Efnisorð
Tegund

Leita eftir efnisorðum

Sýnir 201–250 af 272
Raða eftir:
18. nóv. 2020Utanríkisráðuneytið, Covid-19, Þróunarsamvinna, Sendiráð Íslands í París, Utanríkismál, Sendiskrifstofa

Ísland styður verkefni UNESCO um frjálsa fjölmiðlun í þróunarlöndum

Ísland hefur gerst aðili að alþjóðaverkefni Menningarmálastofnunar Sameinuðu þjóðanna, UNESCO, um frjálsa fjölmiðlun í þróunarlöndum. Guðlaugur Þór Þórðarson utanríkis- og þróunarsamvinnuráðherra segir að um mikilvægt framlag sé að ræða sem nýtist í baráttunni við kórónuveiruna.

30. okt. 2020Utanríkisráðuneytið, Annað, Þróunarsamvinna

Atvinnulífið hvatt til þátttöku í verkefnum í þróunarríkjum

„Samstarfssjóðurinn skapar bæði ný tækifæri fyrir íslenskt atvinnulíf og íbúa þróunarríkja sem skortir oft tækni og þekkingu til að lyfta sér upp úr fátækt. Með réttum formerkjum geta fyrirtæki í okkar heimshluta lagt mikið af mörkum í þeirri baráttu með því að auka framleiðni og skapa störf, ekki síst meðal kvenna,“ segir Guðlaugur Þór Þórðarson utanríkis- og þróunarsamvinnuráðherra.

28. okt. 2020Utanríkisráðuneytið, Covid-19, Netöryggi, Norrænt samstarf, Öryggis- og varnarmál, Þróunarsamvinna, Utanríkismál

Þrír norrænir fundir utanríkis- og þróunarsamvinnuráðherra í dag

Guðlaugur Þór Þórðarson, utanríkis- og þróunarsamvinnuráðherra, ræddi viðbrögð við kórónuveirufaraldrinum, málefni þróunarsamvinnu og öryggis- og varnarmál á þremur norrænum ráðherrafundum sem fram fóru í dag í tengslum við þing Norðurlandaráðs. Skýrsla Björns Bjarnasonar um norrænt samstarf á sviði utanríkis- og öryggismála var áberandi umræðuefni á fundunum en jafnframt bar endurfjármögnun Norræna þróunarsjóðsins og loftslagsmál á góma.

28. okt. 2020Utanríkisráðuneytið, Annað, Hjálparstarf, Mið-Austurlönd, Sameinuðu þjóðirnar, Þróunarsamvinna, Fjölþjóðastofnanir

Viðbótarframlag frá utanríkisráðuneytinu til kvenna í Jemen

Utanríkisráðuneytið hefur ákveðið að veita Mannfjöldasjóði Sameinuðu þjóðanna (UNFPA) 40 milljóna króna styrk til mannúðaraðstoðar í þágu kvenna og stúlkna í Jemen. Framlagið er viðbót við áður veittan 25 milljóna króna styrk vegna þeirrar miklu neyðar sem konur og stúlkur búa við í þessu stríðshrjáða landi. Samkvæmt gögnum Sameinuðu þjóðanna deyja tólf konur dag hvern vegna skorts á fæðingarþjónustu og mæðravernd.

16. okt. 2020Utanríkisráðuneytið, Annað, Þróunarsamvinna, DAC

Mjög jákvæð niðurstaða miðannarrýni DAC á þróunarsamvinnu Íslands

„Þessi stöðutaka sýnir að við erum á réttri leið og hún er okkur mikil hvatning. Þróunarsamvinna hefur fengið aukið vægi í ráðuneytinu á undanförnum árum og umtalsvert umbótastarf hefur orðið á því sviði. Endurskipulagning ráðuneytisins um síðustu áramót var liður í því starfi og rík áhersla er lögð á nánari útfærslu á þeirri stefnu sem samþykkt var af Alþingi á síðasta ári,“ segir Guðlaugur Þór Þórðarson, utanríkis- og þróunarsamvinnuráðherra, í tilefni af niðurstöðum miðannarrýni á þróunarsamvinnu Íslands, af hálfu Þróunarsamvinnunefndar OECD (DAC).

15. okt. 2020Utanríkisráðuneytið, Þróunarsamvinna, Utanríkisviðskipti, Utanríkismál

Þjónustuborð atvinnulífsins og viðskiptavaktin hefja göngu sína

Í dag undirrituðu Guðlaugur Þór Þórðarson, utanríkis- og þróunarsamvinnuráðherra, Hildur Árnadóttir, stjórnarformaður Íslandsstofu, og Pétur Þ. Óskarsson, framkvæmdastjóri Íslandsstofu, samkomulag utanríkisráðuneytisins og Íslandsstofu um stofnun þjónustuborðs atvinnulífsins. Í dag hóf jafnframt sérstök viðskiptavakt utanríkisráðuneytisins formlega göngu sína.

13. okt. 2020Utanríkisráðuneytið, Þróunarsamvinna, Alþjóðabankinn, Utanríkismál

Heimsfaraldurinn og græn framtíð rædd á ráðherrafundi Alþjóðabankans

„Það verður ekki litið fram hjá mikilvægi einkageirans við að vernda störf og skapa ný þegar þjóðir vinna sig út úr faraldrinum, og Alþjóðabankinn hefur þar miklu hlutverki að gegna,“ sagði Guðlaugur Þór Þórðarson utanríkis- og þróunarsamvinnuráðherra sem tók í dag þátt í ráðherrafundi kjördæmis Norðurlanda og Eystrasaltsríkja hjá Alþjóðabankanum.

11. okt. 2020Utanríkisráðuneytið, Annað, Sameinuðu þjóðirnar, Þróunarsamvinna, WFP, Malaví

COVID-19: Íslendingum þakkað rausnarlegt framlag til Malaví

„Heimsfaraldurinn hefur þegar haft mikil óbein áhrif á íbúa þróunarríkja og okkur rennur blóðið til skyldunnar að styðja við Malaví í baráttunni gegn afleiðingum farsóttarinnar, sem er elsta samstarfsríki okkar í þróunarsamvinnu og eitt fátækasta ríki heims. Framlagið er hluti af stærra viðbragði ráðuneytisins við faraldrinum sem ráðstafað er til alþjóðlegra samstarfsstofnana,“ segir Guðlaugur Þór Þórðarson, utanríkis- og þróunarsamvinnuráðherra.

04. okt. 2020Utanríkismál, Öryggis- og varnarmál, Þróunarsamvinna, Utanríkisráðuneytið

Áfram afgerandi stuðningur landsmanna við alþjóðasamstarf

Þátttaka Íslands í alþjóðlegu samstarfi nýtur afgerandi stuðnings meirihluta þjóðarinnar, samkvæmt nýrri skoðanakönnun sem unnin var fyrir utanríkisráðuneytið. Alþjóðastofnanir njóta sömuleiðis mikils stuðnings, en sérstaklega áberandi er ríkur vilji landsmanna til að rækta áfram norrænt samstarf. Þá benda niðurstöðurnar einnig til þess að þjóðin sé afar fylgjandi alþjóðaviðskiptum og þróunarsamvinnu.

01. okt. 2020Utanríkisráðuneytið, Annað, Hjálparstarf, Íslensk frjáls félagasamtök, neyð, Þróunarsamvinna, Fjölþjóðastofnanir

Tæplega 190 milljónir í boði fyrir félagasamtök

Utanríkisráðuneytið hyggst úthluta 186,5 milljónum króna til félagasamtaka á þessu ári vegna verkefna á sviði þróunarsamvinnu og mannúðarmála. Af þessari fjárhæð á að ráðstafa 121 milljón króna til mannúðarverkefna og 62,5 milljónum til þróunarsamvinnuverkefna. Opið er fyrir umsóknir allt árið til mannúðarverkefna, með fyrirvara um að fjárheimildir kunni að vera fullnýttar áður en árið er liðið, en umsóknarfrestur um styrki til þróunarsamvinnuverkefna er til mánudagsins 16. mars.

10. sep. 2020Utanríkisráðuneytið, Annað, neyð, Sameinuðu þjóðirnar, Þróunarsamvinna, WFP, Fjölþjóðastofnanir

Utanríkis- og þróunarsamvinnuráðherra sendir WFP heillaóskir vegna friðarverðlauna Nóbels

Matvælaáætlun Sameinuðu þjóðanna (WFP) hlaut í dag friðarverðlaun Nóbels fyrir baráttu stofnunarinnar gegn hungri, fyrir að stuðla að bættum aðstæðum fyrir friði á átakasvæðum, og fyrir aðgerðir til að afstýra því að hungur sé notað sem vopn í átökum. „Matvælaáætlun Sameinuðu þjóðanna hefur um langt skeið verið ein af áherslustofnunum Íslands í neyðar- og mannúðaraðstoð og friðarverðlaun Nóbels eru að mínum dómi mjög verðskulduð viðurkenning fyrir ómetanlegt starf á átakasvæðum sem stuðlar að friði,“ segir Guðlaugur Þór Þórðarson utanríkis- og þróunarsamvinnuráðherra sem sendi WFP heillaskeyti í morgun.

26. ágú. 2020Utanríkisráðuneytið, Þróunarsamvinna, Mannréttindi og jafnrétti, Utanríkismál, Covid-19

Fundur um áhrif og viðbrögð við kórónuveirufaraldrinum í Afríku

Guðlaugur Þór Þórðarson, utanríkis- og þróunarsamvinnuráðherra, tók í dag þátt í fjarfundi þróunarsamvinnuráðherra Norðurlanda með ráðherrum sjö Afríkuríkja, yfirmönnum sex stofnana Sameinuðu þjóðanna og öðrum samstarfsaðilum. Efnahagsleg og samfélagsleg áhrif og viðbrögð við kórónuveirufaraldrinum í Afríku voru þar í brennidepli.

05. jún. 2020Utanríkisráðuneytið, Fjölþjóðastofnanir, Íslensk frjáls félagasamtök, Þróunarsamvinna, UNHCR, WFP, Alþjóðabankinn

Utanríkisráðuneytið leggur fram 276 milljónir króna til þróunarríkja vegna heimsfaraldursins

Utanríkisráðuneytið hefur ákveðið að verja 276 milljónum króna til þróunarríkja vegna COVID-19 heimsfaraldursins. Framlagið deilist á milli stofnana Sameinuðu þjóðanna, Alþjóðabankans, Alþjóðaráðs Rauða krossins, Alþjóðasambands landsfélaga Rauða krossins og samstarfsþjóða Íslands í tvíhliða þróunarsamvinnu.

06. apr. 2020Utanríkisráðuneytið, Þróunarsamvinna

Heilbrigðismál, græn uppbygging og jafnrétti áherslumál Norðurlandaþjóða í þróunarríkjum

Norrænir utanríkis- og þróunarsamvinnuráðherrar ræddu á fjarfundi í dag um sameiginlega sýn þjóðanna til enduruppbyggingar í þróunarríkjunum þegar COVID-19 heimsfaraldrinum linnir. Ráðherrarnir voru sammála um að leggja áherslu á þrennt, heilbrigðismál og styrkingu heilbrigðiskerfa, á græna og loftslagsvæna uppbygginu, og á varðveislu framfara í jafnrétti kynjanna, undir yfirskriftinni „Build Back Better and Greener.“

21. jan. 2020Utanríkisráðuneytið, Annað, Skólar GRÓ, Hjálparstarf, Íslensk frjáls félagasamtök, OECD, Sameinuðu þjóðirnar, Þróunarsamvinna, DAC, Sendiráð Íslands í París, Sendiskrifstofa

Hvetur Ísland til að leiða áfram jafnréttisbaráttuna

„Ísland hefur sannarlega verið í forystuhlutverki á sviði jafnréttisbaráttu og ég hvet ykkur til að halda áfram að vera leiðandi á því sviði, öðrum framlagsríkjum til eftirbreytni,“ sagði Susanna Moorehead formaður þróunarsamvinnunefndar OECD, DAC. Hún er stödd hér á landi og flutti erindi á málþingi í Reykjavík í gærkvöldi um framtíð þróunarsamvinnu.

16. des. 2019Utanríkisráðuneytið, Þróunarsamvinna, Utanríkismál, Heimsmarkmiðin, Sendiráð Íslands í París, Sendiskrifstofa

Ísland og UNESCO gera samkomulag um Þekkingarmiðstöð þróunarsamvinnu

Guðlaugur Þór Þórðarson utanríkisráðherra og Audrey Azoulay, aðalframkvæmdastjóri Menningarmálastofnunar Sameinuðu þjóðanna UNESCO, undirrituðu í dag samkomulag um að Þekkingarmiðstöð þróunarsamvinnu starfi undir merkjum UNESCO sem sjálfstæð stofnun. Í miðstöðinni koma saman fjórir skólar sem starfræktir hafa verið á Íslandi.

