Niðurgreiðslur húshitunar
Um 90% landsmanna hafa aðgang að jarðhita til að kynda hús sín. Íbúar þeirra svæða sem ekki hafa aðgang að jarðhita og kynda hús sín með raforku eða olíu njóta niðurgreiðslna á húshitun þar sem hún er mun dýrari en húshitun með jarðhita.
Árið 2002 voru samþykkt sérstök lög um niðurgreiðslur húshitunarkostnaðar. Atvinnu- og nýsköpunarráðuneytið fer með yfirumsjón með þeim lögum en almenn umsýsla með niðurgreiðslum til húshitunar er í höndum Orkustofnunar sem veitir frekari upplýsingar.
Á sérstökum fjárlagalið er tilgreind á hverju ári sú fjárhæð sem varið er til niðurgreiðslu húshitunarkostnaðar (sbr. fjárlagaliður 04-583 Niðurgreiðslur á húshitun).
Sjá einnig:
Lög og reglugerðir
Gagnlegar upplýsingar
Styrkir til hitaveitna
Heimilt er að veita styrki til nýrra hitaveitna sem lagðar eru á svæðum þar sem áður hefur verið kynt með rafmagni. Styrkirnir geta numið allt að átta ára áætluðum niðurgreiðslum á rafmagni eða olíu til húshitunar á orkuveitusvæði viðkomandi hitaveitu miðað við meðalnotkun til húshitunar næstu fimm ár á undan.
Jarðhitaleit
Undanfarin ár hefur iðnaðarráðherra staðið fyrir sérstöku átaki til jarðhitaleitar á svokölluðum köldum svæðum, þ.e. svæðum þar sem jarðhiti er lítt eða ekki þekktur á yfirborði.
Orkustofnun hefur farið með umsjón verkefnisins.
Orkumál
Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.