Efnisorð
Tegund

Leita eftir efnisorðum

Sýnir 4901–4950 af 12929
Raða eftir:
16. des. 2020Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 331/2020 - Úrskurður

Meðlag, heimilisuppbót og mæðralaun. Ákvarðanir Tryggingastofnunar ríkisins um að stöðva greiðslur mæðralauna og heimilisuppbótar til kæranda afturvirkt og endurkrefja um ofgreiddar bætur eru felldar úr gildi. Þeim hluta málsins vísað aftur til stofnunarinnar til nýrrar meðferðar. Ákvörðun Tryggingastofnunar um að stöðva milligöngu meðlagsgreiðslna til kæranda og endurkrefja um ofgreitt meðlag, er felld úr gildi.

16. des. 2020Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 306/2020 - Úrskurður

Ofgreiddar bætur. Staðfest ákvörðun um endurreikning og uppgjör Tryggingastofnunar ríkisins á tekjutengdum bótum ársins 2019. Fallist er á að kærð ákvörðun hafi ekki verið í samræmi við 1. mgr. 22. gr. stjórnsýslulaga um efni rökstuðnings. Ákvörðunin ekki felld úr gildi með vísan til framangreindra annmarka þar sem bætt var úr þeim annmörkum undir rekstri málsins.

16. des. 2020Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 398/2020 - Úrskurður

Ofgreiddar bætur. Staðfest ákvörðun Tryggingastofnunar ríkisins að synja umsókn kæranda um niðurfellingu á endurgreiðslukröfu vegna ofgreiddra bóta. Ekki heimilt að fella niður kröfu á hendur kæranda með vísan til 11. gr. reglugerðarinnar og ekki var fallist á að fella niður endurgreiðslukröfuna á grundvelli almennra reglna.

16. des. 2020Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 370/2020 - Úrskurður

Ofgreiddar bætur. Staðfest ákvörðun um endurreikning og uppgjör Tryggingastofnunar ríkisins á tekjutengdum bótum ársins 2019. Staðfest ákvörðun Tryggingastofnunar ríkisins að synja umsókn kæranda um niðurfellingu á endurgreiðslukröfu vegna ofgreiddra bóta. Ekki fallist á að tilefni sé til niðurfellingar endurgreiðslukröfunnar á grundvelli 11. gr. reglugerðar nr. 598/2009.

11. des. 2020Úrskurðarnefnd velferðarmála - Félagsþjónusta og húsnæðismál, Úrskurðir, Félags- og húsnæðismálaráðuneytið

Mál nr. 293/2020 - Úrskurður

Sérstakur húsnæðisstuðningur. Staðfest ákvörðun Reykjavíkurborgar um að synja umsókn kæranda um sérstakan húsnæðisstuðning. Kærandi var yfir tekjumörkum og ekki til staðar sérstakar málefnalegar ástæður fyrir undanþágu frá reglum Reykjavíkurborgar. Veittur rökstuðningur var ekki í samræmi við 22. gr. stjórnsýslulaga en bætt úr þeim annmarka undir rekstri málsins.

08. des. 2020Félags- og húsnæðismálaráðuneytið, Málefni eldra fólks, Líf og heilsa, Heilbrigðisráðuneytið

Evrópusamstarf um málefni fólks með heilabilun formgert

Heilbrigðisráðherra hefur ákveðið að staðfesta samstarfsyfirlýsingu sem kveður á um formlega aðild heilbrigðisráðuneytisins að faglegum samstarfsvettvangi evrópsk sérfræðingahóps um málefni einstaklinga með heilabilun (The European Group og Governmental Experts on Dementia). Ráðuneytið hefur tekið þátt í samstarfinu undanfarið eitt og hálft ár og hefur það nýst vel, meðal annars við stefnumótun og gerð aðgerðaáætlunar um þjónustu við einstaklinga með heilabilun sem birt var í apríl síðastliðnum. Með undirritun yfirlýsingarinnar er samstarfið formgert en þar er skilgreint hvað í því felst, fjallað um einstaka efnisþætti og verkþætti, stjórnun og fjármögnun samstarfsins.

02. des. 2020Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Nr. 432/2019 - Úrskurður

Afhending gagna og upplýsinga. Felld úr gildi ákvörðun Tryggingastofnunar ríkisins um að synja kæranda um aðgang að upplýsingum um starfsfólk stofnunarinnar og þeim hluta málsins vísað aftur til stofnunarinnar til nýrrar meðferðar. Þeim hluta kæru sem varðar afgreiðslu Tryggingastofnunar ríkisins á beiðni um afrit af fundargerð og frekari gögnum um aðkomu lækna er vísað frá þar sem umbeðin gögn eru ekki til og því telst ekki vera um synjun stjórnvalds að ræða í skilningi 19. gr. stjórnsýslulaga.

02. des. 2020Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 394/2019 - Úrskurður

Felld úr gildi ákvörðun Sjúkratrygginga Íslands um bætur úr sjúklingatryggingu. Að mati úrskurðarnefndar velferðarmála verður 7. gr. skaðabótalaga ekki túlkuð með öðrum hætti en samkvæmt orðanna hljóðan og með þeim hætti að 7. gr. skaðabótalaga, leidd af meginreglu 1. mgr. ákvæðisins, kveði á um að miða skuli við tjónsdag við útreikning lágmarksárslauna samkvæmt 3. mgr. 7. gr. skaðabótalaga.

02. des. 2020Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 255/2019 - Úrskurður

Ofgreiddar bætur. Felld úr gildi ákvörðun Tryggingastofnunar ríkisins um endurreikning og uppgjör á tekjutengdum bótum. Úrskurðarnefnd velferðarmála taldi hagnað af atvinnustarfsemi kæranda standa í svo nánu sambandi við reiknað endurgjald af atvinnustarfseminni að ekki væru rök til þess að telja hagnaðinn hafa fallið til á öðru tímabili heldur en hið reiknaða endurgjald

02. des. 2020Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 454/2019 - Úrskurður

Heimilisuppbót. Felld úr gildi afgreiðsla Tryggingastofnunar ríkisins á umsókn kæranda um heimilisuppbót og upphafstíma greiðslna heimilisuppbótar til kæranda breytt vegna ársins 2018, þar sem ekkert í gögnum málsins gaf til kynna að kærandi hefði ekki verið einn um heimilisrekstur á umræddu tímabili. Staðfest ákvörðun stofnunarinnar um greiðslur til kæranda vegna ársins 2019.