Skimanir á legháls- og brjóstakrabbameini nái til transfólks

Gerðar verði breytingar á vinnuferli stofnana sem miða við kynskráningu við boðun í skimun vegna hættu á legháls- og brjóstakrabbameini í því skyni að ná til transfólks.

Markmið aðgerðarinnar er að bæta heilsu transfólks og tryggja að það fái boð í viðeigandi krabbameinsskimanir óháð kynskráningu.

Tímaáætlun: 2026–2027.

Ábyrgð: Heilbrigðisráðuneytið.

Framkvæmdaraðili: Landspítali í samvinnu við viðeigandi hagaðila og sérfræðinga.

Kostnaðaráætlun: Rúmist innan fjárheimilda.

Staða aðgerðar:

Hafist hefur verið handa við undirbúning aðgerðarinnar.