Hoppa yfir valmynd

Loftslagsmál

Baráttan við loftslagsbreytingar af mannavöldum er meðal þeirra viðfangsefna sem ber hvað hæst í umhverfismálum.

Helstu orsaka loftslagsbreytinga er að leita í aukningu svokallaðra gróðurhúsalofttegunda í lofthjúpi jarðar. Styrkur koltvíoxíðs (CO2) hefur aukist um þriðjung frá því við upphaf iðnbyltingar, en koltvíoxíð er sú gróðurhúsalofttegund sem mest er af. Aukning koltvíoxíðs stafar af bruna jarðefnaeldsneytis (þ.m.t. kola, jarðgass og olíu) sem er mest notaði orkugjafi mannkyns. Meðan losun gróðurhúsalofttegunda er ekki takmörkuð með einhverjum hætti mun magn þeirra í lofthjúpnum halda áfram að aukast. Helstu áhrif loftslagsbreytinga eru m.a. breytingar á hitastigs jarðar, öfgar í veðurfari, bráðnun jökla, þurrkar og hækkun sjávarborðs. Jafnframt verða breytingar í höfum þar sem hafstraumar breytast og jafnframt sýrustig og selta sem hafa mikil áhrif á búsvæði þeirra lífvera sem lifa í sjónum.

Loftslagssamningur Sameinuðu þjóðanna

Alþjóðlega samvinnu um loftslagsmál grundvallast á Loftslagssamnings Sameinuðu þjóðanna (United Nations Framework Convention on Climate Change, UNFCCC). Samstarfið felst m.a. í að því að samhæfa aðgerðir til að draga úr loftslagsbreytingum og undirbúa óhjákvæmilega aðlögun að breytingum.

Samningurinn var samþykktur árið 1992 og tók gildi tveimur árum síðar. Markmið samningsins er „að koma í veg fyrir hættulega röskun á loftslagskerfinu af mannavöldum, og tryggja þannig að matvælaframleiðslu í heiminum verði ekki stefnt í hættu og að efnahagsþróun geti haldið áfram á sjálfbæran máta. Jafnframt er það markmið samningsins að stuðla að alþjóðlegri samvinnu um að auðvelda félagslega og efnahagslega aðlögun að loftslagsbreytingum.“ Aðildarríki samningsins eru 197 talsins. Ísland er aðili að samningnum og hefur umhverfis- og auðlindaráðuneytið umsjón með framkvæmd hans, sem og þeim tveimur bókunum sem gerðar hafa verið við samninginn, þ.e. Kýótó-bókuninni og Parísarsamningnum.

Umhverfisstofnun hefur stóru hlutverki að gegna varðandi söfnun og skráningu upplýsinga um losun gróðurhúsalofttegunda hér á landi. Sjá nánar á heimasíðu Umhverfisstofnunar. 

Vísindastarf um loftslagsbreytingar

Vísindamenn á Veðurstofunni leiða starf Vísindanefndar á Íslandi um loftslagsbreytingar og hafa einnig tekið þátt í starfi Vísindanefndar Sameinuðu þjóðanna (IPCC). Sjá nánar á heimasíðu Veðurstofunnar.

Umhverfis- og auðlindaráðuneytið hefur einnig umsjón með gerð og framfylgd aðgerðaáætlunar stjórnvalda í loftslagsmálum og annarra áætlana, s.s. sóknaráætlun í loftslagsmálum. Nokkrar stofnanir hafa beina aðkomu að aðgerðum stjórnvalda til að vinna gegn loftslagsbreytingum og aðlögun að þeim. Má þar nefna Umhverfisstofnun, Veðurstofu Íslands, Skógræktina og Landgræðslu ríkisins.

Aðgerðaáætlun í loftslagsmálum

Aðgerðaáætlun í loftslagsmálum 2018 - 2030, 1. útgáfa, var kynnt á blaðamannafundi sjö ráðherra þann 10. september 2018. Nánari upplýsingar eru á www.co2.is.

Fréttamynd fyrir Aukið vægi umhverfismála í huga almennings

Aukið vægi umhverfismála í huga almennings

Umhverfis- og auðlindaráðuneytið / 18. 01. 2019

Um 83% landsmanna hafa áhyggjur af hlýnun jarðar og um 60% hugsa mikið um hvað þau geta gert til að draga úr áhrifum sínum á loftslagið, samkvæmt nýrri könnun...

Fréttamynd fyrir Tvö græn skref stigin í rekstri velferðarráðuneytisins

Tvö græn skref stigin í rekstri velferðarráðuneytisins

Félagsmálaráðuneytið / 17. 12. 2018

Velferðarráðuneytið hlaut í dag viðurkenningu fyrir skref 1 og skref 2 samkvæmt áætlun verkefnisins Græn skref í ríkisrekstri. Grænu skrefin tengjast vinnu við...

Sjá einnig:

Hafa samband

Ábending / fyrirspurn


Þessi síða notar vafrakökur Lesa meira