Hoppa yfir valmynd

Merkingar matvæla

Ítarlegar reglur er að finna í ákvæðum laga um matvæli varðandi merkingar á matvælum. Þá gilda um merkingar matvæla reglugerð um miðlun upplýsinga um matvæli til neytenda, en reglugerðin innleiðir reglugerð Evrópusambandsins um sama efni. Markmið reglugerðarinnar er að tryggja öflugag neytendavernd í tengslum við matvælaupplýsingar. Reglugerðin gerir kröfu um skýrar, ítarlegar og nákvæmar upplýsingar um innihald matvæla. Reglugerðin gildir á öllum stigum matvælaferlisins þegar starfsemi varðar miðlun matvælaupplýsinga til neytenda. Hún gildir um öll matvæli sem ætluð eru neytendum, þ.m.t. matvæli sem stóreldhús afgreiða og matvæli sem ætluð eru fyrir stóreldhús.

Samkvæmt lögum um matvæli er með merkingu matvæla leitast við að vernda hagsmuni neytenda og gefa neytendum kost á upplýstu vali með tilliti til matvælanna sem þeir neyta. Þannig skal fyrirbyggja framleiðslu og markaðssetningu svikinna matvæla, sviksamlegra eða villandi starfsvenja og aðrar starfsvenjur sem gætu villt fyrir neytendum. Óheimilt er að villa um fyrir neytendum með merkingu, auglýsingu og framsetningu matvæla, þ.m.t. lögun þeirra, útliti eða umbúðum og umbúðaefni, hvernig þeim er fyrir komið og í hvaða umhverfi þau eru sýnd, sem og upplýsingum sem eru veittar um þau.

Eftirlit með merkingum matvæla er í höndum Matvælastofnunar og heilbrigðisnefnda sveitarfélaga. 

Sjá einnig:

Var efnið hjálplegt?
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum