Efnisorð
Tegund

Leita eftir efnisorðum

Sýnir 101–150 af 424
Raða eftir:
11. júl. 2023Menningar-٫ nýsköpunar- og háskólaráðuneytið, Nýsköpun, Vísindi nýsköpun og rannsóknir

Stafræn nýsköpunargátt fyrir nýsköpunarumhverfi og frumkvöðla

Samið hefur verið við upplýsingavefinn skapa.is um að halda úti stafrænni nýsköpunargátt. Vefurinn hefur þegar fest sig í sessi í frumkvöðlasamfélaginu en fær nú aukið hlutverk sem stafræn nýsköpunargátt sem er í senn efnisveita og upplýsingamiðlun fyrir frumkvöðla og aðra aðila sem eru að stíga sín fyrstu skref í íslensku nýsköpunarumhverfi.

11. júl. 2023Menningar-٫ nýsköpunar- og háskólaráðuneytið, Alþjóðasamningar, Vísindi nýsköpun og rannsóknir

Ráðherra geimvísinda skrifar undir samning við NASA

Áslaug Arna Sigurbjörnsdóttir, háskóla-, iðnaðar- og nýsköpunarráðherra, hefur undirritað samning um Artemis samkomulagið við Geimferðastofnun Bandaríkjanna (NASA). Þátttaka Íslands í samkomulaginu hefur í för með sér mikil tækifæri fyrir rannsóknir og nýsköpun auk tækifæra til að móta alþjóðlega umgjörð um umgengni í geimnum.

14. jún. 2023Menningar-٫ nýsköpunar- og háskólaráðuneytið, Menntamál, Vísindi nýsköpun og rannsóknir, Nýsköpun, Mennta- og barnamálaráðuneytið

Fab Lab Suðurnesja eykur tæknilæsi og frumkvöðlamennt í nærsamfélagi

Samningur og samstarfsyfirlýsing um Fab Lab smiðju á Suðurnesjum voru undirrituð í dag. Að samningnum koma háskóla-, iðnaðar- og nýsköpunarráðuneytið, mennta- og barnamálaráðuneytið, Fjölbrautaskóli Suðurnesja, Reykjanesbær og Samband sveitarfélaga á Suðurnesjum.

11. jún. 2023Atvinnuvegaráðuneytið, Háskólar, Iðnaður, Nýsköpun, Vísindi nýsköpun og rannsóknir, Menningar-٫ nýsköpunar- og háskólaráðuneytið

Farið yfir umsóknir úr Glókolli á tveggja mánaða fresti

Fyrirkomulagi úthlutana úr Glókolli - styrkja til viðburða og verkefna á málefnasviðum háskóla-, iðnaðar- og nýsköpunarráðuneytis hefur verið breytt með nýjum reglum um úthlutun styrkja. Er þetta gert með aukna skilvirkni og betri upplýsingagjöf til umsækjenda að markmiði.

02. jún. 2023Menningar-٫ nýsköpunar- og háskólaráðuneytið, Útlendingar, Vísindi nýsköpun og rannsóknir, Háskólar, Menntamál

Alþjóðleg sérfræðiþekking á Íslandi aukin með samstarfsverkefnum háskólanna

Meðal aðgerða sem greiða aðgengi íslenskra fyrirtækja að alþjóðlegri sérfræðiþekkingu er að íslenskir háskólar verði eftirsóknarverðir fyrir námsmenn óháð þjóðerni. Fjölgun alþjóðlegra háskólanema er eitt af megináherslum í verkefninu Samstarf háskóla en ljóst er að fjölgun alþjóðlegra nemenda felur í sér bæði eflingu háskólanna sem og fjárfestingu í þekkingu fyrir íslenskt samfélag og atvinnulíf.

01. jún. 2023Atvinnuvegaráðuneytið, Vísindi nýsköpun og rannsóknir, Háskólar, Iðnaður, Netöryggi, Nýsköpun, Menntamál, Menningar-٫ nýsköpunar- og háskólaráðuneytið

Skrifstofa ráðherra óháð staðsetningu 2023

Áslaug Arna Sigurbjörnsdóttir, háskóla-, iðnaðar- og nýsköpunarráðherra staðsetur skrifstofu sína víðs vegar um landið á kjörtímabilinu. Á hverri starfsstöð eru opnir viðtalstímar þar sem öll áhugasöm eru velkomin í stutt, milliliðalaust spjall með ráðherra um málefni á borði ráðuneytisins.

01. jún. 2023Menningar-٫ nýsköpunar- og háskólaráðuneytið, Heilbrigðismál, Nýsköpun, Vísindi nýsköpun og rannsóknir

Fléttan: Nordverse Medical Solutions innleiðir öruggari meðferðir ávanabindandi lyfja

Nordverse Medical Solutions, í samstarfi við Þróunarmiðstöð íslenskrar heilsugæslu og Heilsugæslu höfuðborgarsvæðisins, hlýtur styrk úr Fléttunni til verkefnis sem snýr að innleiðingu stafræns meðferðarkerfis í heilsugæslu til að tryggja sem öruggustu meðferð ópíóíða og benzodiazepina, auka þjónustu við skjólstæðinga og samhliða því auka skilvirkni og tímasparnað fyrir heilbrigðisstarfsfólk.

01. maí 2023Atvinnuvegaráðuneytið, Vísindi nýsköpun og rannsóknir, Háskólar, Iðnaður, Netöryggi, Nýsköpun, Menntamál, Menningar-٫ nýsköpunar- og háskólaráðuneytið

Fréttaannáll háskóla-, iðnaðar- og nýsköpunarráðuneytis 2022

Árið var viðburðaríkt í starfsemi nýs ráðuneytis en hlutverk þess er að leysa úr læðingi þá krafta sem myndast við samþættingu háskóla, vísinda, rannsókna, iðnaðar, upplýsingasamfélags, hugverka, fjarskipta, netöryggis og nýsköpunar. Þar með skapast grundvöllur fyrir markvissari stefnumótun og stjórnsýslu á þessum sviðum með aukinn vöxt, verðmætasköpun og velsæld að markmiði.

27. apr. 2023Innviðaráðuneytið, Samgöngur og fjarskipti, Vísindi nýsköpun og rannsóknir, Netöryggi, Nýsköpun, Atvinnuvegir, Menningar-٫ nýsköpunar- og háskólaráðuneytið

Ráðherra kynnti íslenska nýsköpun og netöryggi fyrir Vísinda- og tækninefnd NATO

,,Ef metnaðarfull markmið um sjálfbærni og hringrásarhagkerfi eiga að nást á næstu árum er nauðsynlegt að samfélagið taki höndum saman og breyti bæði hugsunarhætti og hegðun á öllum sviðum,” sagði Áslaug Arna Sigurbjörnsdóttir er hún kynnti íslenska nýsköpun og netöryggi fyrir Vísinda- og tækninefnd NATO.

01. apr. 2023Menningar-٫ nýsköpunar- og háskólaráðuneytið, Heilbrigðismál, Nýsköpun, Vísindi nýsköpun og rannsóknir

Fléttan: Skræða ehf. innleiðir hugbúnaðarlausnir á heilsugæslum höfuðborgarsvæðisins

Skræða ehf., í samstarfi við Heilsugæslu höfuðborgarsvæðisins, hlýtur styrk að upphæð 9 m.kr. til verkefnis sem miðar að því að innleiða sértæka hugbúnaðarlausn fyrir stafræn mælitæki og matslista, til greiningar og meðferðarmats á geð-, þroska- og hegðunarröskunum. Með innleiðingu stafrænna lausna verður leitast við að auka skilvirkni og bæta þjónustu Geðheilsusviðs Heilsugæslu höfuðborgarsvæðisins (GHH) við skjólstæðinga sína, með styttingu biðlista að meginmarkmiði.

