024. Þetta er í samræmi við stjórnarsáttmála ríkisstjórnarinnar, þar sem kveðið er á um að flýta áformum um þrífösun. Átakið hefur einnig beina skírskotun til byggðaáætlunar sem Alþingi samþykkti síðastliðið sumar, þar sem áhersla er lögð á þrífösun.

28. jan. 2019Umhverfis-٫ orku- og loftslagsráðuneytið, Landbúnaður, Loftslagsmál, Umhverfi og náttúruvernd, Atvinnuvegaráðuneytið

Loftslagsvænni landbúnaður ræddur í ríkisstjórn

Umhverfis- og auðlindaráðherra og sjávarútvegs- og landbúnaðarráðherra hafa kynnt í ríkisstjórn ramma um samstarfsverkefni við sauðfjárbændur um loftslagsvænni landbúnað en í stjórnarsáttmála er kveðið á um samstarfsverkefni stjórnvalda og sauðfjárbænda um aðgerðir í loftslagsmálum.

25. jan. 2019Umhverfis-٫ orku- og loftslagsráðuneytið, Utanríkismál, Loftslagsmál, Norrænt samstarf, Umhverfi og náttúruvernd

Sameiginleg yfirlýsing Norðurlandanna um kolefnishlutleysi

Sameiginleg yfirlýsing Norðurlandanna um loftslagsmál var undirrituð á fundi norrænu forsætis- og umhverfisráðherranna um loftslagsmál í Helsinki í dag. Þar er lögð áhersla á að Norðurlöndin vilji vera leiðandi í loftslagsmálum. Meðal þess sem gert verður er að efla samvinnu á fjölmörgum sviðum loftslagsmála, til dæmis hvað varðar kolefnishlutleysi.

24. jan. 2019Forsætisráðuneytið, Loftslagsmál, Umhverfi og náttúruvernd, Umhverfis-٫ orku- og loftslagsráðuneytið

Forsætisráðherra og umhverfis- og auðlindaráðherra funda um loftslagsmál í Helsinki

Katrín Jakobsdóttir, forsætisáðherra, og Guðmundur Ingi Guðbrandsson, umhverfis- og auðlindaráðherra halda af stað til Helsinki í Finnlandi í dag á fund norrænna forsætisráðherra (N5) og norrænna umhverfisráðherra um loftslagsmál sem fer fram í Helsinki á morgun.

18. jan. 2019Rit og skýrslur, Atvinnuvegir, Auðlindir, Orka, Umhverfis-٫ orku- og loftslagsráðuneytið

Orkuskipti í íslenskum höfnum - skýrsla

Eitt af þeim verkefnum sem stjórnvöld vinna að í tengslum við aðgerðir í loftslagsmálum eru orkuskipti í haftengdri starfsemi og er stefnt að því að hlutdeild endurnýjanlegrar orku verði að minnsta kosti 10% árið 2030. Nú hefur verið lögð fram skýrsla með aðgerðaáætlun um orkuskipti í íslenskum höfnum þar sem sérstök áhersla er lögð á raftengingu til skipa. Skýrslan var unnin af Íslenskri Nýorku ehf. og Hafinu og var unnin í víðtæku samráði við lykilaðila sem tengjast uppbyggingu innviða fyrir raftengingar skipa í höfnum.

18. jan. 2019Auðlindir, Orka, Sjávarútvegur, Atvinnuvegir, Umhverfis-٫ orku- og loftslagsráðuneytið

Orkuskipti í íslenskum höfnum - skýrsla og glærur frá fundi

Eitt af þeim verkefnum sem stjórnvöld vinna að í tengslum við aðgerðir í loftslagsmálum eru orkuskipti í haftengdri starfsemi og er stefnt að því að hlutdeild endurnýjanlegrar orku verði að minnsta kosti 10% árið 2030. Nú hefur verið lögð fram skýrsla með aðgerðaáætlun um orkuskipti í íslenskum höfnum þar sem sérstök áhersla er lögð á raftengingu til skipa.

