Efnisorð
Tegund

Leita eftir efnisorðum

Sýnir 951–1000 af 1704
Raða eftir:
12. sep. 2022Menningar-٫ nýsköpunar- og háskólaráðuneytið, Menningarmál, Atvinnuvegir

Evrópsku kvikmyndaverðlaunin haldin í Hörpu um helgina: Stærsti viðburður sinnar tegundar á Íslandi

Evrópsku kvikmyndaverðlaunin verða haldin í Hörpu á laugardag. Þetta er einn stærsti viðburður af þessari tegund sem haldinn hefur verið á Íslandi og fyrsti svokallaði A-lista viðburðurinn sem haldinn hefur verið hér á landi. Þau Ilmur Kristjánsdóttir og Hugleikur Dagsson verða kynnar hátíðarinnar. ​

12. sep. 2022Menningar-٫ nýsköpunar- og háskólaráðuneytið, Menningarmál, Fjárlög

Kvikmyndasjóður fái 250 milljón króna viðbótarframlag 2023

Við 2. umræðu fjárlagafrumvarps má vænta þess að lagt verði til að 100 milljónir króna verði lagðar til Kvikmyndasjóðs auk þess sem menningar- og viðskiptaráðuneytið mun leggja fram 150 milljón króna viðbótarframlag. Árið 2023 fær Kvikmyndasjóður því 1328,9 milljónir króna til að standa undir fjármögnun verkefna sem þegar hafa hlotið vilyrði eða sjóðurinn er skuldbundinn með samningi. ​

05. sep. 2022Menningar-٫ nýsköpunar- og háskólaráðuneytið, Alþjóðamál, Úkraína, Menningarmál

Ráðherra ávarpaði UNESCO fund í Perlunni

„Ísland hefur lengi verið hluti af UNESCO og við erum ákaft stuðningsfólk fjölþjóðahyggju. Við vinnum sleitulaust að markmiðum UNESCO og gildum stofnunarinnar og á Íslandi deilum við sýn UNESCO um að stuðla að friði og öryggi á grundvelli samvinnu ríkja með samtali á vettvangi menningar, menntunar , samskipta og vísinda,“ segir Lilja, en Ísland var kjörið í framkvæmdanefnd UNESCO í fyrra.

02. sep. 2022Heilbrigðisráðuneytið, Menningar-٫ nýsköpunar- og háskólaráðuneytið

Norðurlöndin ráðast í greiningu á sameiginlegri getu til að þróa og framleiða bóluefni

Norðurlandaþjóðirnar hafa ákveðið að ráðast í greiningu á sameiginlegri getu sinni til að rannsaka, þróa og framleiða bóluefni og fýsileika norræns samstarfs til nýsköpunar á þessu sviði. Ráðist er í verkefnið að frumkvæði iðnaðar- og viðskiptaráðherra Svía en heimsfaraldur Covid-19 hefur varpað ljósi á mikilvægi öflugs samstarfs Norðurlandaþjóðanna, m.a. með samhæfingu aðgerða og viðbúnaði gegn skorti á hráefnum og aðföngum þegar vá stendur fyrir dyrum.

17. ágú. 2022Menningar-٫ nýsköpunar- og háskólaráðuneytið, Menningarmál, Atvinnuvegir

Fyrsta íslenska tónlistarstefnan og frumvarp til heildarlaga um tónlist kynnt í Samráðsgátt

„Þetta eru mikil tímamót, en með stefnunni og lögum um tónlist vinnum við að því að efla tónlist á landinu öllu og mörkum í fyrsta sinn heildarramma fyrir málefni tónlistar sem lengi hefur vantað. Með þessu viljum við búa tónlistinni hagstæð skilyrði til að vaxa og dafna um ókomna tíð,“ segir Lilja Dögg Alfreðsdóttir, menningar- og viðskiptaráðherra.

04. ágú. 2022Menningar-٫ nýsköpunar- og háskólaráðuneytið, Menningarmál, Hönnun, Atvinnuvegir

„Getum lært margt af Dönum á sviði hönnunar og skapandi greina“

Hönnun og hugvit sem útflutningsvara og hlutverk hennar í ímyndarsköpun og verðmætasköpun var meðal þess sem Lilja Dögg Alfreðsdóttir menningar- og viðskiptaráðherra kynnti sér í Kaupmannahöfn í vikunni. Ráðherra heimsótti helstu lykilaðila hönnunar í Danmörku, þar sem talið DDC – dönsku hönnunarmiðstöðina, DAC miðstöð arkitektúrs í Danmörku og Creative Danmark sem styður við skapandi greinar í alþjóðlegri markaðssókn.

