Efnisorð
Tegund

Leita eftir efnisorðum

Sýnir 251–300 af 858
Raða eftir:
04. maí 2023Menningar-٫ nýsköpunar- og háskólaráðuneytið, Háskólar, Menntamál

Úthlutunarreglur Menntasjóðs námsmanna fyrir skólaárið 2023-2024

Háskóla- iðnaðar- og nýsköpunarráðherra hefur birt nýjar úthlutunarreglur Menntasjóðs námsmanna fyrir skólaárið 2023-2024 í Stjórnartíðindum. Í nýjum reglum er mikilvægt skref stigið til að bæta fjárhagslegt öryggi og sveigjanleika fyrir foreldra í námi og hækka skólagjaldalán til læknanema erlendis. Um leið er staðið vörð um framfærslu námsmanna en meginmarkmið laga nr. 60/2020 um Menntasjóð námsmanna er að tryggja jöfn tækifæri til náms.

01. maí 2023Atvinnuvegaráðuneytið, Vísindi nýsköpun og rannsóknir, Háskólar, Iðnaður, Netöryggi, Nýsköpun, Menntamál, Menningar-٫ nýsköpunar- og háskólaráðuneytið

Fréttaannáll háskóla-, iðnaðar- og nýsköpunarráðuneytis 2022

Árið var viðburðaríkt í starfsemi nýs ráðuneytis en hlutverk þess er að leysa úr læðingi þá krafta sem myndast við samþættingu háskóla, vísinda, rannsókna, iðnaðar, upplýsingasamfélags, hugverka, fjarskipta, netöryggis og nýsköpunar. Þar með skapast grundvöllur fyrir markvissari stefnumótun og stjórnsýslu á þessum sviðum með aukinn vöxt, verðmætasköpun og velsæld að markmiði.

24. apr. 2023Menntamál, Mennta- og barnamálaráðuneytið

Stýrihópur um eflingu framhaldsskóla

Mennta- og barnamálaráðherra hefur skipað stýrihóp um eflingu framhaldsskóla. Verkefni hópsins er að móta aðgerðir til að ná markmiðum menntastefnu stjórnvalda til 2030 og stjórnarsáttmála ríkisstjórnarinnar um eflingu verk- og starfsnáms. Stefnan byggir á þeirri sýn að veitt skuli framúrskarandi menntun í umhverfi þar sem öll geta lært og öll skipta máli. Tillögur hópsins munu einnig byggja á markmiðum stjórnvalda um að auka farsæld barna og ungmenna, m.a. með samþættingu kerfa, aukinni skólaþjónustu og hagræðingu, eftirfylgni og samvinnu.

19. apr. 2023Menningar-٫ nýsköpunar- og háskólaráðuneytið, Háskólar, Menntamál, Fjármálaáætlun

Ný sókn í þágu háskóla og samfélags

Fjármálaáætlun ríkisstjórnarinnar til næstu fimm ára felur í sér 6 ma. kr. aukningu til háskólastigsins, árið 2028, samanborið við fyrri áætlanir. Áætlunin er í samræmi við áherslu ríkisstjórnarinnar að fjárfesta í vaxtartækifærum framtíðar. Strax á árinu 2024 er aukningin um 3,5 ma. kr. frá áætlun úr fjárlögum frá sl. hausti.

10. apr. 2023Menningar-٫ nýsköpunar- og háskólaráðuneytið, Háskólar, Menntamál

Lengdur umsóknarfrestur í Samstarf háskóla

Umsóknarfrestur í Samstarf háskóla hefur verið framlengdur til 31. október. Háskólar og samstarfsaðilar þeirra skila umsóknum til háskóla-, iðnaðar- og nýsköpunarráðuneytisins en áætlað er að úthluta allt að einum milljarði króna til verkefna sem snúa að auknu samstarfi háskóla á yfirstandandi ári. Opnað var fyrir umsóknir í júní sl.

16. mar. 2023Atvinnuvegaráðuneytið, Menntamál, Háskólar, Iðnaður, Atvinnuvegir, Menningar-٫ nýsköpunar- og háskólaráðuneytið

Fleiri karlkyns háskólanemar forsenda vaxtatækifæra Íslands

Í ávarpi sínu á Iðnþingi í liðinni viku fjallaði háskóla-, iðnaðar- og nýsköpunarráðherra um að á Íslandi vantar níu þúsund sérfræðinga á næstu fimm árum ef vaxtaspár hugverkaiðnaðarins eiga að ná fram að ganga. Ljóst er að hærra hlutfall háskólamenntaðra ungra karlmanna á Íslandi getur að miklu leyti komið í veg fyrir að mannauður hamli vaxtatækifærum landsins.

14. mar. 2023Innviðaráðuneytið, Menntamál, Vísindi nýsköpun og rannsóknir, Fjarskipti, Háskólar, Netöryggi, Nýsköpun, Atvinnuvegir, Menningar-٫ nýsköpunar- og háskólaráðuneytið

Kallað eftir samráði um eflingu þekkingarsamfélags á Íslandi

Tillaga til þingsályktunar um stefnumótandi aðgerðir til eflingar þekkingarsamfélags á Íslandi til ársins 2025 hefur verið birt í Samráðsgátt. Háskóla-, iðnaðar- og nýsköpunarráðuneytið hvetur öll áhugasöm til að láta sig málið varða.

13. mar. 2023Menntamál, Mennta- og barnamálaráðuneytið

Matsferill – stefna um nýtt námsmat grunnskóla til umsagnar í Samráðsgátt

Matsferill er nýtt fyrirhugað námsmat fyrir grunnskóla landsins sem kemur í stað samræmdra könnunarprófa. Matsferli er ætlað að vera öflugt verkfæri fyrir skólana til að leggja mat á kunnáttu, leikni og hæfni nemenda á fjölbreyttan og einstaklingsmiðaðan hátt. Mennta- og barnamálaráðuneytið hefur markað stefnu við gerð matferils og kallar eftir umsögnum í Samráðsgátt stjórnvalda frá kennurum, skólastjórnendum og öðrum haghöfum.

05. mar. 2023Menntamál, Norrænt samstarf, Menningar-٫ nýsköpunar- og háskólaráðuneytið, Mennta- og barnamálaráðuneytið

Tungumál sem lykill að samfélaginu og STEAM-greinar sem lykill að framþróun

Leggja þarf meiri áherslu á tungumálakennslu barna með ólíkan tungumála- og menningarbakgrunn á Norðurlöndum og efla hæfni norrænna þjóða þegar kemur að STEAM-greinum. Þetta kom fram þegar norrænir ráðherrar menntamála ræddu mikilvægi menntunar fyrir skóla án aðgreiningar og þróun í nemendasamsetningu. Fundurinn var haldinn í Reykjavík sem liður í formennsku Íslands í Norrænu ráðherranefndinni.

27. feb. 2023Atvinnuvegaráðuneytið, Vísindi nýsköpun og rannsóknir, Háskólar, Iðnaður, Menntamál, Menningar-٫ nýsköpunar- og háskólaráðuneytið

Öflugra nám í vísinda- og tæknigreinum með Samstarfi háskóla

12 verkefni af 25 sem nýlega hlutu styrk úr Samstarfi háskóla hafa það að markmiði að efla kennslu og nám í STEAM greinum hér á landi. Fjölgun nemenda í þessum greinum er forsenda þess að Ísland geti mætt tækifærum fjórðu iðnbyltingarinnar og eflt nýsköpun í atvinnulífi. Það er því nauðsynlegt að íslenskir háskólar leggi aukna áherslu á STEAM greinar í náinni framtíð, en árið 2020 lögðu aðeins um 19% íslenskra háskólanema stund á nám á því sviði sem er töluvert lægra hlutfall en gengur og gerist á Norðurlöndunum.

24. feb. 2023Mennta- og barnamálaráðuneytið, Menntastefna, Menntamál

Ný þjónustustofnun á sviði menntamála til umsagnar í Samráðsgátt

Mennta- og barnamálaráðuneytið hefur lagt frumvarp um nýja þjónustustofnun á sviði menntamála til umsagnar í Samráðsgátt. Markmiðið með þessum breytingum er að svara ákalli um aukinn stuðning við fjölbreytt verkefni skólasamfélagsins. Nýja stofnunin mun taka yfir hluta verkefna Menntamálastofnunar, sem verður lögð niður. Hún verður þjónustumiðuð stofnun sem mun m.a. sinna verkefnum á grundvelli laga um heildstæða skólaþjónustu sem eru í undirbúningi. Frestur til umsagna er til 10. mars 2023.

