Verið velkomin á Vísinda- og nýsköpunarþing n.k. föstudag

Vísinda- og nýsköpunarráð stendur fyrir Vísinda- og nýsköpunarþingi  n.k föstudag kl. 9 í Grósku. Þar koma saman ungt fólk og fulltrúar vísindasamfélagsins, atvinnulífsins og stjórnvalda. Þingið er opið á meðan húsrúm leyfir - skráning fer fram hér.

Á þinginu verður sjónum beint að því hvernig rannsóknir og hugvit verða að raunverulegum lausnum og verðmætum. Fjallað verður meðal annars um fullnýtingu sjávarafurða, tæknilausnir fyrir fólk með hreyfiskerðingar, verðmætasköpun á grundvelli vísinda, nýtingu ljósleiðara við rannsóknir á eldvirkni og umhverfi og uppbyggingu Treble Technologies. Þinginu lýkur með pallborðsumræðum undir yfirskriftinni Frá rannsóknarstofunni út í raunveruleikann.

Vísinda- og nýsköpunarráð stendur að þinginu í samstarfi við forsætisráðuneytið, menningar-, nýsköpunar- og háskólaráðuneytið og mennta- og barnamálaráðuneytið.