Þjóðlendur
Þjóðlendur eru landsvæði þar sem íslenska ríkið er eigandi lands og hvers konar landsréttinda og hlunninda sem ekki eru háð einkaeignarrétti. Um þjóðlendur gilda lög um þjóðlendur og ákvörðun marka eignarlanda, þjóðlendna og afrétta nr. 58/1998.
Forsætisráðherra fer með málefni þjóðlendna. Ráðherra til aðstoðar við stjórn og ráðstöfun réttinda innan þjóðlendna er samstarfsnefnd um málefni þjóðlendna.
Enginn má hafa afnot þjóðlendu fyrir sjálfan sig, þar með talið að reisa þar mannvirki, gera jarðrask, nýta hlunnindi, vatns- og jarðhitaréttindi án leyfis. Til að nýta land og landsréttindi innan þjóðlendu þarf leyfi hlutaðeigandi sveitarstjórnar sem og forsætisráðuneytisins sé nýting heimiluð til lengri tíma en eins árs. Ef um er að ræða nýtingu vatns- og jarðhitaréttindi, námur og önnur jarðefni innan þjóðlendu þarf leyfi forsætisráðherra nema mælt sé fyrir um annað í lögum.
Almennar fyrirspurnir og erindi um nýtingu í þjóðlendum skal senda á [email protected].
Sjá einnig:
Lög
Nefndir
Fréttir
Skýrslur forsætisráðherra
Forsætisráðherra flytur Alþingi árlega skýrslu um ráðstöfun lands og landsréttinda innan þjóðlendna og tekjur af því í samræmi við lög um þjóðlendur.
Kynningar
Forsætisráðuneytið hefur staðið að kynningarfundum fyrir sveitarstjórnir um málefni þjóðlendna.
Þjóðlendur
Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.