Æskulýðsmál

Samkvæmtlögum er stjórnvöldum ætlað, í samstarfi við félög og félagasamtök á sviði æskulýðsmála, að stuðla að því að ungt fólk eigi þess kost að starfa að æskulýðsmálum við sem fjölbreyttust skilyrði. Með því  er átt við skipulagða félags- og tómstundastarfsemi þar sem börn og ungmenni starfa saman í frístundum sínum að hugsjónum, markmiðum og áhugamálum sem þau sjálf meta að verðleikum. Þjálfun í lýðræðislegri þátttöku er mikilvægur þáttur í öllu æskulýðsstarfi.

Evrópskt og norrænt samstarf

Erasmus+

Ísland hefur tekið þátt í ungmennaáætlun Evrópusambandsins frá árinu 1994 og hefur áætlunin styrkt fjölmörg verkefni og veitt ungu fólki tækifæri til þess að kynnast æskulýðsstarfi í Evrópu. Árið 2014 voru áætlanir sviði menntunar og æskulýðsmála sameinaðar undir heitinu Erasmus+ sem er stærsta menntaáætlun í heiminum. Evrópa unga fólksins er landsskrifstofa fyrir æskulýðshluta áætlunarinnar.

Evrópuráðið

Ráðuneytið sinnir nefndarstörfum í stýrinefnd Evrópuráðsins um ungt fólk, CDEJ. Nefndin hefur umsjón með áætlun Evrópuráðsins um ungt fólk og er ráðherranefnd til ráðgjafar um málefni ungs fólks. Stýrinefndin starfar einnig náið með ráðgjafaráði um ungt fólk en þar situr ungt fólk frá frjálsum félagasamtökum. Evrópuráðið hefur staðið fyrir margvíslegum verkefnum í aðildarríkjunum. Eitt þeirra verkefna er „Ekkert hatur“ en ráðuneytið skipaði landsnefnd um verkefnið sem margir aðilar hafa tekið upp.

Norræna ráðherranefndin

Norræna barna- og ungmennanefndin, NORDBUK, veitir ráðgjöf og samhæfir allt starf Norrænu ráðherranefndarinnar að málefnum barna og ungmenna. Nefndin vinnur að margvíslegum verkefnum sem eru til þess fallin að efla ungt fólk og norrænt samstarf. NORDBUK veitir styrki til verkefna og æskulýðssamtaka og er umsýsla styrkjaáætlunarinnar hjá Norrænu menningargáttinni. 

Æskulýðsrannsóknir

Frá árinu 1992 hefur ráðuneytið stuðlað að reglubundnum rannsóknum á stöðu og líðan æskunnar í landinu undir heitinu Ungt fólk. Rannsóknirnar gefa færi á að fylgjast með menntun, menningu, tómstundum, íþróttaiðkun, líðan, áhugasviðum og framtíðarsýn barna og ungmenna. Þær eru gagnlegar fyrir stjórnvöld og þá aðila er vinna með börnum og ungmennum, þ.e.  æskulýðssamtök, íþróttasamtök og fleiri auk þess að hafa reynst sveitarfélögum notadrjúgar við stefnumótun í málaflokknum.

Æskulýðsráð 

Hlutverk æskulýðsráðs er samkvæmt æskulýðslögum að vera stjórnvöldum til ráðgjafar í æskulýðsmálum, gera tillögur um áherslur og stefnumótun í málaflokknum, veita umsagnir um mál er varða æskulýðsstarfsemi, leitast við að efla æskulýðsstarfsemi félaga, félagasamtaka, skóla og sveitarfélaga og stuðla að samvinnu þessara aðila um æskulýðsmál, efna til funda og ráðstefna um æskulýðsmál, taka þátt í erlendu samstarfi um æskulýðsmál eftir nánari ákvörðun ráðherra, stuðla að þjálfun og menntun forystufólks, leiðbeinenda og sjálfboðaliða og sinna öðrum þeim verkefnum sem ráðherra kann að fela því. Árleg fjárveiting á fjárlögum til æskulýðsmála rennur  aðallega til að styðja starfsemi ýmissa æskulýðssamtaka.

Æskulýðssjóður

Hlutverk sjóðsins er að styrkja verkefni á vegum æskulýðsfélaga og æskulýðssamtaka. Einkum er horft til verkefna sem eru unnin fyrir börn og ungmenn og/eða með virkri þátttöku þeirra, þjálfun forystufólks, leiðbeinenda og sjálfboðaliða, nýjungar og þróunarverkefni og samstarfsverkefni æskulýðsfélaga og æskulýðssamtaka. Umsýsla sjóðsins er hjá Rannís.

Sjá einnig:

Áhugavert

 

ATHUGA vantar krækjur

  • Kompás - handbók í mannréttindafræðslu
  • Tenglasafn
  • Útgefið efni
  • Alþjóðlegt samstarf
Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn