Hoppa yfir valmynd

Umsóknarferlið

Sótt er um styrkina í gegn um styrkja- og útboðsgátt ESB. Allir lögaðilar, sem staðsettir eru innan EES geta sótt um styrki, bæði einkaaðilar og opinberir aðilar. Við mat umsókna er m.a. lögð áhersla á að verkefni séu unnin í samstarfi ólíkra aðila, bæði innanlands og í Evrópu. Bent er á að í ofangreindri umsóknargátt er mögulegt að finna samstarfsaðila fyrir verkefni sem áhugi er á að sækja um styrki vegna. Þá er mikilvægt að hafa í huga að um er að ræða samkeppnissjóð sem leggur áherslu á vandaðar umsóknir sem uppfylla öll skilyrði LIFE-áætlunarinnar.

Áhugasömum er bent á að ítarlegt kynningarefni um LIFE-áætlunina er væntanlegt á vefinn í  júlí næstkomandi. Þá er hægt að skoða ítarlega kynningu á styrkja- og útboðsgáttinni sem fram fór 27. maí og er ætluð þeim sem ekki hafa nýtt sér hana áður.

Gert er ráð fyrir því að Evrópusambandið auglýsi styrkina í júlí. Þar sem unnið er að upptöku nýrrar LIFE-áætlunar fyrir árin 2021-2027 liggja nánari upplýsingar ekki fyrir að svo stöddu en hægt er að hafa eldri útgáfu af spurt og svarað til hliðsjónar við upplýsingaöflun. 

Áætlað er að rekstrarstyrkir fyrir félagasamtök verði auglýstir um miðjan júlí og að umsóknarfrestur verði til miðbiks september. Árið 2019 var kallað eftir tveggja ára starfsáætlun samtaka, sundurliðaðri eftir árum og síðar óskað eftir nánari upplýsingum. Beðið er eftir nánari útlistun ESB á fyrirkomulagi vegna umsókna um rekstrarstyrki en upplýsingar um það munu liggja fyrir þegar styrkirnir verða auglýstir. 

Þegar verkefnastyrkir eru auglýstir er í fyrstu kallað eftir lýsingu á verkefnum (concept note) á ensku og skal hún ekki vera meira en 10 blaðsíður að lengd. Að lokinni yfirferð þessara lýsinga fer fram forval matsnefndar á því hvaða umsækjendum er boðið að senda inn fulla umsókn. Þær umsóknir verða svo rýndar ítarlega áður en ákvörðun um styrkveitingu er tekin. Gert er ráð fyrir að hægt verði að sækja um styrki vegna verkefna fram til haustsins og verða þeir auglýstir lausir til umsóknar fyrri hluta sumars.

Umsækjendum er bent á að kynna sér fyrri auglýsingar, sérstaklega hvað varðar styrkhæfi umsækjenda.

 

Sjá einnig:

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira