Umsækjendur um embætti forstjóra Heilbrigðisstofnunar Vesturlands

Fjórir umsækjendur eru um embætti forstjóra Heilbrigðisstofnunar Vesturlands sem auglýst var laust til umsóknar í lok nóvember. Heilbrigðisráðherra mun skipa í embættið að undangengnu mati hæfnisnefndar á umsækjendum.

Umsagnarfrestur um drög að heilbrigðisstefnu liðinn

Alls bárust 27 umsagnir um drög að heilbrigðisstefnu sem birt var til umsagnar í samráðsgátt stjórnvalda. Umsagnarfrestur rann út í gær. Umsagnir bárust frá heilbrigðisstofnunum og menntastofnunum, fagfélögum, sjúkingasamtökum, sveitarfélögum og einstaklingum og eru þær aðgengilegar þeim sem vilja kynna sér þær í samráðsgáttinni. Unnið verður úr umsögnunum í ráðuneytinu á næstu vikum og lokahönd lögð á heilbrigðisstefnuna sem heilbrigðisráðherra mun leggja fyrir Alþingi sem tillögu til þingsályktunar á vorþingi. Á grundvelli stefnunnar verða unnar aðgerðaáætlanir til fimm ára um einstaka þætti stefnunnar og einstakar greinar heilbrigðisþjónustunnar.

Ábendingar landlæknis um viðbrögð við alvarlegri stöðu á bráðamóttöku Landspítalans

Heilbrigðisráðherra hefur móttekið minnisblað frá landlækni með helstu niðurstöðum úttektar embættisins á bráðamóttöku Landspítalans og ábendingum til heilbrigðisráðherra um úrræði til að bregðast við útskriftar- og mönnunarvanda sjúkrahússins.

Komugjöld í heilsugæslu felld niður hjá öryrkjum og öldruðum

Hætt verður að innheimta komugjöld af öryrkjum og öldruðum í heilsugæslu og hjá heimilislæknum frá 1. janúar næstkomandi, samkvæmt ákvörðun Svandísar Svavarsdóttur heilbrigðisráðherra. Gjald fyrir vitjanir lækna til aldraðra og öryrkja verður einnig fellt niður. Líkt og áður eru ekki innheimt komugjöld hjá börnum að 18 ára aldri. Ráðherra segir þetta mikilvæga aðgerð og lið í stefnu stjórnvalda um að draga úr greiðsluþátttöku sjúklinga og að efla hlutverk heilsugæslunnar sem fyrsta viðkomustað fólks í heilbrigðiskerfinu.

Breytingar varðandi ákvarðanir sem snúa að S-merkingu lyfja taka gildi 1. janúar

Lyfjagreiðslunefnd mun frá 1. janúar 2019 taka ákvarðanir um S-merkingu lyfja í stað Lyfjastofnunar og merkingin verður skilgreind með nýjum hætti samkvæmt reglugerð um lyfjagreiðslunefnd nr. 353/2013. Verðlagning S-merktra lyfja verður óbreytt og sem fyrr munu sjúklingar ekki greiða gjald fyrir S-merkt lyf.

Hækkun bóta almannatrygginga um áramót

Ásmundur Einar Daðason, félags- og jafnréttismálaráðherra, hefur undirritað tíu reglugerðir um hækkun bóta almannatrygginga 1. janúar 2019. Hækkun bóta nemur 3,6% í samræmi við launa- og verðlagsuppfærslur fjárlaga og tekur til lífeyristrygginga, félagslegrar aðstoðar, foreldragreiðslna og greiðslna til lifandi líffæragjafa.

Tvö græn skref stigin í rekstri velferðarráðuneytisins

Velferðarráðuneytið hlaut í dag viðurkenningu fyrir skref 1 og skref 2 samkvæmt áætlun verkefnisins Græn skref í ríkisrekstri. Grænu skrefin tengjast vinnu við gerð loftslagsstefnu Stjórnarráðsins og felast í litlum og stórum aðgerðum til að draga úr sóun, orkunotkun og fleira.

Ljósmæðrum og hjúkrunarfræðingum heimilað að ávísa hormónatengdum getnaðarvörnum

Alþingi hefur samþykkt frumvarp heilbrigðisráðherra sem kveður á um að ljósmæðrum og hjúkrunarfræðingum sé heimilt að ávísa hormónatengdum getnaðarvörnum að uppfylltum tilteknum skilyrðum.

Synjun Embættis landlæknis um sérfræðiviðurkenningu í sjúkraþjálfun á greiningu og meðferð stoðkerfis (MT)

Kærð var ákvörðun Embættis landlæknis um að synja kæranda um sérfræðileyfi í sjúkraþjálfun á greiningu og meðferð stoðkerfis (MT). Ráðuneytið ógildi ákvörðun Embættis landlæknis og lagði fyrir embættið að veita kæranda sérfræðileyfi í sjúkraþjálfun.

Kæra vegna synjunar Embættis landlæknis um sérfræðiviðurkenningu í sjúkraþjálfun á greiningu og meðferð stoðkerfis (MT)

Kærð var ákvörðun Embættis landlæknis um að synja kæranda um sérfræðileyfi í sjúkraþjálfun á greiningu og meðferð stoðkerfis (MT). Ráðuneytið ógildi ákvörðun Embættis landlæknis og lagði fyrir embættið að veita kæranda sérfræðileyfi í sjúkraþjálfun.

Umsóknarfrestur um styrki til gæðaverkefna í heilbrigðisþjónustu rennur út 21. desember

Velferðarráðuneytið minnir að frestur til að sækja um árlega styrki sem veittir eru til gæðaverkefna á sviði heilbrigðisþjónustu rennur út 21. desember næstkomandi. Styrkjunum er ætlað að stuðla að umbótastarfi, nýbreyti og auknum gæðum heilbrigðisþjónustunnar.

Fyrsta áætlun um gæðaþróun heilbrigðisþjónustunnar staðfest

Svandís Svavarsdóttir heilbrigðisráðherra og Alma D. Möller landlæknir, undirrituðu í dag áætlun um gæðaþróun í heilbrigðisþjónustu til ársins 2030. Þetta er fyrsta áætlunin þessa efnis sem gerð er á grundvelli laga um landlækni og lýðheilsu nr. 41/2007. Heilbrigðisráðherra segir áætlunina ásamt þeirri heilbrigðisstefnu sem er í mótun verða einn af hornsteinum heilbrigðisþjónustunnar.

Reglubundið samráð um þjónustu við fólk með geðrænan vanda

Fyrsti fundur velferðarráðuneytisins og fulltrúa notenda geðheilbrigðisþjónustu var haldinn í ráðuneytinu í gær. Fundir sem þessi verða haldnir tvisvar á ári til að skapa farveg fyrir virkt samráð við notendur hvað varðar stefnumótun og veitingu þjónustu. Til fundar við sérfræðinga ráðuneytisins komu fulltrúar Samráðsvettvangs geðúrræða á höfuðborgarsvæðinu, Hugarafls og Öryrkjabandalags Íslands.

Fagráð Þróunarmiðstöðvar heilsugæslunnar skipað

Svandís Svavarsdóttir heilbrigðisráðherra hefur skipað fagráð Þróunarmiðstöðvar heilsugæslunnar til næstu fjögurra ára. Þróunarmiðstöðin sem sett var á fót í sumar starfar á landsvísu og hefur hlutverki að gegna við eflingu og þróun heilsugæsluþjónustu um allt land.

Breytt skipan ráðuneyta og tilflutningur verkefna um áramót

Þann 1. janúar 2019 taka til starfa ný ráðuneyti heilbrigðismála og félagsmála við uppskiptingu velferðarráðuneytisins sem verður lagt niður frá sama tíma. Þingsályktunartillaga um breytta skipan ráðuneyta var samþykkt á Alþingi í gær.

Helga Björg aðstoðar heilbrigðisráðherra tímabundið

Svandís Svavarsdóttir heilbrigðisráðherra hefur ráðið Helgu Björg Ragnarsdóttur tímabundið í stöðu aðstoðarmanns til að leysa af Iðunni Garðarsdóttur meðan hún er í fæðingarorlofi. Helga Björg er skrifstofustjóri hjá Reykjavíkurborg en verður í leyfi frá störfum sínum þar meðan á afleysingu stendur.

