Efnisorð
Tegund

Leita eftir efnisorðum

Sýnir 2651–2700 af 3602
Raða eftir:
22. feb. 2019Félags- og húsnæðismálaráðuneytið, Málefni eldra fólks, Líf og heilsa, Heilbrigðisráðuneytið

Samkomulag um byggingu hjúkrunarheimilis á Húsavík

Heilbrigðisráðuneytið og sveitarfélögin Norðurþing, Skútustaðahreppur, Tjörneshreppur og Þingeyjarsveit munu standa saman að byggingu 60 rýma hjúkrunarheimilis á Húsavík sem áætlað að verði tekið í notkun á vormánuðum ársins 2021. Svandís Svavarsdóttir heilbrigðisráðherra og Kristján Þór Magnússon sveitarstjóri Norðurþings undirrituðu samning þessa efnis í dag.

21. feb. 2019Heilbrigðisráðuneytið, Heilbrigðismál, Líf og heilsa

Úthlutun 630 milljóna króna til að efla geðheilbrigðisþjónustu á landvísu

Svandís Svavarsdóttir heilbrigðisráðherra tilkynnti í dag hvernig 630 milljónum króna af fjárlögum ársins verður ráðstafað til að efla geðheilbrigðisþjónustu á landsvísu. Fénu verður varið til að fjölga stöðugildum sálfræðinga í heilsugæslu annars vegar og til að efla og byggja upp geðheilsuteymi um allt land.

20. feb. 2019Ræður og greinar, Heilbrigðismál, Líf og heilsa, Heilbrigðisráðuneytið

Landspítali þjónustar börn og ungmenni í fíknivanda

Landspítalinn undirbýr nú að taka að sér þjónustu við börn og ungmenni í fíknivanda í samræmi við ákvörðun Svandísar Svavarsdóttur heilbrigðisráðherra. Þessi hópur hefur hingað til fengið þjónustu af hálfu SÁÁ en nú hefur verið ákveðið að færa þetta verkefni til Landspítalans. Ráðherra fjallar um málið í blaðagrein sem birtist í dag.

15. feb. 2019Félags- og húsnæðismálaráðuneytið, Heilbrigðismál, Málefni eldra fólks, Líf og heilsa, Heilbrigðisráðuneytið

Samkeppni um hönnun nýs hjúkrunarheimilis í Hornafirði

Hönnunarsamkeppni um nýtt hjúkrunarheimili í Hornafirði fyrir 30 íbúa verður auglýst um helgina. Heimilið mun leysa af hólmi hjúkrunarheimilið Skjólgarð þar sem búa 24 einstaklingar, flestir í tvíbýli. Áætlað er að niðurstöður hönnunarsamkeppni liggi fyrir í lok maí og að heimilið verði fullbyggt og tilbúið til notkunar vorið 2021.

08. feb. 2019Atvinnuvegaráðuneytið, Líf og heilsa, Atvinnuvegir, Heilbrigðisráðuneytið

Sameiginlegt átak til að draga úr útbreiðslu sýklalyfjaónæmra baktería á Íslandi

Kristján Þór Júlíusson, sjávarútvegs- og landbúnaðarráðherra og Svandís Svavarsdóttir, heilbrigðisráðherra undirrituðu í dag yfirlýsingu um sameiginlegt átak til að draga úr útbreiðslu sýklalyfjaónæmra baktería á Íslandi. Samkvæmt Alþjóðaheilbrigðismálastofnuninni, Alþjóðadýraheilbrigðismálastofnuninni, Sóttvarnastofnun Evrópusambandsins og Matvælaöryggisstofnun Evrópusambandsins er útbreiðsla sýklalyfjaónæmis ein helsta heilbrigðisógn sem steðjar að mönnum. Sýklalyfjaónæmi á Íslandi hefur verið umtalsvert minna vandamál en í nálægum löndum en mikilvægt þykir að stemma stigu við frekari útbreiðslu.

06. feb. 2019Heilbrigðisráðuneytið, Heilbrigðismál, Líf og heilsa

Eftirlit með þjónustu og rekstri heilsugæslu á höfuðborgarsvæðinu

Svandís Svavarsdóttir heilbrigðisráðherra hefur ákveðið að veita 30 milljónir króna til að sinna eftirliti með því að þjónusta og rekstur heilsugæslustöðva á höfuðborgarsvæðinu sé samræmi við Kröfulýsingu vegna rekstrar heilsugæsluþjónustu. Kröfulýsingin tók gildi í tengslum við ​breytt fjármögnunarkerfi heilsugæslunnar sem innleitt var í ársbyrjun 2017.

01. feb. 2019Heilbrigðisráðuneytið, Líf og heilsa

Lögfræðileg úttekt um kaup sjúkratrygginga á heilbrigðisþjónustu

Gerð hefur verið úttekt á framkvæmd og málsmeðferð velferðarráðuneytisins vegna samninga Sjúkratrygginga Íslands um kaup á heilbrigðisþjónustu sem veitt er af sjálfstætt starfandi sérgreinalæknum. Úttektin var gerð að beiðni heilbrigðisráðherra í ljósi þeirra álitamála sem fjallað var um í dómi Héraðsdóms Reykjavíkur 18. september 2018.

