Tengiliður    Hólmfríður Sveinsdóttir, sérfræðingur í innviðaráðuneytinu
                     [email protected]

Fréttir

27.01.22 Árin 2020 og 2021 veitti mennta- og menningarmálaráðherra 11 staðbundnum fjölmiðlum styrki að upphæð samtals 15 m.kr. eftir umsóknaferli. 5 m.kr. hvort ár komu af byggðalið og MRN bætti við 5 m.kr. árið 2021. Lög nr. 58/2021 um breytingar á fjölmiðlalögum kveða m.a. á um staðbundna fjölmiðla. Styrkveitingar árið 2021 voru samkvæmt reglum nr. 1050/2021 um styrkveitingar til staðbundinna fjölmiðla.

18.12.20 Í september 2020 veitti mennta- og menningarmálaráðherra 11 staðbundnum fjölmiðlum styrk, samtals 5 m.kr. Fyrir Alþingi liggur stjórnarfrumvarp þar sem m.a. er kveðið á staðbundna fjölmiðla.

9.10.20 Yfirlit styrkja til staðbundinna fjölmiðla

29.11.19 Tengist frumvarpi um stuðning við einkarekna fjölmiðla, þar sem m.a. verða skilgreind skilyrði fyrir styrkveitingum.

Verkefnið

Verkefnismarkmið: Að efla staðbundna fjölmiðla. 

Við athugun á möguleikum á að styrkja fjölmiðlun taki stjórnvöld til sérstakrar athugunar stöðu svæðisbundinna fjölmiðla utan höfuðborgarsvæðisins enda gegni þeir stóru hlutverki við að tryggja aðgengi almennings að upplýsingum um menningar- og samfélagsmál og styðji með þeim hætti við lýðræðisþátttöku og menningarstarf. 

• Ábyrgð: Menningar- og viðskiptaráðuneyti. 
• Framkvæmdaraðili: Menningar- og viðskiptaráðuneyti. 
• Dæmi um samstarfsaðila: Fjölmiðlanefnd og Byggðastofnun. 
• Tímabil: 2018–2024. 
• Tillaga að fjármögnun: 25 millj. kr. úr byggðaáætlun.