12. nóv. 2019Utanríkisráðuneytið, Annað, Íslensk frjáls félagasamtök, Þróunarsamvinna, Úganda, Hjálparstarf

Þróunarsamvinna: Sjö íslenskum félagasamtökum falið að ráðstafa rúmum 200 milljónum

Utanríkisráðuneytið hefur gefið vilyrði fyrir styrkjum til sjö íslenskra félagasamtaka um ráðstöfun rúmlega 210 milljóna króna til verkefna á sviði þróunarsamvinnu. Flest verkefnanna eru langtímaverkefni sem fá árlegar greiðslur frá ráðuneytinu. Hæstu styrkjunum verður varið til verkefna í þremur Afríkuríkjum, Síerra Leóne, Úganda og Tógó.

20. okt. 2019Utanríkisráðuneytið, Heimsmarkmiðin, Loftslagsmál, Þróunarsamvinna, Utanríkismál

Utanríkisráðherra á ársfundum Alþjóðabankans og Alþjóðagjaldeyrissjóðsins

Guðlaugur Þór Þórðarson utanríkisráðherra sótti nýafstaðna ársfundi Alþjóðabankans og Alþjóðagjaldeyrissjóðsins sem haldnir voru í Washington DC. Þá undirritaði hann viljayfirlýsingu um mögulegt samstarf við samtökin Conservation International á sviði fiskimála í Kyrrahafsríkjum.

25. sep. 2019Utanríkisráðuneytið, Þróunarsamvinna, Skólar GRÓ, Utanríkismál

Háskólar Sameinuðu þjóðanna verði Þekkingarmiðstöð þróunarlanda

Þekkingarmiðstöð þróunarlanda (International Centre for Capacity Development) verður nýtt yfirheiti skólanna fjögurra sem hafa um langt árabil verið starfræktir sem skólar Háskóla Sameinuðu þjóðanna hér á landi. Frá og með næstu áramótum bendir allt til þess að skólarnir starfi undir regnhlíf Menningarmálastofnunar Sameinuðu þjóðanna (UNESCO) en samningaviðræður milli UNESCO og utanríkisráðuneytisins eru á lokastigi. Áformað er að setja á laggirnar miðstöð á vegum ráðuneytisins sem eigi í samstarfi við og starfi undir merkjum UNESCO, líkt og Vigdísarstofnun - alþjóðleg miðstöð tungumála og menningar.

07. sep. 2019Utanríkisráðuneytið, Annað, Þróunarsamvinna

Marel og Thoregs hljóta styrki úr samstarfssjóði við atvinnulífið

Tvö verkefni sem byggja á íslensku hugviti og verkþekkingu hafa fengið styrki úr Samstarfssjóði við atvinnulíf um heimsmarkmið Sameinuðu þjóðanna. Utanríkisráðuneytið kynnti á síðasta ári nýjan samstarfssjóð við atvinnulífið um heimsmarkmiðin sem ætlaður er samstarfsverkefnum fyrirtækja. Hlutverk sjóðsins er að hvetja til þátttöku og framlags atvinnulífs til þróunarsamvinnu, með það að markmiði að stuðla að atvinnusköpun og sjálfbærum hagvexti í fátækum ríkjum. Þetta eru fyrstu styrkirnir sem veittir eru úr sjóðnum.

15. júl. 2019Utanríkisráðuneytið, Annað, Þróunarsamvinna, Sameinuðu þjóðirnar

Ungmenni í forgrunni á fundi um heimsmarkmiðin

Ísland kynnir á morgun stöðu innleiðingar heimsmarkmiða Sameinuðu þjóðanna um sjálfbæra þróun á árlegum ráðherrafundi í New York. Katrín Jakobsdóttir forsætisráðherra flytur þá ávarp fyrir Íslands hönd, en auk þess ávarpa tveir fulltrúar úr ungmennaráði heimsmarkmiðanna fundinn, þau Kristbjörg Mekkín Helgadóttir og Sigurður Einarsson Mäntylä.

