3. Efling forvarnateyma grunnskóla
Forvarnateymi grunnskóla verði efld og hlutverk þeirra endurskoðað og skýrt í nánu samstarfi við Samband íslenskra sveitarfélaga. Tryggt verði að teymin fái skýrt umboð og ábyrgðarsvið. Setu í forvarnateymum fylgi skilgreindur tími, teymisvinna byggi á stöðugleika með skýru verklagi, og fulltrúum í teymunum standi til boða reglubundin þjálfun og endurmenntun í samstarfi við skólaskrifstofur og Samband íslenskra sveitarfélaga.
Markmið: Efla og skýra hlutverk forvarnateyma til að tryggja samræmd og markviss viðbrögð.
Mælikvarði: Að minnsta kosti 90% grunnskóla hafi á að skipa virku forvarnateymi með skýrt skilgreint hlutverk og ábyrgðarsvið. Endurmenntun fari fram reglulega fyrir hvert teymi á tímabilinu 2026–2030.
Kostnaðaráætlun: Innan fjárheimilda.
Ábyrgðaraðili: Mennta- og barnamálaráðuneyti í samstarfi við Samband íslenskra sveitarfélaga.
Tímarammi: 2026–2030.