29. mar. 2023Menningar-٫ nýsköpunar- og háskólaráðuneytið, Nýsköpun, Vísindi nýsköpun og rannsóknir, Fjármála- og efnahagsráðuneytið, Opinber innkaup

Lumar þú á sparnaðarlausn sem nýtist í opinberum rekstri?

Hinn árlegi Nýsköpunardagur hins opinbera fer fram 24. maí. Þemað í ár er Nýsköpun í opinberum sparnaði en að viðburðinum stendur Ríkiskaup í samvinnu við, Fjártækniklasann og Fjársýsluna, fjármála- og efnahagsráðuneytið og háskóla-, iðnaðar- og nýsköpunarráðuneytið.

14. mar. 2023Innviðaráðuneytið, Menntamál, Vísindi nýsköpun og rannsóknir, Fjarskipti, Háskólar, Netöryggi, Nýsköpun, Atvinnuvegir, Menningar-٫ nýsköpunar- og háskólaráðuneytið

Kallað eftir samráði um eflingu þekkingarsamfélags á Íslandi

Tillaga til þingsályktunar um stefnumótandi aðgerðir til eflingar þekkingarsamfélags á Íslandi til ársins 2025 hefur verið birt í Samráðsgátt. Háskóla-, iðnaðar- og nýsköpunarráðuneytið hvetur öll áhugasöm til að láta sig málið varða.

11. mar. 2023Menningar-٫ nýsköpunar- og háskólaráðuneytið, Vísindi nýsköpun og rannsóknir, Heilbrigðismál, Nýsköpun, Líf og heilsa

Fléttan: Þrjú nýsköpunarfyrirtæki fá áframhaldandi styrk til innleiðingar nýrra heilbrigðislausna

Tólf íslenskum nýsköpunarfyrirtækjum hefur verið boðið að ganga til samninga um styrki til innleiðingar nýrrar tækni og lausna í heilbrigðiskerfinu. Þrír styrkhafar fengu einnig styrki í fyrra og fá því áframhaldandi stuðning til innleiðingar nýrra lausna.

05. mar. 2023Innviðaráðuneytið, Vísindi nýsköpun og rannsóknir, Fjarskipti, Netöryggi, Samgöngur og fjarskipti, Menningar-٫ nýsköpunar- og háskólaráðuneytið

Öryggi nettengdra hluta

Nettengdum snjalltækjum fjölgar mjög og eru þau oft berskjölduð fyrir netaðgangi annarra og tölvuárásum. Háskóla-, iðnaðar- og nýsköpunarráðherra, opnaði í dag norræna vefráðstefnu öryggi slíkra tækja en ráðstefnan var hluti af aðgerðaáætlun stjórnvalda í netöryggi sem ráðherra kynnti í nóvember síðastliðnum.

27. feb. 2023Atvinnuvegaráðuneytið, Vísindi nýsköpun og rannsóknir, Háskólar, Iðnaður, Menntamál, Menningar-٫ nýsköpunar- og háskólaráðuneytið

Öflugra nám í vísinda- og tæknigreinum með Samstarfi háskóla

12 verkefni af 25 sem nýlega hlutu styrk úr Samstarfi háskóla hafa það að markmiði að efla kennslu og nám í STEAM greinum hér á landi. Fjölgun nemenda í þessum greinum er forsenda þess að Ísland geti mætt tækifærum fjórðu iðnbyltingarinnar og eflt nýsköpun í atvinnulífi. Það er því nauðsynlegt að íslenskir háskólar leggi aukna áherslu á STEAM greinar í náinni framtíð, en árið 2020 lögðu aðeins um 19% íslenskra háskólanema stund á nám á því sviði sem er töluvert lægra hlutfall en gengur og gerist á Norðurlöndunum.

