Stafrænt kynferðislegt og kynbundið ofbeldi og áreitni

Þróaðar verði samræmdar leiðbeiningar og fræðsluefni fyrir foreldra og forsjáraðila barna og ungmenna um stafrænt ofbeldi gegn börnum ungmennum. Í leiðbeiningunum verði m.a. fjallað um áhrif kláms, stafrænt kynferðisofbeldi og notkun gervigreindar. Áhersla verði lögð á að styðja foreldra í samtali við börn um stafrænt efni, samþykki, mörk, kynheilbrigði og öryggi í stafrænu umhverfi. Við þróun og miðlun verði byggt á fyrirliggjandi fræðsluefni og verkfærum, þar á meðal verkfærakistu foreldra hjá Netvís ásamt efni frá öðrum stofnunum og viðeigandi félagasamtökum, og efnið uppfært og útvíkkað í samræmi við áherslu aðgerðarinnar.

Markmið: Tryggja að foreldrar og forsjáraðilar barna og ungmenna hafi aðgang að áreiðanlegu og samræmdu fræðsluefni til að styðja börn sín gegn stafrænu ofbeldi og skaðlegri stafrænni útsetningu. 

Mælikvarði: Samræmdar leiðbeiningar og fræðsluefni liggi fyrir eigi síðar en árið 2028.

Kostnaðaráætlun: 4 millj. kr. á ársgrundvelli.

Ábyrgðaraðili: Mennta- og barnamálaráðuneyti.

Tímarammi: 2027–2028.