21. jún. 2019Utanríkisráðuneytið, Alþjóðamál, Evrópusamvinna, Norrænt samstarf, Öryggis- og varnarmál, Þróunarsamvinna, Utanríkisviðskipti, Utanríkismál

Íslendingar velviljaðir þátttöku í alþjóðasamstarfi

Þorri Íslendinga er jákvæður í garð alþjóðastofnana og þátttöku Íslands í alþjóðlegu samstarfi. Þetta er niðurstaða könnunar sem Maskína gerði fyrir utanríkisráðuneytið um viðhorf Íslendinga til alþjóðasamstarfs. Íslendingar eru sérstaklega jákvæðir í garð norræns samstarfs.

16. maí 2019Utanríkisráðuneytið, Annað, Fjölþjóðastofnanir, Skólar GRÓ, Hjálparstarf, Íslensk frjáls félagasamtök, Malaví, Sameinuðu þjóðirnar, Þróunarsamvinna, Úganda, UN Women, Alþjóðabankinn

Framtíðarsýn heimsmarkmiðanna grundvöllur nýrrar stefnu í þróunarsamvinnu

Yfirmarkmið Íslands í alþjóðlegri þróunarsamvinnu verður að draga úr fátækt og hungri og stuðla að almennri velferð á grundvelli mannréttinda, kynjajafnréttis og sjálfbærrar þróunar, segir í nýsamþykktri þingsályktunartillögu um stefnu um alþjóðlega þróunarsamvinnu Íslands sem gildir fyrir árin 2019 til 2023. „Það hefur verið mér sérstakt kappsmál að eiga samstarf við atvinnulífið og nýta enn betur þá sértæku þekkingu sem við búum yfir á fjölmörgum sviðum við uppbyggingu innviða og atvinnuvega í þróunarríkjum. Nýjum samstarfssjóði við atvinnulífið er ætlað að styrkja verkefni í fátækum ríkjum og þær áherslur endurspeglast vel í stefnunni," segir Guðlaugur Þór Þórðarson utanríkisráðherra.

26. apr. 2019Utanríkisráðuneytið, Utanríkismál, Mannréttindi, Þróunarsamvinna, Menntamál, Sendiráð Íslands í París, Sendiskrifstofa

Ísland og UNESCO gera rammasamning um þróunarsamvinnu

Ísland og Menningarmálastofnun Sameinuðu þjóðanna (UNESCO) hafa gert með sér samstarfssamning á sviði þróunarsamvinnu. Sturla Sigurjónsson, ráðuneytisstjóri utanríkisráðuneytisins, og Xing Qu, aðstoðarframkvæmdastjóri UNESCO, undirrituðu rammasamning þess efnis fyrr í vikunni.

13. apr. 2019Utanríkisráðuneytið, Þróunarsamvinna, Utanríkismál

Utanríkisráðherra ávarpaði þróunarnefndina

Guðlaugur Þór Þórðarson utanríkisráðherra lagði áherslu á fjölþjóðlegt samstarf, þar á meðal alþjóðaviðskipti, loftslagsmál, mannauð, mannréttinda- og jafnréttismál, í ávarpi sínu í þróunarnefnd Alþjóðabankans og Alþjóðagjaldeyrissjóðins fyrr í dag. Þá ræddi hann um mikilvægi fjármögnunar þróunar, meðal annars með betri skattheimtu, og að koma í veg fyrir ólöglegt fjármagnsflæði og skattaundanskot.

06. apr. 2019Utanríkisráðuneytið, Annað, Úganda, Malaví, Þróunarsamvinna

Starfshópur skilar skýrslu um mannréttindamiðaða þróunarsamvinnu

Öll verkefni og aðgerðir í tvíhliða þróunarsamvinnu eiga að vera í samræmi við meginreglur mannréttinda og byggja á vönduðum greiningum á stöðu mannréttinda, áhrifum inngripa og öðrum viðeigandi þáttum, segir í nýrri skýrslu utanríkisráðuneytisins um mannréttindamiðaða nálgun í tvíhliða þróunarstarfi. Starfshópurinn sem vann skýrsluna leggur til að mótuð verði heildræn stefnumið um mannréttindamiðaða þróunarsamvinnu og áréttar að mannréttindi verði lögð til grundvallar í þróunarsamvinnu með þátttöku íslensks atvinnulífs.