11. feb. 2023Menntamál, Menntastefna, Norrænt samstarf, Mennta- og barnamálaráðuneytið, Barnaréttur

Ráðstefna: Hvernig getur réttinda- og lýðræðislegt skólaumhverfi unnið gegn hatursorðræðu í skólastofunni?

Hvernig getur réttinda- og lýðræðislegt skólaumhverfi unnið gegn hatursorðræðu í skólastofunni er umfjöllunarefni ráðstefnu sem fer fram 16. nóvember kl. 9:00–15:30 í Hörpu. Mennta- og barnamálaráðuneytið stendur fyrir ráðstefnunni sem er hluti af formennsku Íslands í Norrænu ráðherranefndinni og afmæli Barnasáttmálans sem fagnar 34 ára afmæli 20. nóvember nk.

06. feb. 2023Menntamál, Menntastefna, Mennta- og barnamálaráðuneytið

Streymi af samráðsfundi um framtíðarskipan skólaþjónustu

Yfir fjögur hundruð hafa skráð sig á samráðsfund mennta- og barnamálaráðherra um framtíðarskipulag skólaþjónustu á Íslandi nk. mánudag 5. júní kl. 10:00–16:00 í Silfurbergi í Hörpu. Fundurinn markar þann síðasta í opna samráðsferlinu og er nýtt skipulag skólaþjónustu að taka á sig mynd. Honum verður verður streymt á vef Stjórnarráðsins með táknmálstúlkun.

03. feb. 2023Mennta- og barnamálaráðuneytið, Menntastefna, Menntamál

Meira og betra verknám

Auka þarf verulega námsaðstöðu til starfsnáms í framhaldsskólum og móta aðgerðaáætlun til draga úr húsnæðisnotkun í bóknámi út frá spá um þróun á fjölda nemenda í framhaldsskólum til ársins 2033. Þetta er niðurstaða greinargerðar um húsnæðisþörf í framhaldsskólum næstu tíu árin sem Ásmundur Einar Daðason, mennta- og barnamálaráðherra, kynnti í morgun. Mennta- og barnamálaráðuneytið vinnur nú að áætlun um hvernig brugðist verði við þessum breytingum á næstu árum.

31. jan. 2023Menningar-٫ nýsköpunar- og háskólaráðuneytið, Menntamál, Háskólar, Stafrænt Ísland, Fjármála- og efnahagsráðuneytið

Samningur um þróun sameiginlegrar innritunargáttar háskóla undirritaður

Samningur um þróun upplýsingakerfis fyrir umsóknir og innritun í íslenska háskóla var undirritaður af Áslaugu Örnu Sigurbjörnsdóttur, háskóla-, iðnaðar- og nýsköpunarráðherra, Bjarna Benediktssyni, fjármála- og efnahagsráðherra, og Andra Heiðari Kristinssyni, framkvæmdastjóra Stafræns Íslands í dag.

27. jan. 2023Félags- og húsnæðismálaráðuneytið, Menntamál, Mennta- og barnamálaráðuneytið

Samstarfshópur um framhaldsfræðslu hefur störf

Samstarfshópur um heildarendurskoðun framhaldsfræðslu hefur hafið störf. Formaður hans er Berglind Rós Magnúsdóttir, prófessor við menntavísindasvið Háskóla Íslands, og hittist hópurinn á fyrsta fundi í dag. Guðmundur Ingi Guðbrandsson, félags- og vinnumarkaðsráðherra, ræddi við fundargesti og óskaði þeim velfarnaðar í störfum sínum.

27. jan. 2023Menningar-٫ nýsköpunar- og háskólaráðuneytið, Sjálfbært Ísland, Vísindi nýsköpun og rannsóknir, Háskólar, Menntamál

Sjálfbær matvælaframleiðsla meðal áherslna í Samstarfi háskóla

Öflugt háskólanám í þágu fiskeldis og framleiðsla nýrra próteina eru meðal verkefna sem hljóta styrk úr Samstarfi háskólanna og hafa aukna sjálfbærni að markmiði. Við mat umsókna í verkefni Samstarf háskóla var sérstaklega litið til möguleika á aukinni sjálfbærni m.t.t. meginmarkmiðs um samvinnu háskóla landsins í þágu samfélagsins. Alls tilheyra 9 af þeim 25 verkefnum sem hljóta styrk þessum áhersluflokki, en flest verkefnanna styðja við tvö eða fleiri markmið.

