15. Hlutverk samfélagslögreglu

Hlutverk samfélagslögreglu í ofbeldisforvörnum barna og ungmenna er mikilvægt og halda þarf áfram að auka sýnileika hennar, aðgengi og skýrar boðleiðir gagnvart skólum, börnum og foreldrum þeirra. Áhersla verði lögð á snemmtæka íhlutun, tengslamyndun og samræmd, barnvæn viðbrögð sem séu til þess fallin að draga úr líkum á stigmögnun þegar áhyggjur af ofbeldi eða áhættuhegðun koma upp, þar á meðal í stafrænu umhverfi. Aðgerðin byggir á því að samfélagslögregla sé traustur tengiliður og viðbragðsaðili.

Markmið: Stuðla að skýrum boðleiðum og styðja við heildstæða nálgun í ofbeldisforvörnum með þátttöku lögreglu. 

Mælikvarði: Skilgreint hlutverk samfélagslögreglu í ofbeldisforvörnum barna og ungmenna liggi fyrir á landsvísu og skýrar boðleiðir milli skóla og samfélagslögreglu hafi verið innleiddar eigi síðar en árið 2028.

Kostnaðaráætlun: Innan fjárheimilda.

Ábyrgðaraðili: Dómsmálaráðuneyti.

Tímarammi: 2027–2028