Úrskurður vegna stjórnsýslukæru: Síðbúinn skil ársreiknings

Hinn 11. febrúar 2025, var í menningar- og viðskiptaráðuneytinu

kveðinn upp svohljóðandi úrskurður:

Stjórnsýslukæra

Ráðuneytinu barst erindi [A], dags. 24. maí 2022, f.h. [B] ehf., kt. […] (hér eftir félagið), þar sem borin er fram kæra vegna ákvarðana ársreikningaskrár f.h. ríkisskattstjóra (hér eftir ársreikningaskrá) um að leggja stjórnvaldssektir á félagið þar sem ársreikningum fyrir reikningsárin 2018, 2019 og 2020 hafi ekki verið skilað.

Stjórnsýslukæran er byggð á 1. mgr. 26. gr. stjórnsýslulaga nr. 37/1993.

Forsendur og niðurstaða

Félagið var afskráð 17. október 2024. Félagið hefur því ekki lögvarða hagsmuni af niðurstöðu ráðuneytisins. Með vísan til þess sem að framan greinir er það niðurstaða ráðuneytisins í málinu að vísa frá kæru á ákvörðun ársreikningaskrá.

Beðist er velvirðingar á þeim töfum sem hafa orðið á uppkvaðningu þessa úrskurðar en þær má rekja til mikilla anna ráðuneytinu. Þá er vakin athygli á að úrskurðurinn verður einungis sendur með rafrænum hætti, nema annars sé óskað.

Úrskurðarorð

Kæru á ákvörðunum ársreikningaskrár ríkisskattstjóra um að leggja á sekt vegna síðbúinna skila ársreikninga einkahlutafélagsins [B]ehf. vegna reikningsárana 2018, 2019 og 2020 er vísað frá_._