24. jan. 2023Mennta- og barnamálaráðuneytið, Menntastefna, Menntamál

Vel gengur að fjölga kennurum

Í dag er alþjóðlegur dagur menntunar. Án kennara getur menntun ekki átt sér stað og varð skortur á kennurum til þess að stjórnvöld settu af stað fimm ára átaksverkefni um nýliðun kennara vorið 2019. Útskrifuðum kennurum hefur fjölgað umtalsvert frá því að átaksverkefnið hófst. Á síðasta ári útskrifuðust 454 kennarar frá þeim háskólum sem bjóða upp á kennaranám hér á landi. Það er 160% aukning miðað við meðaltal áranna 2015–2019.

24. jan. 2023Menningar-٫ nýsköpunar- og háskólaráðuneytið, Vísindi nýsköpun og rannsóknir, Háskólar, Heilbrigðismál, Menntamál

Sex samstarfsverkefni háskólanna styðja við aukna áherslu á heilbrigðis- og menntavísindi

Fjölgun nemenda í heilbrigðisvísindum með nýjum færnibúðum, þverfaglegt meistaranám í heilbrigðislausnum og í svefni og fjölgun fagmenntaðs leikskólastarfsfólks eru meðal verkefna sem hljóta styrk úr Samstarfi háskólanna og hafa það að markmiði að efla mannauð í heilbrigðis- og menntavísindum.

19. jan. 2023Menningar-٫ nýsköpunar- og háskólaráðuneytið, Háskólar, Menntamál

Háskólarnir taka höndum saman til að auka gæði náms og bæta þjónustu við námsmenn

Verkefnin 25 sem Áslaug Arna Sigurbjörnsdóttir, háskóla-, iðnaðar- og nýsköpunarráðherra, tilkynnti nýlega að hlytu styrki til aukins samstarfs háskóla koma frá öllum háskólum landsins. Styrkirnir, sem samtals nema tæplega 1,2 milljörðum króna að þessu sinni, renna þannig til margvíslegra samstarfsverkefna þar sem allir háskólarnir sjö koma að 6 til 20 verkefnum hver. Þá er hver og einn háskólanna í forsvari fyrir a.m.k. eitt samstarfsverkefni.

31. des. 2022Menningar-٫ nýsköpunar- og háskólaráðuneytið, Háskólar, Menntamál

Alþjóðlegur sérfræðingahópur skilar mati vegna umsóknar Kvikmyndaskóla Íslands um háskólaviðurkenningu

Háskóla-, iðnaðar- og nýsköpunarráðherra skipaði nýverið, að tillögu gæðaráðs íslenskra háskóla, matsnefnd erlendra sérfræðinga til að fjalla um umsókn Kvikmyndaskóla Íslands um háskólaviðurkenningu. Gert var ráð fyrir að matið færi fram í tveimur áföngum og núna liggur fyrir niðurstaða í fyrri hluta þess.

14. des. 2022Mennta- og barnamálaráðuneytið, Menntastefna, Menntamál

Réttindi og þátttaka barna í málefnum þeirra

Ásmundur Einar Daðason, mennta- og barnamálaráðherra, undirritaði nýlega samning við alþjóðlegu samtökin Child Rights Connect. Samningurinn styður við réttindamiðaða nálgun í málefnum barna á Íslandi og innleiðingu Barnasáttmála Sameinuðu þjóðanna. Hann fellur vel að stefnu Íslands um Barnvænt Ísland og samþættingu þjónustu í þágu farsældar barna.