Frumvarp til nýrra heildarlaga um ófrjósemisaðgerðir

Svandís Svavarsdóttir heilbrigðisráðherra kynnti á fundi ríkisstjórnar í morgun frumvarp til nýrra heildarlaga um ófrjósemisaðgerðir. Markmið þess er að tryggja sjálfsforræði fólks við ákvörðun í þessum efnum með áherslu á mannréttindi og mannhelgi einstaklinga.

Kæra vegna kröfu Sjúkratrygginga Íslands um endurgreiðslu og ákvörðun um viðvörun

Kærð var ákvörðun Sjúkratrygginga Íslands um að krefja kæranda um endurgreiðslu vegna ofnotkunar á gjaldliðnum þung meðferð í starfi sem sjúkraþjálfari, ásamt því að veita honum viðvörun vegna málsins. Ráðuneytið felldi ákvörðun Sjúkratrygginga Íslands um að endurkrefja kæranda um 2.909.423 kr. vegna ofnotkunar á gjaldliðnum þung meðferð úr gildi og vísaði málinu til Sjúkratrygginga Íslands til nýrrar meðferðar. Viðvörun sú er Sjúkratryggingar Íslands veittu kæranda er staðfest.

Kæra vegna kröfu Sjúkratrygginga Íslands um endurgreiðslu

Kærð var ákvörðun Sjúkratrygginga Íslands um að krefja kæranda um endurgreiðslu vegna ofnotkunar á gjaldliðnum þung meðferð í starfi sem sjúkraþjálfari, ásamt því að veita honum viðvörun vegna málsins. Ráðuneytið felldi ákvörðun Sjúkratrygginga Íslands úr gildi og vísaði málinu aftur til stofnunarinnar til nýrrar meðferðar.

Skýrsla um stöðumat í tengslum við framkvæmdaáætlun í málefnum fatlaðs fólks

Velferðarráðuneytið birtir hér með niðurstöður rannsóknar sem gerð var til að afla upplýsinga um aðstæður fólks og barna sem nota þjónustu sveitarfélaganna sem ætluð er fötluðu fólki. Rannsóknin er liður í því að meta ávinninginn af framkvæmdaáætlun í málefnum fatlaðs fólks sem samþykkt var á Alþingi í maí 2017.

Fagráð Þróunarmiðstöðvar heilsugæslunnar Fagráð Þróunarmiðstöðvar heilsugæslunnar er skipað samkvæmt 21. gr. reglugerð nr

Réttar upplýsingar um fjölda fólks yngra en 67 ára á hjúkrunarheimilum

Sjúkratryggingar Íslands hafa að beiðni velferðarráðuneytisins tekið saman upplýsingar um fjölda þeirra sem eru yngri en 67 ára og búa á hjúkrunarheimilum. Í ljósi opinberrar umfjöllunar um þessi mál telur ráðuneytið mikilvægt að koma þessum upplýsingum á framfæri.

Drög að heilbrigðisstefnu birt til umsagnar

Allir sem áhuga hafa geta nú kynnt sér drög að íslenskri heilbrigðisstefnu til ársins 2030 og komið á framfæri ábendingum. Stefnan hefur verið birt til umsagnar í samráðsgátt stjórnvalda og er umsagnarfrestur til 19. desember. Svandís Svavarsdóttir heilbrigðisráðherra segir þetta mikilvægan áfanga: „Árum saman hefur verið kallað eftir skýrri sýn og stefnu í heilbrigðismálum. Nú vonast ég til að við getum sameinast um að skapa slíka stefnu í góðri og almennri sátt. Heilbrigðisstefna á að vera leiðarljós sem sameinar krafta þeirra sem veita heilbrigðisþjónustu og tryggir sjúklingum bestu þjónustu sem völ er á, þar sem öryggi, gæði og jöfnuður eru í fyrirrúmi“ segir heilbrigðisráðherra. ​

Styrkir til gæðaverkefna í heilbrigðisþjónustu lausir til umsóknar

Velferðarráðuneytið auglýsir eftir umsóknum um árlega styrki til gæðaverkefna á sviði heilbrigðisþjónustu. Tilgangurinn er að stuðla að umbótastarfi, nýbreytni og auknum gæðum heilbrigðisþjónustu, auk þess sem styrkjunum er ætlað að fela í sér hvatningu og vera viðurkenning fyrir störf á þessu sviði. Umsóknarfrestur er til kl. 12.00 á hádegi, föstudaginn 21. desember 2018.

Forstjóri Heilbrigðisstofnunar Vesturlands

Velferðarráðuneytið auglýsir laust til umsóknar embætti forstjóra Heilbrigðisstofnunar Vesturlands. Heilbrigðisráðherra mun setja í stöðuna til eins árs og er stefnt að því að það verði gert 1. febrúar 2019. Umsóknarfrestur er til 17. desember næstkomandi.

Forstjóri Heilbrigðisstofnunar Suðurnesja

Velferðarráðuneytið auglýsir laust til umsóknar embætti forstjóra Heilbrigðisstofnunar Suðurnesja. Heilbrigðisráðherra skipar í stöðuna til fimm ára frá 1. mars 2019. Umsóknarfrestur er til 17. desember næstkomandi.

Úrskurðir í tveimur stjórnsýslukærum varðandi knatthús í Kaplakrika

Velferðarráðuneytið hefur lokið umfjöllun um tvær stjórnsýslukærur fimm bæjarfulltrúa í minnihluta bæjarstjórnar Hafnarfjarðar sem báðar tengjast ákvörðun meirihlutans um knatthús í Kaplakrika. Heilbrigðisráðherra var falið að úrskurða í þessum málum eftir að samgöngu- og sveitarstjórnarráðherra lýsti sig vanhæfan á grundvelli stjórnsýslulaga til að fjalla um þau.

Rekstur sjúkrahótels í traustum höndum

Svandís Svavarsdóttir heilbrigðisráðherra hefur ákveðið að fela Landspítalanum að annast rekstur sjúkrahótelsins við Hringbraut, tímabundið til tveggja ára. Spítalinn hefur farið þessa á leit við velferðarráðuneytið, en áður hafði verið miðað við að Landspítalanum yrði falið að bjóða reksturinn út í samvinnu við Ríkiskaup.

Fyrirhuguð opnun neyslurýmis í Reykjavík á næsta ári

Opnun neyslurýmis fyrir langt leidda vímuefnaneytendur er fyrirhuguð í Reykjavík á næsta ári. Í frumvarpi til fjárlaga eru 50 milljónir króna áætlaðar til verkefnisins. Svandís Svavarsdóttir heilbrigðisráðherra mun leggja fram frumvarp til breytinga á lögum um ávana- og fíkniefni eftir áramót til að tryggja verkefninu fullnægjandi lagastoð.

Aðgerðir til að bregðast við lyfjaskorti

Lyfjastofnun hefur gripið til ákveðinna aðgerða til að bregðast við lyfjaskorti. Markmið þeirra er meðal annars að bæta yfirsýn stofnunarinnar yfir stöðuna á hverjum tíma og auðvelda henni þar með að grípa til ráðstafana þegar nauðsyn krefur.

Reglugerð um verkefni vísindasiðanefndar til umsagnar

Drög að reglugerð heilbrigðisráðherra um verkefni vísindasiðanefndar hafa verið birt til umsagnar í samráðsgátt stjórnvalda. Markmið reglugerðarinnar er að kveða nánar á um verkefni nefndarinnar og um heimild hennar til að setja sér starfsreglur.

Drög að frumvarpi til laga um ófrjósemisaðgerðir til umsagnar

Velferðarráðuneytið hefur birt til umsagnar í samráðsgátt stjórnvalda drög að frumvarpi heilbrigðisráðherra til nýrra laga um ófrjósemisaðgerðir.

Mikilvægt og löngu tímabært og setja fram skýra stefnu í heilbrigðismálum

Meiri hluti Evrópuþjóða hefur sett sér heilbrigðisstefnu og það er aðkallandi og mikilvægt að slík stefna verði sett hér á landi. „Heilbrigðisstefna á að vera leiðarljós sem sameinar krafta þeirra sem veita heilbrigðisþjónustu og tryggir sjúklingum bestu þjónustu sem völ er á, þar sem öryggi, gæði og jöfnuður eru í fyrirrúmi“ sagði Svandís Svavarsdóttir heilbrigðisráðherra við opnun heilbrigðisþingsins sem haldið er í dag.

Heilbrigðisþing 2. nóvember – heilbrigðisþjónusta fyrir alla

Minnt er á heilbrigðisþingið 2. nóvember næstkomandi. Þingið verður vettvangur fyrir kynningu og umræður um drög að heilbrigðisstefnu til ársins 2030: „Ég er fullviss um að með markvissri vinnu muni takast að skapa skýra stefnu sem felur í sér öfluga heilbrigðisþjónustu fyrir alla landsmenn“ segir Svandís Svavarsdóttir heilbrigðisráðherra.

Skýrsla heilbrigðisráðherra um geðheilbrigðismál rædd á Alþingi

Skýrsla Svandísar Svavarsdóttur heilbrigðisráðherra um geðheilbrigðismál og framkvæmd geðheilbrigðisáætlunar var til umfjöllunar á Alþingi í gær. Markmið ráðherra með framlagningu skýrslunnar er að veita yfirsýn um stöðu þessara mála og leggja með því grundvöll að skýrari stefnu á þessu sviði.

Full greiðsluþátttaka sjúkratrygginga vegna kaupa á innöndunartækjum

Sjúklingar með slímseigjusjúkdóm (Cystic Fibrosis) munu hér eftir fá innöndunartæki og nauðsynlega fylgihluti, sér að kostnaðarlausu samkvæmt ákvörðun heilbrigðisráðherra. Að jafnaði fæðist eitt barn, annað hvert ár, með þennan alvarlega lungnasjúkdóm og eru innöndunartækin lífsnauðsynleg þessum sjúklingum.

Ráðstefnan; Tímamót í velferðarþjónustu - skráning stendur yfir

Velferðarráðuneytið og Nýsköpunarmiðstöð Íslands minna á áhugavert málþing um velferðarþjónustu, stöðu hennar og verkefnin framundan samfara fjölgun þeirra sem á þjónustu þurfa að halda og vaxandi kröfum um gæði og einstaklingsmiðaða þjónustu. Sjálfstæði, nýsköpun og samvinna eru lykilhugtök ráðstefnunnar. Aðgangur er ókeypis en gestir þurfa að skrá sig til þátttöku. Ráðstefnan fer fram á Hótel Hilton, 7. og 8. nóvember.

Kortlagning öldrunarþjónustu

október 2018 / Heilbrigðisráðuneytið Kortlagning öldrunarþjónustu Niðurstöður rannsóknar sem Félagsvísindastofnunar Háskóla Íslands vann fyrir velferðarráðuneytið. Kortlagning öldrunarþjónustu Töfluviðauki Glærukynning

Um þungunarrof og frumvarp að nýrri löggjöf

Svandís Svavarsdóttir heilbrigðisráðherra hefur ákveðið að leggja frumvarp til laga um þungunarrof fyrir Alþingi með rýmri heimildum varðandi tímamörk en miðað var við í drögum að frumvarpinu sem birt voru í samráðsgátt stjórnvalda. Ráðherra leggur áherslu á að í nýrri löggjöf verði jafnræðis gætt og farið að samningi Sameinuðu þjóðanna um réttindi fatlaðs fólks.

Aðgerðaáætlun gegn ofbeldi og afleiðingum þess

Fjórir ráðherrar ríkisstjórnarinnar kynntu á fundi hennar í dag tillögu til þingsályktunar um aðgerðaáætlun gegn ofbeldi og afleiðingum þess, til næstu fjögurra ára. Stýrihópur með fulltrúum hlutaðeigandi ráðuneyta hefur unnið að áætluninni í samstarfi við fjölda aðila á síðustu misserum.

Heilsa Evrópubúa – mat á markmiðum Evrópudeildar Alþjóðaheilbrigðismálastofnunarinnar

Nýútkomin Heilbrigðisskýrsla Evrópu 2018 gefur vísbendingar um jákvæða þróun á flestum sviðum þegar mat er lagt á lykilmarkmið heilbrigðisstefnu Evrópu til ársins 2020 sem gefin var út árið 2012. Heilsufarslegur ójöfnuður er hins vegar viðvarandi vandamál, t.d. milli kynja og einnig svæðisbundinn ójöfnuður og er nokkuð fjallað um það í skýrslunni.

Ráðgjafanefnd skipuð um fagleg málefni blóðbankaþjónustu

Svandís Svavarsdóttir heilbrigðisráðherra hefur skipað ráðgjafanefnd um fagleg málefni blóðbankaþjónustu, samkvæmt lögum um heilbrigðisþjónustu. Hlutverk nefndarinnar er að vera heilbrigðisyfirvöldum, Landspítala og blóðbanka spítalans til ráðgjafar um hvaðeina sem lýtur að faglegum þáttum og öryggissjónarmiðum blóðbankaþjónustu. Formaður nefndarinnar er Már Kristjánsson, yfirlæknir smitsjúkdómalækninga.

Þjónusta fyrir konur hjá heilsugæslunni

Velferðarráðuneytið hefur falið Þróunarmiðstöð heilsugæslunnar að útfæra tilraunaverkefni um móttöku innan heilsugæslunnar þar sem konur gætu sótt ráðgjöf og ýmsa þjónustu vegna sértækra heilsufarsvandamála sem eru bundin við konur.

Undirbúningur að samnorrænum innkaupum lyfja heldur áfram

Ráðherrar heilbrigðismála í Danmörku og Noregi hafa lýst afdráttarlausum vilja til þess að vinna áfram með Íslandi að sameiginlegum innkaupum lyfja og að Svandís Svavarsdóttir heilbrigðisráðherra undirriti einnig yfirlýsingu landanna þar að lútandi fyrir Íslands hönd.

Ljósmæður og hjúkrunarfræðingar fái heimild til að ávísa getnaðarvörnum

Bæta á aðgengi kvenna, einkum ungra kvenna, að kynheilbrigðisþjónustu og nýta betur fagþekkingu hjúkrunarfræðinga og ljósmæðra samkvæmt lagafrumvarpi sem Svandís Svavarsdóttir heilbrigðisráðherra hefur ákveðið að leggja fram á Alþingi. Samkvæmt því verður ljósmæðrum og hjúkrunarfræðingum heimilað að ávísa hormónatengdum getnaðarvörnum. Ráðherra kynnti frumvarpið á fundi ríkisstjórnar í dag.

Skýrsla um endurskoðun laga nr. 25/1975 um ráðgjöf og fræðslu vrðandi kynlíf, barneignir, fóstureyðingar og ófrjósemisaðgerðir

október 2018 / Heilbrigðisráðuneytið Skýrsla um endurskoðun laga nr. 25/1975 um ráðgjöf og fræðslu vrðandi kynlíf, barneignir, fóstureyðingar og ófrjósemisaðgerðir Skýrsla nefndar sem vann að heildarendurskoðun laga um ráðgjöf og fræðslu vrðandi kynlíf, barneignir, fóstureyðingar og ófrjósemisaðgerðir

Skóflustunga að meðferðarkjarna Landspítalans við Hringbraut

Laugardaginn 13. október var tekin skóflustunga að nýjum meðferðarkjarna Landspítalans við Hringbraut. Ráðherrar ásamt forstjóra, fulltrúum félaga, hagsmunasamtaka og stofnana tóku skóflustunguna að viðstöddum fyrrverandi heilbrigðisráðherra auk fjölmargra annarra gesta. Áætlað er að meðferðarkjarninn verði tekinn í notkun árið 2024.

Boðað til heilbrigðisþings 2. nóvember

Svandís Svavarsdóttir heilbrigðisráðherra boðar til heilbrigðisþings 2. nóvember næstkomandi á Grand hótel, Reykjavík. Þingið verður helgað kynningu á drögum að nýrri heilbrigðisstefnu til ársins 2030 og umræðu um þau. Þingið er öllum opið og er skráning hafin.

Efling heilsugæslunnar: Sérnámsstöðum í heimilislækningum fjölgað

Svandís Svavarsdóttir heilbrigðisráðherra kynnti í dag ákvörðun sína um að veita 57 milljóna króna framlag til Heilsugæslu höfuðborgarsvæðisins til að fjölga sérnámsstöðum í heimilislækningum um fimm. Á fjárlögum þessa árs eru 300 milljónir króna ætlaðar til að efla þverfaglega þjónustu heilsugæslunnar.

Alþjóðlegur fundur ráðherra um geðheilbrigðismál

Svandís Svavarsdóttir heilbrigðisráðherra sat í vikunni tveggja daga fund um geðheilbrigðismál í London þar sem ráðherrar heilbrigðismála frá fjölmörgum ríkjum, ásamt færasta fagfólki, frumkvöðlum og sérfræðingum á sviði stefnumótunar báru saman bækur sínar.