22. mar. 2019Utanríkisráðuneytið, Annað, Malaví, Mósambík, Þróunarsamvinna, Úganda, UNICEF, Afríka

Íslensk þróunarsamvinna: Vatnsból fyrir hálfa milljón íbúa

Íslensk stjórnvöld hafa í alþjóðlegri þróunarsamvinnu komið upp vatnsbólum fyrir hálfa milljón íbúa í Afríkuríkjum. „Vatn er undirstaða alls lífs og ekkert bætir líf fátæks fólks meira en greiður aðgangur að hreinu vatni. Við leggjum kapp á að koma upp vatnspóstum í grennd við heimili íbúa í samstarfshéruðum okkar því við vitum að hreint vatn bætir stórkostlega heilsu íbúanna og dregur úr óþarfa tímaeyðslu við vatnsburð,“ segir Guðlaugur Þór Þórðarson utanríkisráðherra í tilefni af alþjóðlegum degi vatnsins í dag, 22. mars.

21. feb. 2019Utanríkisráðuneytið, Fjölþjóðastofnanir, Sameinuðu þjóðirnar, Þróunarsamvinna, Annað

Íslendingar í lið með FAO gegn ólöglegum fiskveiðum

„Samstarfið lagar sig einkar vel að pólitískri stefnu Íslands í alþjóðamálum með ríkum áherslum á málefni hafsins. Það gefur okkur tækifæri til að nýta íslenska þekkingu í stórum alþjóðlegum verkefnum. Og bæði íslensk fyrirtæki og íslenskir sérfræðingar fá tækifæri til að leggja sitt af mörkum,“ segir Guðlaugur Þór Þórðarson utanríkisráðherra um nýjan samstarfssamning ráðuneytisins við Matvæla- og landbúnaðarstofnun Sameinuðu þjóðanna, FAO.

29. jan. 2019Utanríkisráðuneytið, Heilbrigðismál, Heimsmarkmiðin, Mannréttindi, Menntun fyrir alla, Þróunarsamvinna, Utanríkismál

Utanríkisráðherra kynnir sér árangur þróunarsamvinnu í Malaví

Þróunarsamvinna, mannréttindamál og efnahagsmál á breiðum grunni voru efst á baugi á fundum Guðlaugs Þórs Þórðarsonar utanríkisráðherra með embættismönnum í Malaví í dag. Guðlaugur Þór heimsækir landið til að kynna sér árangurinn af þriggja áratuga langri þróunarsamvinnu og tekur þátt í opnun nýrrar fæðingarálmu héraðssjúkrahússins í Manochi.

07. jan. 2019Utanríkisráðuneytið, Annað, Þróunarsamvinna, Alþjóðabankinn

Ísland tekur í dag sæti í stjórn Alþjóðabankans

Geir H. Haarde, fyrrverandi sendiherra Íslands í Washington, tók í dag við stöðu aðalfulltrúa kjördæmis Norðurlandanna og Eystrasaltsríkjanna hjá Alþjóðabankanum. Hann kemur til með að stýra skrifstofu kjördæmisins í höfuðstöðvum bankans í Washington um tveggja ára skeið og situr í 25 manna stjórn bankans fyrir hönd kjördæmisins. Ísland er fámennasta aðildarríki bankans sem skipar í stöðu aðalfulltrúa í stjórn hans.

23. nóv. 2018Utanríkisráðuneytið, Annað, Þróunarsamvinna, Sameinuðu þjóðirnar

Spennandi samstarfsmöguleikar fyrir atvinnulíf í þróunarsamvinnu

„Samstarfssjóðnum er ætlað að skapa ný tækifæri fyrir íslenskt atvinnulíf með styrkjum í tengslum við Heimsmarkmið Sameinuðu þjóðanna og þróunarsamvinnu. Þátttaka atvinnulífsins í uppbyggingu í þróunarríkjunum er lykilatriði ef við ætlum okkar að ná Heimsmarkmiðunum um sjálfbæra þróun,“ segir Guðlaugur Þór Þórðarson utanríkisráðherra en utanríkisráðuneytið auglýsir nú í fyrsta sinn eftir umsóknum um styrki sem veittir eru úr nýjum Samstarfssjóði við atvinnulíf um Heimsmarkmið Sameinuðu þjóðanna vegna samstarfsverkefna í þróunarríkjum.

10. nóv. 2018Utanríkisráðuneytið, Evrópusamvinna, Mannréttindi, Norðurslóðir, Norrænt samstarf, Þróunarsamvinna, Utanríkismál

Utanríkisráðherrar Íslands og Danmerkur funduðu í Kaupmannahöfn

Formennska Íslands í norrænni samvinnu og Norðurskautsráðinu, Brexit og tvíhliða samskipti voru efst á baugi á fundi Guðlaugs Þór Þórðarsonar utanríkisráðherra og Anders Samuelsen, utanríkisráðherra Danmerkur í Kaupmannahöfn í gær. Utanríkisráðherra kynnti sér jafnframt fyrirkomulag danskrar þróunarsamvinnu með þátttöku atvinnulífsins og sótti viðburði í tilefni fullveldisafmælis Íslands.

20. ágú. 2018Utanríkisráðuneytið, Þróunarsamvinna, Forsætisráðuneytið

Elíza Gígja spennt að sjá Úganda með augum unglingsins

Elíza Gígja Ómarsdóttir fimmtán ára reykvísk stúlka hefur verið valin til að taka þátt í gerð heimildarmyndar um Heimsmarkmið Sameinuðu þjóðanna sem utanríkisráðuneytið fyrir hönd íslenskra stjórnvalda stendur að í samvinnu við auglýsingastofuna Hvíta húsið og RÚV. Katrín Jakobsdóttir forsætisráðherra tilkynnti Elízu Gígju óvænt niðurstöðuna í gær á Víkingsvellinum í Fossvogi. “Fimmtán ára stúlka trúði vart sínum eigin augu og eyrum í dag þegar forsætisráðherra tilkynnti henni óvænt að hún færi fyrir Íslands hönd til Úganda,” sagði í frétt RÚV í gærkvöldi.

02. júl. 2018Þróunarsamvinna, UNICEF, Sameinuðu þjóðirnar, Utanríkisráðuneytið

Ráðherra á fundum með þremur framkvæmdastjórum SÞ stofnana

Guðlaugur Þór Þórðarson, utanríkisráðherra átti í vikunni fundi með framkvæmdastjórum þriggja stofnana Sameinuðu þjóðanna sem íslensk stjórnvöld eru í samstarfi við, þ.e. Mannfjöldasjóð Sameinuðu þjóðanna (UNFPA), Palestínuflóttamannahjálp Sameinuðu þjóðanna (UNRWA) og Barnahjálp Sameinuðu þjóðanna (UNICEF). Hann undirritaði rammasamning um áframhaldandi stuðning við UNFPA og UNRWA en rammasamningur við UNICEF er nú þegar í gildi.

11. jún. 2018Utanríkisráðuneytið, Annað, Þróunarsamvinna, Íslensk frjáls félagasamtök

Aðkoma atvinnulífs og félagasamtaka mikilvæg í uppbyggingu þróunarríkja

„Meginmarkmiðið með framlagi Íslands til þróunarsamvinnu er að draga úr fátækt og stuðla að atvinnusköpun og viðvarandi sjálfbærum hagvexti í þróunarlöndum til að leggja grunn að aukinni velsæld. Aðkoma atvinnulífsins – sem býr yfir frumkvæði og margs konar sérþekkingu sem nýst getur við að leysa flókin verkefni – er mikilvægur þáttur í þessari uppbyggingu. Því höfum við nú útfært nýjar leiðir til samstarfs við atvinnulífið á sviði þróunarsamvinnu,“ sagði Guðlaugur Þór Þórðarson utanríkisráðherra á fjölmennum opnum fundi í morgun, sem utanríkisráðuneytið stóð fyrir með áherslu á þátttöku fulltrúa atvinnulífsins og fulltrúa félagasamtaka.

02. jún. 2018Utanríkisráðuneytið, Utanríkismál, Loftslagsmál, Mannréttindi, Þróunarsamvinna, Mannréttindi og jafnrétti

Lýsti stuðningi við áherslur aðalframkvæmdastjóra SÞ

Guðlaugur Þór Þórðarson utanríkisráðherra átti í gær fund með António Guterres, aðalframkvæmdastjóra Sameinuðu þjóðanna, í höfuðstöðvum stofnunarinnar í New York. Hann hitti einnig Miroslav Lajcak, forseta allsherjarþingsins, og Jeffrey Feltman, yfirmann stjórnmáladeildar Sameinuðu þjóðanna.