Stjórnarskrárnefnd 2013-2017
Stjórnarskrárnefnd var skipuð af forsætisráðherra 6. nóvember 2013, í samræmi við samkomulag allra þingflokka. Í nefndinni sátu fulltrúar tilnefndir af þeim stjórnmálaflokkum sem sæti áttu á Alþingi, nánar tiltekið fjórir fulltrúar tilnefndir af ríkisstjórnarflokkum og fjórir af stjórnarandstöðu. Formaður var skipaður án tilnefningar.
Stjórnarskrárnefndina skipuðu:
- Páll Þórhallsson, skrifstofustjóri í forsætisráðuneytinu, formaður
- Aðalheiður Ámundadóttir, lögfræðingur, tilnefnd af Pírötum
- Birgir Ármannsson, alþingismaður, tilnefndur af Sjálfstæðisflokki
- Einar Hugi Bjarnason, hæstaréttarlögmaður, tilnefndur af Framsóknarflokki
- Jón Kristjánsson, fyrrverandi ráðherra, tilnefndur af Framsóknarflokki
- Katrín Jakobsdóttir, alþingismaður, tilnefnd af Vinstrihreyfingunni - grænu framboði
- Valgerður Bjarnadóttir, alþingismaður, tilnefnd af Samfylkingu
- Róbert Marshall, alþingismaður, tilnefndur af Bjartri framtíð
- Valgerður Gunnarsdóttir, alþingismaður, tilnefnd af Sjálfstæðisflokki
Í nefndinni sátu einnig:
- Skúli Magnússon, héraðsdómari, tilnefndur af Framsóknarflokki, 6.11.2013 - 9.10.2014
- Sigurður Líndal, prófessor emeritus, formaður 6.11.2013 - 26.9.2014
- Freyja Haraldsdóttir, tilnefnd af Bjartri framtíð, 6.11.2013 - 24.3.2014
- Páll Valur Björnsson, alþingismaður, tilnefndur af Bjartri framtíð, 25.3.2015 - 4.11.2014
- Valgerður Björk Pálsdóttir, framkvæmdastjóri, tilnefnd af Bjartri framtíð, 22.12.2015 - 9.6.2016
Nefndin átti að hafa hliðsjón af vinnu undanfarinna ára, m.a. tillögum stjórnlagaráðs og stjórnlaganefndar, niðurstöðum ráðgefandi þjóðaratkvæðagreiðslu og starfi þeirrar stjórnarskrárnefndar sem starfaði 2005-2007. Þá var ætlunin að nýlegar stjórnarskrárbreytingar í nágrannalöndum verði einnig hafðar til hliðsjónar, sem og önnur þróun í stjórnarskrármálum á alþjóðavettvangi. Gera átti stjórnskipunar- og eftirlitsnefnd Alþingis grein fyrir framvindu nefndarstarfsins. Stefnt var að því að vinnu nefndarinnar lyki tímanlega svo að hægt yrði að samþykkja frumvarp til breytinga á stjórnarskránni á yfirstandandi kjörtímabili en unnt yrði að áfangaskipta vinnunni eftir því sem henta þætti.
Stjórnarskrárvinnu 2013-2017 lauk með frumvarpi sem forsætisráðherra lagði fram á Alþingi. Frumvarp til stjórnarskipunarlaga um breytingu á stjórnarskrá lýðveldisins Íslands, nr. 33/1944
Stjórnarskrárnefnd 2013-2017
Sjá einnig:
Tillögur stjórnarskrárnefndar 2016
Tillögur - viðbótarefni
Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.