Þjóðaröryggisráð

Lög nr. 98/2016 um þjóðaröryggisráð voru samþykkt á Alþingi 1. september 2016. Í þjóðaröryggisráði (e. National Security Council) eiga fast sæti forsætisráðherra sem formaður ráðsins, utanríkisráðherra, dómsmálaráðherra og ráðuneytisstjórar ráðuneytanna þriggja. Enn fremur eiga sæti í ráðinu tveir þingmenn, annar úr þingflokki sem skipar meiri hluta á Alþingi en hinn úr þingflokki minni hluta. Þá sitja í ráðinu forstjóri Landhelgisgæslunnar, ríkislögreglustjóri og fulltrúi Landsbjargar. Þjóðaröryggisráð hefur eftirlit með því að þjóðaröryggisstefna fyrir Ísland sé framkvæmd í samræmi við ályktun Alþingis og skal vera samráðsvettvangur um þjóðaröryggismál. Ráðinu er enn fremur ætlað að meta ástand og horfur í öryggis- og varnarmálum og fjalla um önnur málefni sem varða þjóðaröryggi. Þá gera lögin ráð fyrir að þjóðaröryggisráð, í samvinnu við háskólasamfélagið, hugveitur og fjölmiðla, beiti sér fyrir opinni og lýðræðislegri umræðu um þjóðaröryggismál.

Þjóðaröryggisráði ber að upplýsa Alþingi árlega um framkvæmd stefnunnar og utanríkismálanefnd þingins um hver þau mál sem líkleg eru til að hafa áhrif á þjóðaröryggisstefnuna og framkvæmd hennar. Þá skal ráðið stuðla að endurskoðun stefnunnar eigi sjaldnar en á fimm ára fresti.

Skipan þjóðaröryggisráðs:

Katrín Jakobsdóttir, forsætisráðherra
Guðlaugur Þór Þórðarson, utanríkisráðherra
Sigríður Á. Andersen, dómsmálaráðherra
Ragnhildur Arnljótsdóttir, ráðuneytisstjóri í forsætisráðuneytinu
Sturla Sigurjónsson, ráðuneytisstjóri í utanríkisráðuneytinu
Haukur Guðmundsson, ráðuneytisstjóri í dómsmálaráðuneytinu
Haraldur Johannessen, ríkislögreglustjóri
Georg Kristinn Lárusson, forstjóri Landhelgisgæslunnar
Smári Sigurðsson, tilnefndur af Landsbjörg
Jóna Sólveig Elínardóttir, tilnefnd af þeim þingflokkum sem skipa meiri hluta á þingi
Katrín Jakobsdóttir, tilnefnd af þeim þingflokkum sem skipa minni hluta á þingi

Ritari þjóðaröryggisráðs er Þórunn J. Hafstein, [email protected]

Sjá nánar:

Tegund

Ráð og stjórnir
Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn