Lýsing á aðgerð

Gerð verði rannsókn á heimilisofbeldi í hinsegin samböndum og fjölskyldum.

Markmið aðgerðarinnar verði að skapa þekkingu á heimilisofbeldi meðal hinsegin fólks á Íslandi og vinna gegn því.

    Tímaáætlun: 2023–2024.

    Ábyrgð: Félags- og vinnumarkaðsráðuneyti.

    Kostnaðaráætlun: Rúmist innan fjárheimilda.

Heimsmarkmið Sameinuðu þjóðanna: Markmið 10.2, 10.3, 16.1, 16.3, 16.7 og 16.10.

Staða verkefnis: Skýrsla Félagsvísindastofnunar fyrir félags- og húsnæðismálaráðuneytið um rannsókn á ofbeldi í nánum samböndum og fjölskyldum hinsegin fólks á Íslandi var kynnt í desember árið 2024. Rannsóknin fólst í því að kortleggja tíðni og birtingarmyndir ofbeldis í nánum samböndum og á heimilum hinsegin fólks. Aflað var gagna með spurningakönnun til félagsfólks í Samtökunum ´78, spurningakönnun sem lögð var fyrir umræðuhóp á Hinsegin spjallinu, og unnið var upp úr einstaklingsviðtölum við hinsegin fólk. Þá voru greind svör framhaldsskólanema í Íslensku æskulýðsrannsókninni. Fram að meirihluti þátttakenda hafði upplifað eitthvert form af andlegu ofbeldi í fyrrverandi sambandi. Nokkuð hátt hlutfall hafði einnig upplifað slíka hegðun af hendi foreldra en lægra hlutfall upplifði andlega ofbeldishegðun af hendi núverandi maka eða annars fjölskyldumeðlims. Sjá frétt á https://www.stjornarradid.is/efst-a-baugi/frettir/stok-frett/2024/12/12/Rannsokn-a-ofbeldi-i-nanum-sambondum-og-fjolskyldum-hinsegin-folks-a-Islandi/

Ábyrgð

Félags- og húsnæðismálaráðuneytið

Lokið