12. júl. 2022Menningar-٫ nýsköpunar- og háskólaráðuneytið, Menningarmál, Fjárlög

85% aukning í veltu kvikmyndagerðar

Velta íslensks kvikmyndaiðnaðar hefur aukist um 85% á síðustu fimm árum og nemur nú um 30 milljörðum króna á ársgrundvelli og vel á fjórða þúsund einstaklinga starfa við kvikmyndagerð. Fjármagn til endurgreiðslna vegna kvikmyndagerðar á Íslandi er aukið um 4 milljarða króna fyrir aðra umræðu fjárlaga 2023, en alls verða þá 5,7 milljarðar til endurgreiðslu á næsta ári. Að auki mun framlag í kvikmyndasjóð vaxa um 250 milljónir króna sem þýðir að ekki þarf að fresta verkefnum sem fengið hafa vilyrði frá sjóðnum.

11. júl. 2022Atvinnuvegaráðuneytið, Vísindi nýsköpun og rannsóknir, Háskólar, Iðnaður, Nýsköpun, Menntamál, Menningar-٫ nýsköpunar- og háskólaráðuneytið

Íslensk sendinefnd í hugvitsdrifnu Singapúr

Áslaug Arna Sigurbjörnsdóttir háskóla-, iðnaðar- og nýsköpunarráðherra leiðir nú sendinefnd til Singapúr sem samanstendur af hinum ýmsu aðilum úr stjórnsýslunni, háskóla- og nýsköpunarumhverfinu ásamt fulltrúum íslensks viðskiptalífs. Formleg dagskrá heimsóknarinnar hefst í dag.

07. júl. 2022Forsætisráðuneytið, Heilbrigðisráðuneytið, Félags- og húsnæðismálaráðuneytið, Dómsmálaráðuneytið, Fjármála- og efnahagsráðuneytið, Utanríkisráðuneytið, Menningar-٫ nýsköpunar- og háskólaráðuneytið, Innviðaráðuneytið, Mennta- og barnamálaráðuneytið, Atvinnuvegaráðuneytið, Umhverfis-٫ orku- og loftslagsráðuneytið

Ársskýrslur ráðherra fyrir árið 2021 birtar

Ársskýrslur ráðherra fyrir árið 2021 hafa verið birtar. Skýrslurnar koma nú út í fimmta sinn en markmiðið með útgáfu þeirra er að auka gagnsæi um ráðstöfun og nýtingu fjármuna. Þá er þeim ætlað að vera grundvöllur fyrir umræðu um stefnumörkun og forgangsröðun hins opinbera.

06. júl. 2022Menningar-٫ nýsköpunar- og háskólaráðuneytið, Menningarmál, Atvinnuvegir

Líflegar og gagnlegar umræður á fundi um Tónlistarmiðstöð

Opið samtal, samráð við hagaðila og lausnamiðuð nálgun eru leiðarljós vinnu við nýja Tónlistarmiðstöð. Tónverkamiðstöð, Tónskáldafélag Íslands og Félag tónskálda og textahöfunda boðuðu því til kynningarfundar um vinnu við Tónlistarmiðstöð fyrir félagsmenn sína. Lilja Dögg Alfreðsdóttir, menningar- og viðskiptaráðherra, ávarpaði fundinn og ræddi við félagsmenn um vinnuna. Líflegar og gagnlegar umræður sköpuðust á fundinum sem var vel sóttur.

06. júl. 2022Menningar-٫ nýsköpunar- og háskólaráðuneytið, Umhverfi og náttúruvernd, Vísindi nýsköpun og rannsóknir, Loftslagsmál, Nýsköpun, Orka, Auðlindir

Virkja þarf hugvit, þekkingu og nýsköpun til að ná markmiðum um kolefnishlutleysi

Þrátt fyrir að hafa verið frumkvöðlar í nýtingu umhverfisvænna orkugjafa, svo sem vatnsorku og jarðhita, og í dag leiðtogar á heimsvísu þegar kemur að endurnýjanlegri orkuframleiðslu og sérþekkingu á því sviði, þarf íslenska þjóðin að taka höndum saman til að ná settum markmiðum.