01. feb. 2019Heilbrigðisráðuneytið, Heilbrigðismál, Líf og heilsa

Heilbrigðisráðherra skrifar um innleiðingu krabbameinsáætlunar

Forvörnum, greiningu og meðferð krabbameina hefur fleygt fram á liðnum árum og batahorfur þeirra sem greinast hafa batnað verulega. Aftur á móti má reikna með mikilli fjölgun einstaklinga sem greinast með krabbamein á næstu árum vegna fólksfjölgunar og hækkandi meðalaldurs. Því er íslensk innleiðing íslenskrar krabbameinsáætlunar mikilvæg. Heilbrigðisráðherra skrifar um innleiðingu krabbameinsáætlunar til ársins 2030 blaðagrein í dag.

30. jan. 2019Félags- og húsnæðismálaráðuneytið, Málefni eldra fólks, Líf og heilsa, Heilbrigðisráðuneytið

Um hálfum milljarði króna úthlutað úr Framkvæmdasjóði aldraðra

Svandís Svavarsdóttir heilbrigðisráðherra hefur úthlutað 495 milljónum króna úr Framkvæmdasjóði aldraðra til uppbyggingar í öldrunarþjónustu. Hæstu framlögin renna til endurgerðar hjúkrunarrýma á gamla Sólvangi í Hafnarfirði og til uppbyggingar þjónustumiðstöðvar við Sléttuveg í Reykjavík.

29. jan. 2019Heilbrigðisráðuneytið

Unnið að verkefnum krabbameinsáætlunar með gildistíma til ársins 2030

Svandís Svavarsdóttir heilbrigðisráðherra hefur ákveðið að vinna að framkvæmd verkefna í samræmi við tillögu ráðgjafarhóps sem vann að mótun íslenskrar krabbameinsáætlunar á árunum 2013 – 2016. Ráðherra hefur ákveðið að gildistími áætlunarinnar verði til ársins 2030, til samræmis við tillögu til þingsályktunar um heilbrigðisstefnu sem nú liggur fyrir Alþingi.

16. jan. 2019Heilbrigðisráðuneytið, Líf og heilsa

Málþing um líffæragjöf og líffæraígræðslu 26. janúar

Með breytingu á lögum um brottnám líffæra sem samþykkt var á Alþingi í sumar er nú miðað við ætlað samþykki látins einstaklings fyrir líffæragjöf nema annað liggi fyrir. Lagabreyting sem felur þetta í sér tók gildi 1. janúar síðastliðinn. Embætti landlæknis stendur fyrir opnu málþingi um líffæragjöf og líffæraígræðslu 26. janúar næstkomandi.

28. des. 2018Heilbrigðisráðuneytið, Líf og heilsa, Heilbrigðismál, Efnahagsmál og opinber fjármál

Forsendur aukafjárveitingar til heilbrigðisstofnana á landsbyggðinni

Eftirfarandi eru upplýsingar um forsendur þeirrar aukafjárveitingar til heilbrigðisstofnana á landsbyggðinni fyrir rekstrarárið 2018 sem heilbrigðisráðherra hefur ákveðið og tilkynnt var um í gær. Fjárveitingin rúmast innan fjárheimilda samkvæmt fjárlögum og byggist á millifærslum á grundvelli heimilda í lögum um opinber fjármál.

27. des. 2018Heilbrigðisráðuneytið, Heilbrigðismál, Líf og heilsa

Gjaldskrárbreytingar vegna heilbrigðisþjónustu um áramót

Bótafjárhæðir slysatrygginga almannatrygginga og sjúkradagpeningar hækka 1. janúar um 3,6% til samræmis við launa- og verðlagsuppfærslur fjárlaga. Gjaldskrár vegna heilbrigðisþjónustu hækka að sama skapi sem þessu nemur, að undanskildum komugjöldum í heilsugæslu. Breytingar verða á greiðsluþátttöku fyrir tæknifrjóvgun og vegna þjálfunar.

27. des. 2018Heilbrigðisráðuneytið, Heilbrigðismál, Líf og heilsa

Greiðslur fyrir þjónustu sérgreinalækna meðan samningaviðræður standa yfir

Svandís Svavarsdóttir heilbrigðisráðherra hefur sett reglugerð þar sem kveðið er á um endurgreiðslu kostnaðar vegna þjónustu sjálfstætt starfandi sérgreinalækna sem starfa án samnings við Sjúkratryggingar Íslands. Áhersla er lögð á að samningsleysið komi ekki niður á notendum meðan það varir og hafa Sjúkratryggingar Íslands og Læknafélag Reykjavíkur gefið út sameiginlega yfirlýsingu þess efnis.

21. des. 2018Ræður og greinar, Heilbrigðisráðuneytið, Heilbrigðismál, Líf og heilsa

Engin komugjöld fyrir aldraða og öryrkja í heilsugæsluna

21 desember 2018 / Heilbrigðisráðuneytið Engin komugjöld fyrir aldraða og öryrkja í heilsugæsluna Heilbrigðisráðuneytið Svandís Svavarsdóttir heilbrigðisráðherra Svandís Svavarsdóttir heilbriðgisráðherra skrifar: Í samræmi við áform ríkisstjórnarinnar um að draga úr greiðsluþátttöku sjúklinga í heilbrigðiskerfinu hefur verið ákveðið að hætta að innheimta komugjöld af öryrkjum og öldruðum í heilsugæslu og hjá heimilislæknum frá 1. janúar næstkomandi. Á það jafnt við um komu á dagvinnutíma og á öðrum tímum sólarhringsins