Hoppa yfir valmynd

Alþjóðasamningar

Utanríkisráðuneytið fer með mál er varða samninga við önnur ríki og gerð þeirra og framkvæmd tiltekinna samninga, sbr. m.a. lög nr. 90/1994, 57/2000, 93/2008 og 58/2010. Þeir eru birtir í C-deild Stjórnartíðinda.

Efst á baugi

Frá því í maí 2017 hefur Ísland fullgilt, staðfest eða gerst aðili að þrettán samningum. Um er að ræða samning milli Íslands og Evrópusambandsins um vernd landfræðilegra merkinga landbúnaðarafurða; samning í formi bréfaskipta milli Evrópusambandsins og Íslands um viðbótarfríðindi í viðskiptum með landbúnaðarafurðir; viðauka VI um varnir gegn loftmengun frá skipum 1973, með breytingum samkvæmt bókun 1978; viðbótarbókun við Evrópusáttmála um sjálfsstjórn sveitarfélaga, um rétt til þátttöku í málefnum sveitarstjórna; samnings um breytingar á samningi milli Danmerkur, Finnlands, Íslands, Noregs og Svíþjóðar um Norræna fjármögnunarfélagið á sviði umhverfisverndar (NEFCO); fríverslunarsamning milli EFTA-ríkjanna og Georgíu; bókun við samþykkt um nauðungarvinnu 1930; samningsviðauka nr. 15 um breytingu á samningi um verndun mannréttinda og mannfrelsis; samkomulag um breytingar á samningi frá 19. ágúst 1986 milli ríkisstjórnar Danmerkur, ásamt landsstjórnum Færeyja og Grænlands, og ríkisstjórna Finnlands, Íslands, Noregs og Svíþjóðar um að stofna norrænan þróunarsjóð fyrir vestnorrænu löndin; samning milli ríkisstjórnar lýðveldisins Íslands og ríkisstjórnar Alþýðulýðveldisins Kína um undanþágu fyrir handhafa diplómatískra vegabréfa frá vegabréfsáritun til stuttrar dvalar; og samning milli ríkisstjórnar Íslands og ríkisstjórnar Sameinuðu arabísku furstadæmanna um upplýsingaskipti um skattamál; auk þeirra er verið að ganga frá fullgildingu ákvörðunar III/1, breyting á Baselsamningnum um eftirlit með flutningi spilliefna milli landa og förgun þeirra; og staðfestingu samnings milli Evrópusambandsins og lýðveldisins Íslands og Konungsríkisins Noregs um málsmeðferð við afhendingu milli aðildarríkja Evrópusambandsins og Íslands og Noregs. Þá vinnur utanríkisráðuneytið, ásamt öðrum ráðuneytum, að fullgildingu, staðfestingu og aðild að ýmsum samningum við erlend ríki, sem munu öðlast gildi á árinu.

Frekara efni

Listar á vef UTN

Ítarefni

Tenglar

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira