Vel sóttur kynningarfundur um landsáætlun um innviði

Góðar umræður skópust á opnum kynningarfundi um um landsáætlun um innviði sem haldinn var í gær. Á fundinum var landsáætlunin kynnt, en um er að ræða stefnumarkandi áætlun til tólf ára sem setur fram sýn um uppbyggingu innviða á ferðamannastöðum svo vernda megi náttúru og menningarminjar. Þá var einnig kynnt þriggja ára verkefnaáætlun.

Fundinum var jafnframt streymt beint á Facebook-síðu umhverfis og auðlindaráðuneytisins.

Samráðsferli vegna áætlananna og tengda umhverfisskýrslu stendur nú yfir á samráðsgátt Stjórnarráðsins. Frestur til að skila inn umsögnum um  verkefnaáætlun er til 26. febrúar næstkomandi en frestur til að skila inn umsögnum um landsáætlun og umhverfisskýrslu er til 19. mars.

• Glærukynning
• Drög að stefnumarkandi landsáætlun um innviði og meðfylgjandi þriggja ára verkefnaáætlun á samráðsgátt Stjórnarráðsins
• Drög að umhverfisskýrslu landsáætlunar um innviði á samráðsgátt Stjórnarráðsins