Auglýsing um breytingu á áfrýjunarfjárhæð

Dómsmálaráðuneytið vekur athygli á að samkvæmt breytingu á lögum um meðferð einkamála sem gerð var með lögum 49/2016 verður skilyrði áfrýjunar til Landsréttar, þegar um fjárkröfu er að ræða, að fjárhæð kröfu nemi a.m.k. 1.000.000 króna.

Þessari fjárhæð skal breyta um hver áramót miðað við breytingu á vísitölu neysluverðs frá 1. janúar 2018, en ráðherra auglýsir í Lögbirtingablaði nýja fjárhæð ekki síðar en 10. desember ár hvert. Ráðherra hefur birt meðfylgjandi auglýsingu í Lögbirtingablaðinu um áfrýjunarfjárhæð fyrir árið 2018.

AUGLÝSING
um breytingu á áfrýjunarfjárhæð

Áfrýjunarfjárhæð samkvæmt 1. mgr. 152. gr. laga um meðferð einkamála nr. 91/1991, sbr. 17. gr. laga nr. 49/2016 er kr. 1.000.000.

Áfrýjunarfjárhæð þessi tekur gildi 1. janúar 2018 og gildir fyrir árið 2018.

Dómsmálaráðuneytinu, 4. desember 2017.