Efnislegur réttur
21. Þyngri refsingar fyrir vændiskaup og nafngreining gerenda
Lýsing aðgerðar: Unnið verður að breytingum á 1. og 2. mgr. 206. gr. almennra hegningarlaga, þannig að lágmarksrefsing fyrir vændiskaup verði fangelsi en ekki sekt. Einnig verður skoðað hvort rétt sé að gera breytingar á lögum um meðferð sakamála nr. 88/2008 til að koma í veg fyrir að vændiskaupendur njóti nafnleyndar þegar mál fara fyrir dómstóla og gæta betur að réttindum seljenda vændis.
Markmið aðgerðar: Að auka fælingarmátt vændiskaupabrota og þar með draga úr eftirspurn eftir vændi og mansali í kynferðislegum tilgangi.
Ábyrgð: Dómsmálaráðuneyti.
Samstarfsaðilar: Ríkislögreglustjóri.
Tímaáætlun: 2026.
Tilefni: Sambærileg breyting á sænskum hegningarlögum frá árinu 2022.
Staða aðgerðar:
Á byrjunarstigi