05. júl. 2022Menningar-٫ nýsköpunar- og háskólaráðuneytið, Norrænt samstarf, Menningarmál

Lilja fundaði með menningarmálaráðherrum Norðurlandanna

Lilja Dögg Alfreðsdóttir, menningar- og viðskiptaráðherra, fundaði með menningarmálaráðherrum Norðurlandanna í Óperuhúsinu í Ósló þann 4. maí. Þetta var fyrsti ráðherrafundur ársins undir formennsku Noregs. Aðild að samstarfinu eiga Danmörk, Finnland, Ísland, Noregur og Svíþjóð auk Álandseyja, Færeyja og Grænlands.

05. júl. 2022Menningar-٫ nýsköpunar- og háskólaráðuneytið, Menntamál, Fjármála- og efnahagsráðuneytið, Húsnæðis- og mannvirkjamál

Tímamót í sögu Listaháskóla Íslands sem fær framtíðarhúsnæði í Tollhúsinu

Viljayfirlýsing um framtíðarhúsnæði Listaháskóla Íslands í Tollhúsinu við Tryggvagötu var undirrituð í dag. Undirritun yfirlýsingarinn er sérstakt fagnaðarefni þar sem skólinn mun nú get sameinað alla sína starfsemi undir einu þaki í fyrsta skipti frá stofnun hans.

04. júl. 2022Menningar-٫ nýsköpunar- og háskólaráðuneytið, Menningarmál, Hönnun, Norrænt samstarf, Atvinnuvegir

Lilja fundar með iðnaðar- og viðskiptaráðherra Noregs

„Það hefur verið virkilega lærdómsríkt að heyra hvernig norsk stjórnvöld hafa séð tækifærin sem felast í að styðja við og efla hönnun til þess takast á við samfélagslegar áskoranir og auka lífsgæði. Þau leggja áherslu á að þetta sé hugarfarsbreyting og að það að fá hönnuði að borðinu strax í upphafi verkefna sé til þess fallið að bæta lokaafurðina, hvort sem um er að ræða í opinberri þjónustu eða annars staðar. Á endanum stuðlar slík nálgun að aukinni samkeppnishæfni samfélagsins sem er ávallt mikilvægt að hlúa vel að,“ sagði Lilja Alfreðsdóttir, menningar- og viðskiptaráðherra.

04. júl. 2022Menningar-٫ nýsköpunar- og háskólaráðuneytið, Menningarmál, Úkraína, Atvinnuvegir

Á elleftu milljón safnaðist í Hörpu í tengslum við Samstöðutónleika Sinfóníuhljómsveitar Íslands með Úkraínu

„Ég er hrærð að fylgjast með þessum mikla stuðningi sem tónleikarnir og söfnunin fengu. Verkefnið er ærið, fatlað fólk er sérstaklega berskjaldað í átökum og við getum verið stolt af því hvernig menningarlífið á Íslandi hefur sýnt stuðning sinn í verki fyrir þau sem eiga um sárt að binda. Ég er þakklát öllu því fólki sem lagði verkefninu lið, en framganga þeirra er ómetanleg,“ segir Lilja Dögg Alfreðsdóttir, menningar- og viðskiptaráðherra.

30. jún. 2022Menningar-٫ nýsköpunar- og háskólaráðuneytið, Alþjóðamál, Sendiráð Íslands í Ottawa, Menningarmál

Færðu kanadísku bókasafni bókagjöf: 75 ár af stjórnmálasambandi Íslands og Kanada

Lilja Dögg Alfreðsdóttir, menningar- og viðskiptaráðherra, afhenti Whitehorse bókasafninu í Yukon fylki í Kanada íslenska bókagjöf og þakkaði fyrir höfðinglega gjöf sem sendiráð Kanada á Íslandi veitti íslenskum bókasöfnum á Akureyri og í Reykjavík fyrr á þessu ári, en árið 2022 markar 75 ára stjórnmálasamband Íslands og Kanada.