10. des. 2022Menningar-٫ nýsköpunar- og háskólaráðuneytið, Menningarmál, Menntamál, Atvinnuvegir

Ráðherra heimsótti stofnun Vigdísar

Lilja Dögg Alfreðsdóttir, menningar- og viðskiptaráðherra, fundaði með Jóni Atla Benediktssyni rektor Háskóla Íslands, Ásdísi Rósu Magnúsdóttur, forstöðumanns stofnunar Vigdísar Finnbogadóttur í erlendum tungumálum, Ann-Sofie Nielsen Gremaud stjórnarformann Vigdísarstofnunar og fleira starfsfólki HÍ og stofnunarinnar í dag.Ráðherra fékk góða kynningu á því merka starfi sem sinnt er hjá stofnuninni, helstu verkefnum og húsnæðinu Veröld Vigdísar. Ráðherra fékk einnig kynningu á fyrirhugaðri sýningu í Loftskeytamiðstöðinni um ævi og störf frú Vigdísar Finnbogadóttur sem verður opnuð á vormánuðum.

10. des. 2022Menningar-٫ nýsköpunar- og háskólaráðuneytið, Atvinnuvegir, Félags- og fjölskyldumál, Menntamál, Útlendingar, Vinnumál, Vísindi nýsköpun og rannsóknir, Háskólar, Innflytjendur, Nýsköpun, Félags- og húsnæðismálaráðuneytið

Ísland býður erlenda sérfræðinga velkomna

Fjórar leiðir hafa nú verið kynntar fyrir ríkisstjórn sem ætlað er að liðka fyrir komu erlendra sérfræðinga og aðgengi að sérhæfðri þekkingu, en þær falla undir ábyrgðarsvið nokkurra ráðuneyta.

25. nóv. 2022Atvinnuvegaráðuneytið, Menningarmál, Menntamál, Neytendamál, Atvinnuvegir

14% fjölgun barna- og ungmennabóka milli ára

Til marks um grósku í íslenskri bókaútgáfu fjölgar barna- og ungmennabókum sem kynntar voru á árlegri barnabókamessa Félags íslenskra bókaútgefenda fyrir starfsfólk leikskóla og skólabókasafna um 14% milli ára. Viðburðinn er mikilvægur gluggi fyrir lykilfólk í læsisuppeldi yngri kynslóða en Lilja Alfreðsdóttir menningar og viðskiptaráðherra leit við á messunni í Hörpu.

24. nóv. 2022Atvinnuvegaráðuneytið, Menntamál, Neytendamál, Utanríkismál, Vísindi nýsköpun og rannsóknir, Viðskipti, Menningarmál

Fundaði með viðskiptaráðherra Suður-Kóreu

Aukin viðskipti og efnahagsleg samvinna milli Íslands og Suður Kóreu var á meðal umræðuefna Lilju Alfreðsdóttur menningar- og viðskiptaráðherra með Ahn Duk-geun viðskiptaráðherra Suður-Kóreu í Seúl. Samningar á sviði tvísköttunar og fríverslunar eru í gildi milli landanna en árið 2020 nam umfang inn- og útflutnings milli Íslands og Suður-Kóreu um 8 milljörðum króna. Suður kóresk fyrirtæki hafa fjárfest í íslenskum fyrirtækjum á umliðnum árum, má þar nefna kaup Kóreubúa á tölvuleikjafyrirtækinu CCP árið 2018 fyrir um 46 milljarða íslenskra króna.

16. nóv. 2022Atvinnuvegaráðuneytið, Félags- og fjölskyldumál, Menningarmál, Menntamál, Neytendamál, Sveitarstjórnir og byggðamál, Vísindi nýsköpun og rannsóknir, Barnaréttur, Ferðaþjónusta, Iðnaður, Jafnrétti, Mannréttindi, Sveitarfélög, Atvinnuvegir

Dúndur diskó Bragi Valdimar fékk verðlaun Jónasar

Bragi Valdimar Skúlason, tónlistarmaður og textasmiður, hlaut í dag Verðlaun Jónasar Hallgrímssonar. Verðlaunin eru veitt árlega, á degi íslenskrar tungu, þeim einstaklingi sem hefur með sérstökum hætti unnið íslenskri tungu gagn í ræðu eða riti, með skáldskap, fræðistörfum eða kennslu og stuðlað að eflingu hennar, framgangi eða miðlun til nýrrar kynslóðar. Sérstaka viðurkenningu dags íslenskrar tungu hlaut að þessu sinni verkefnið Tungumálatöfrar á Ísafirði sem býður upp á upp á málörvandi umhverfi í gegnum skapandi kennsluaðferðir fyrir fjöltyngd börn.