06. feb. 2023Innviðaráðuneytið, Fjarskipti, Vísindi nýsköpun og rannsóknir, Alþjóðasamningar, Evrópusamvinna, Nýsköpun, Atvinnuvegir, Menningar-٫ nýsköpunar- og háskólaráðuneytið

Ísland tekur þátt í InvestEU áætlun Evrópusambandsins

Háskóla-, iðnaðar- og nýsköpunarráðherra hefur undirritað samninga við framkvæmdastjórn Evrópusambandsins um þátttöku Íslands í InvestEU áætluninni. Áætlunin styður við fjármögnun og fjárfestingar í Evrópu á sviði nýsköpunar, sjálfbærrar uppbyggingar innviða og stafrænnar umbreytingar. Með aðild að áætluninni fæst aðgangur að betri lánskjörum og hærri lánsfjárhæðum á erlendum lánamörkuðum.

27. jan. 2023Menningar-٫ nýsköpunar- og háskólaráðuneytið, Sjálfbært Ísland, Vísindi nýsköpun og rannsóknir, Háskólar, Menntamál

Sjálfbær matvælaframleiðsla meðal áherslna í Samstarfi háskóla

Öflugt háskólanám í þágu fiskeldis og framleiðsla nýrra próteina eru meðal verkefna sem hljóta styrk úr Samstarfi háskólanna og hafa aukna sjálfbærni að markmiði. Við mat umsókna í verkefni Samstarf háskóla var sérstaklega litið til möguleika á aukinni sjálfbærni m.t.t. meginmarkmiðs um samvinnu háskóla landsins í þágu samfélagsins. Alls tilheyra 9 af þeim 25 verkefnum sem hljóta styrk þessum áhersluflokki, en flest verkefnanna styðja við tvö eða fleiri markmið.

25. jan. 2023Menningar-٫ nýsköpunar- og háskólaráðuneytið, Heilbrigðismál, Nýsköpun, Vísindi nýsköpun og rannsóknir

Fléttan: Sidekick Health innleiðir fjarvöktun og fjarstuðning við sjúklinga á hjartadeild Landspítalans

Sidekick Health, í samstarfi við göngudeildir hjartadeildar Landspítala (GH-LSH), hlýtur styrk úr Fléttunni, styrkjum til innleiðingar nýsköpunar í heilbrigðistækni- og þjónustu, til verkefnis sem snýr að því að innleiða fjarvöktun og fjarstuðning á göngudeild hjartabilaðra á LSH.

24. jan. 2023Menningar-٫ nýsköpunar- og háskólaráðuneytið, Vísindi nýsköpun og rannsóknir, Háskólar, Heilbrigðismál, Menntamál

Sex samstarfsverkefni háskólanna styðja við aukna áherslu á heilbrigðis- og menntavísindi

Fjölgun nemenda í heilbrigðisvísindum með nýjum færnibúðum, þverfaglegt meistaranám í heilbrigðislausnum og í svefni og fjölgun fagmenntaðs leikskólastarfsfólks eru meðal verkefna sem hljóta styrk úr Samstarfi háskólanna og hafa það að markmiði að efla mannauð í heilbrigðis- og menntavísindum.

17. jan. 2023Menningar-٫ nýsköpunar- og háskólaráðuneytið, Heilbrigðismál, Nýsköpun, Vísindi nýsköpun og rannsóknir

Fléttan: Dicino Medical Technologies innleiðir fjöltyngt forskráningarkerfi sjúklinga

Dicino Medical Technologies, í samstarfi við Heilsugæsluna Höfða, hlýtur styrk úr Fléttunni til verkefnis sem snýr að innleiðingu nýs forskráningarkerfis sjúklinga. Að baki fyrirtækinu stendur teymi sem hefur fjölþættan bakgrunn og reynslu af læknavísindum og viðskiptum auk vöruþróunar fyrir bæði innlendan og erlendan markað.

16. jan. 2023Menningar-٫ nýsköpunar- og háskólaráðuneytið, Heilbrigðismál, Nýsköpun, Vísindi nýsköpun og rannsóknir

Fléttan: SVAI notar gervigreind til að fækka spítalasýkingum

IGNAS (áður SVAI ehf.) í samstarfi við Landspítala Háskólasjúkrahús (LSH) og Sjúkrahúsið á Akureyri (SAk), hlýtur styrk úr Fléttunni til verkefnis sem snýr að innleiðingu lausnar til fækkunarspítalasýkinga er verða með beinu snertismiti. Lausnin felur í sér hátæknilausn með gervigreindar-hugbúnaði ásamt skýjalausn.

11. jan. 2023Menningar-٫ nýsköpunar- og háskólaráðuneytið, Vísindi nýsköpun og rannsóknir, Heilbrigðismál, Nýsköpun, Líf og heilsa

Fléttan: Landspítalinn í samstarf við fimm nýsköpunarfyrirtæki

Úthlutanir styrkja úr Fléttunni - styrkja til innleiðingar nýsköpunar í heilbrigðisþjónustu voru kynntar á dögunum. Landspítalinn er, líkt og fyrra ár, samstarfsaðili fjölmargra styrktra verkefna en í ár hefur LSH skuldbundið sig til að vinna með fimm fjölbreyttum nýsköpunarfyrirtækjum að innleiðingu nýrrar tækni eða lausna.

13. des. 2022Menningar-٫ nýsköpunar- og háskólaráðuneytið, Nýsköpun, Vísindi nýsköpun og rannsóknir

Styrkir úr Tækniþróunarsjóði gæðastimpill fyrir íslensk þróunar- og nýsköpunarfyrirtæki

Áhrifamat Tækniþróunarsjóðs fyrir árin 2014-2018 var kynnt á haustfundi sjóðsins sem fram fór í Grósku í gær. Matið leiðir m.a. í ljós að í tilvikum 91% allra styrkþega leiddi styrkur frá Tækniþróunarsjóði til nýrra frumgerða á vöru eða þjónustu. Sjóðurinn heyrir undir háskóla-, iðnaðar, og nýsköpunarráðuneyti og markmið hans mótast í samræmi við áherslur Vísinda- og tækniráðs. Umsýsla sjóðsins er í höndum Rannís.

12. des. 2022Menningar-٫ nýsköpunar- og háskólaráðuneytið, Nýsköpun, Vísindi nýsköpun og rannsóknir

Stöðug þróun í fjármögnunarumhverfi nýsköpunar

Umfangsmikil greiningarvinna á fjármögnunarumhverfi nýsköpunar á Íslandi hefur átt sér stað hjá háskóla-, iðnaðar- og nýsköpunarráðuneytinu á liðnum vikum. Virkt samtal við hagaðila á borð við nýsköpunarfyrirtæki, fjárfesta, lífeyrissjóði og aðila úr sprotaumhverfinu er lykilatriði í verkefninu og í því skyni bauð ráðuneytið 20 aðilum úr nýsköpunarumhverfinu að taka þátt í vinnustofu um fjármögnun nýsköpunar sem fram fór í liðinni viku.

10. des. 2022Menningar-٫ nýsköpunar- og háskólaráðuneytið, Atvinnuvegir, Félags- og fjölskyldumál, Menntamál, Útlendingar, Vinnumál, Vísindi nýsköpun og rannsóknir, Háskólar, Innflytjendur, Nýsköpun, Félags- og húsnæðismálaráðuneytið

Ísland býður erlenda sérfræðinga velkomna

Fjórar leiðir hafa nú verið kynntar fyrir ríkisstjórn sem ætlað er að liðka fyrir komu erlendra sérfræðinga og aðgengi að sérhæfðri þekkingu, en þær falla undir ábyrgðarsvið nokkurra ráðuneyta.