Utankjörfundaratkvæðagreiðsla erlendis vegna komandi þjóðaratkvæðagreiðslu um aðildarviðræður við ESB

Kosning utan kjörfundar erlendis vegna þjóðaratkvæðagreiðslu um aðildarviðræður við ESB sem fram fer 29. ágúst 2026, hefst 27. júlí nk.

Við minnum þau sem verða erlendis á kjördag, en vilja nýta atkvæðisréttinn, að skipuleggja sig fyrirfram; kjósa á Íslandi áður en farið er af landi brott ef það er hægt en kynna sér ella upplýsingar um framkvæmd utankjörfundaratkvæðagreiðslu í sendiráðum Íslands og hjá kjörræðismönnum erlendis.

Sjá nákvæmar upplýsingar um kjörræðismenn, staðsetningar, opnunartíma og fyrirkomulag. 

Kjörstaðir erlendis eru:

• Sendiskrifstofur Íslands (nema fastanefnd Íslands hjá Atlantshafsbandalaginu í Brussel)
• Aðalræðisskrifstofur í Winnipeg, Þórshöfn og Nuuk
• Hjá kjörræðismönnum

Kjósendur geta flett upp hvort og hvar þeir séu á kjörskrá á vef Þjóðskrár (kjörskrá verður birt 24. júlí)

Kjósendur þurfa að framvísa gildum persónuskilríkjum með nafni, kennitölu og mynd, svo sem vegabréfi, nafnskírteini eða ökuskírteini, eða á annan fullnægjandi hátt að mati kjörstjóra t.d ef kjósandi framvísar gildu erlendu skilríki og getur upplýst um íslenska kennitöluna sína og er sannarlega á kjörskrá. 

• Kjósendur bera sjálfir ábyrgð á því að koma atkvæði sínu til skila. 
• Athugið að senda þarf atkvæði beint á það sveitarfélag sem kjósandi er skráður með lögheimili í. 
• Ef senda á atkvæði með pósti er ráð að kjósa tímanlega og þá þarf sömuleiðis að taka mið af sendingartíma og áreiðanleika viðkomandi póstþjónustu þess ríkis sem kosið er í. 

Kjósandi getur beðið kjörstjóra um að setja atkvæði í almennan póst, en það tryggir ekki að atkvæðið berist í tæka tíð.

Nánari upplýsingar um framkvæmd utankjörfundaratkvæðagreiðslu má finna á síðu Landskjörstjórnar.

Á Ísland.is eru aðgengilegar upplýsingar um hvaðeina sem viðkemur framkvæmd kosninga, bæði á íslensku og ensku.