Betri stuðningur við hinsegin þolendur heimilisofbeldis
Lögð verði áhersla á fræðslu til starfsfólks lögreglu þannig að það verði betur í stakk búið til að styðja hinsegin þolendur heimilisofbeldis og vinna að forvörnum gagnvart heimilisofbeldi. Vinnulýsingar verði yfirfarnar, boðið upp á fræðslu til lögreglu og haldin ráðstefna um málefnið. Jafnframt verði boðið upp á fræðslu til hinsegin
samfélagsins um verklag lögreglu í heimilisofbeldismálum. Sérstakur tengiliður lögreglu við hinsegin samfélagið verði skipaður við upphaf aðgerðaáætlunarinnar.
Markmið aðgerðarinnar verði að byggja upp traust í samskiptum lögreglu við hinsegin samfélagið til að hinsegin fólk hiki ekki við að leita til lögreglu eftir aðstoð vegna heimilisofbeldis og því sé ætíð mætt af virðingu.
Tímaáætlun: 2026–2029.
Ábyrgð: Dómsmálaráðuneytið.
Framkvæmdaraðili: Embætti lögreglunnar á höfuðborgarsvæðinu í samstarfi við viðeigandi aðila.
Kostnaðaráætlun: Áætlað er að ófjármagnaður kostnaður við þróun fræðslu og ráðstefnu nemi um 4 millj. kr. Aðrir þættir verkefnisins rúmist innan fjárheimilda.
Staða aðgerðar:
Lögreglan á höfuðborgarsvæðinu hefur miðlað fræðslumyndböndum um hinsegin fólki, hinsegin heimilisofbeldi, brot gegn hinsegin fólki, samskipti og vinnustaðamenningu til lögreglufólks. Samráð verður haft við Samtökin 78 um frrekari vinnu við aðgerðina.