10. jan. 2019Umhverfis-٫ orku- og loftslagsráðuneytið, Umhverfi og náttúruvernd, Náttúruvernd, Orka, Auðlindir

Mikill áhugi á vindorku – húsfyllir á málþingi

Fullt var út úr dyrum á málþingi um vindorku sem verkefnisstjórn 4. áfanga rammaáætlunar stóð fyrir í samvinnu við umhverfis- og auðlindaráðuneytið í fyrirlestrarsal Þjóðminjasafnsins í gær. Á málþinginu var fjallað um ólíkar hliðar vindorku og þau áhrif sem vindorkumannvirki hafa á umhverfi og náttúru.

21. des. 2018Umhverfis-٫ orku- og loftslagsráðuneytið, Náttúruvernd, Umhverfi og náttúruvernd

Áform um friðlýsingar svæðis í Þjórsárdal og Reykjatorfunnar í Ölfusi

Umhverfisstofnun hefur kynnt áform um friðlýsingu tveggja svæða. Annað er í Þjórsárdal og hitt er Reykjatorfan í Ölfusi. Áformin eru annars vegar kynnt í samstarfi við Skeiða- og Gnúpverjahrepp og forsætisráðuneytið og hins vegar í samstarfi við sveitarfélagið Ölfus, Hveragerðisbæ og umráðendur ríkisjarða. Um er að ræða fyrstu friðlýsingar sem falla undir viðkvæm svæði undir álagi ferðamanna í sérstöku átaki í friðlýsingum, í samræmi við áherslur í sáttmála ríkisstjórnarinnar.

19. des. 2018Umhverfi og náttúruvernd, Ferðaþjónusta, Náttúruvernd, Rit og skýrslur, Umhverfis-٫ orku- og loftslagsráðuneytið

Áhrif friðlýstra svæða á framleiðslu og atvinnu í næsta umhverfi

desember 2018 / Umhverfis-٫ orku- og loftslagsráðuneytið Áhrif friðlýstra svæða á framleiðslu og atvinnu í næsta umhverfi Niðurstöður rannsóknar Hagfræðistofnunar Háskóla Íslands á áhrifum friðlýstra svæða á framleiðslu og atvinnu í næsta umhverfi. Áhrif friðlýstra svæða á framleiðslu og atvinnu í næsta umhverfi

19. des. 2018Umhverfis-٫ orku- og loftslagsráðuneytið, Ferðaþjónusta, Náttúruvernd, Umhverfi og náttúruvernd

Skýrsla um efnahagsleg áhrif friðlýstra svæða afhent ráðherra

Guðmundur Ingi Guðbrandsson, umhverfis- og auðlindaráðherra, fékk í dag afhenta skýrslu með niðurstöðum rannsóknar á áhrifum friðlýstra svæða á framleiðslu og atvinnu í næsta umhverfi. Rannsóknin, sem tók til 12 svæða á Íslandi, sýnir að efnahagsleg áhrif friðlýstra svæða á Íslandi eru ótvírætt jákvæð.

19. des. 2018Umhverfis-٫ orku- og loftslagsráðuneytið, Umhverfi og náttúruvernd, Líf og heilsa

Efnainnihald svifryks mælt, aðvaranir til almennings og starfshópur skipaður vegna flugeldamengunar

Umhverfis- og auðlindaráðuneytið og Umhverfisstofnun hafa gert með sér samning um mælingar á efnasamsetningu svifryks nú um áramótin. Um sérstakt átaksverkefni er að ræða til að bregðast við mengun vegna flugelda. Þá hefur umhverfis- og auðlindaráðherra, heilbrigðisráðherra og dómsmálaráðherra ákveðið að skipa starfshóp ráðuneytanna til að móta tillögur um hvernig draga megi úr neikvæðum áhrifum á lýðheilsu og loftgæði vegna flugeldamengunar.

13. des. 2018Umhverfis-٫ orku- og loftslagsráðuneytið, Alþjóðasamningar, Loftslagsmál, Umhverfi og náttúruvernd, Utanríkisráðuneytið

Ísland, Noregur og ESB samstíga um markmið í loftslagsmálum

Guðmundur Ingi Guðbrandsson, umhverfis- og auðlindaráðherra, fundaði í dag með Miguel Arias Cañete, framkvæmdastjóra loftslagsmála hjá ESB og Ola Elvestuen, umhverfisráðherra Noregs, á Loftslagsráðstefnu Sameinuðu þjóðanna í Katowice í Póllandi. Þar var farið yfir stöðu mála varðandi samvinnu í loftslagsmálum og drög að samkomulagi sem nú liggja fyrir milli Íslands, Noregs og Evrópusambandsins um sameiginlega framkvæmd 30 ríkja á markmiðum Parísarsamningsins til 2030.

12. des. 2018Umhverfis-٫ orku- og loftslagsráðuneytið, Loftslagsmál, Umhverfi og náttúruvernd

„Verðum að fylgja leiðsögn vísindanna“ – umhverfis- og auðlindaráðherra ávarpaði Loftslagsráðstefnu Sþ

Guðmundur Ingi Guðbrandsson, umhverfis- og auðlindaráðherra, ávarpaði í dag Loftslagsráðstefnu Sameinuðu þjóðanna fyrir Íslands hönd. Hann þakkaði IPCC fyrir skýrslu sína um loftslagsmál og lagði áherslu á að Ísland áliti hana mikilvægt leiðarljós í verkefninu sem fram undan væri.

06. des. 2018Umhverfis-٫ orku- og loftslagsráðuneytið, Loftslagsmál, Umhverfi og náttúruvernd

Samstarfsyfirlýsing um landbúnað og náttúruvernd undirrituð

Guðmundur Ingi Guðbrandsson, umhverfis- og auðlindaráðherra, og Sindri Sigurgeirsson, formaður Bændasamtaka Íslands, undirrituðu á Hvanneyri í dag yfirlýsingu um að vinna saman að málefnum landbúnaðar og náttúruverndar. Yfirlýsinguna má meðal annars rekja til átaks í náttúruvernd sem byggir á sáttmála ríkisstjórnarinnar.

27. nóv. 2018Umhverfis-٫ orku- og loftslagsráðuneytið, Náttúruvernd, Umhverfi og náttúruvernd

Boðað til kynningarfundar vegna fyrstu verkefna nefndar um miðhálendisþjóðgarð

Umhverfis- og auðlindaráðuneytið og þverpólitísk nefnd um stofnun þjóðgarðs á miðhálendinu boða til opins fundar vegna vinnu nefndarinnar. Á fundinum verða kynnt fyrstu tvö verkefni nefndarinnar sem nýverið voru sett á samráðsgátt stjórnvalda, auk þess sem sagt verður frá stöðu vinnunnar og þeim verkefnum sem framundan eru.

21. nóv. 2018Umhverfis-٫ orku- og loftslagsráðuneytið, Náttúruvernd, Umhverfi og náttúruvernd

Verkefni nefndar um stofnun þjóðgarðs á miðhálendinu í kynningu

Nefnd um stofnun þjóðgarðs á miðhálendinu hefur sett drög að fyrstu tveimur verkefnum sínum í almenna kynningu í Samráðsgátt Stjórnarráðsins. Um er að ræða annars vegar greiningu nefndarinnar á tækifærum með stofnun þjóðgarðs á byggðaþróun og atvinnulíf og hins vegar tillögur nefndarinnar að helstu áherslum í atvinnustefnu þjóðgarðs á miðhálendinu.

20. nóv. 2018Umhverfis-٫ orku- og loftslagsráðuneytið, Fiskeldi, Umhverfi og náttúruvernd

Undanþágur frá starfsleyfi fyrir starfsemi Arctic Sea Farm hf. og Fjarðalax hf. veittar með skilyrðum

Umhverfis- og auðlindaráðherra hefur veitt fyrirtækjunum Arctic Sea Farm hf. og Fjarðalaxi hf. tímabundna undanþágu með skilyrðum, frá kröfu um starfsleyfi. Arctic Sea Farm hf. er þar með veitt heimild til að framleiða 600 tonn árlega og Fjarðalaxi hf. 3.400 tonn árlega af laxi í sjókvíum í Patreksfirði og Tálknafirði. Framangreindar undanþágur munu falla úr gildi í síðasta lagi 5. september 2019.