Hoppa yfir valmynd

Útflutningseftirlit

Útflutningseftirlit með vöru, þjónustu og fjárfestingum sem varða þjóðaröryggi

Íslandi er skylt að hafa eftirlit með vissum útflutningi á grundvelli ýmissa alþjóðaskuldbindinga. Stjórnsýslulega heyrir útflutningur undir utanríkisráðuneytið. Utanríkisráðherra veitir þrenns konar útflutningsleyfi, þ.e. einstök leyfi, almenn leyfi og heildarleyfi. Í flestum tilvikum er getið um leyfisskyldan útflutning á listum sem eru birtir á grundvelli laga um eftirlit með þjónustu og hlutum sem geta haft hernaðarlega þýðingu, nr. 58/2010.

Gjald fyrir útflutningsleyfi er kr. 2.000 skv. 50. tölul. 11. gr. laga um aukatekjur ríkissjóðs nr. 88/1991. Gjaldið skal greitt með umsókninni. Hægt er að millifæra á reikning utanríkisráðuneytisins: 0303-26-000269, kt. 670269-4779. Kvittun þarf að fylgja umsókn.

Alþjóðaskuldbindingarnar grundvallast m.a. á stofnsáttmála Sameinuðu þjóðanna, efnavopnasamningnum frá árinu 1992, vopnaviðskiptasamningnum, EES-samningnum og aðild Íslands að svokölluðum eftirlitskerfum. Ísland tekur þátt í þremur eftirlitskerfum: Ástralíuhópnum um efna- og lífefnavopn, Eftirlitskerfinu með flugskeytatækni (MTCR) og Kjarnbirgjahópnum (e. Nuclear suppliers Group, NSG). Þá hefur Ísland sótt um þátttöku í Wassenaar-fyrirkomulaginu frá 1995 sem fjallar um hefðbundin vopn og hluti með tvíþætt notagildi. Rússland hefur hingað til eitt ríkja lagst gegn þátttöku Íslands

Umsóknir um útflutningsleyfi sendist á: [email protected] 

Eyðublöð

Alþjóðastofnanir

Alþjóðasamningar

Alþjóðasamstarf

Löggjöf


Vopnaviðskiptasamningurinn (ATT)

Vopnaviðskiptasamningurinn (e. Arms Trade Treaty - ATT), var samþykktur á allsherjarþingi Sameinuðu þjóðanna 2. apríl 2013. Ísland undirritaði samninginn í New York hinn 3. júní 2013 og varð fyrsta ríkið til að fullgilda hann hinn 2. júlí 2013. Samningurinn tók gildi 24. desember 2014. Skrifstofa samningsins er í Genf.

Samningurinn er sá fyrsti sinnar tegundar. Hann fjallar um eftirlit með útflutningi hefðbundinna vopna til þess að auka alþjóðlegt öryggi og skapa vernd gegn brotum á mannréttindum og á sviði mannúðarmála. Hann mun torvelda að vopn lendi í höndum ólögmætra herja, hryðjuverkamanna eða glæpasamtaka. Ísland, ásamt hinum norrænu ríkjunum, beitti sér mjög fyrir því að samningurinn yrði gerður og tók virkan þátt í samningsgerðinni. Hún var kröftuglega studd af frjálsum félagasamtökum, svo sem Rauða krossinum og Amnesty International.

Íslenska sendinefndin náði góðum árangri á lokaráðstefnu vegna samningsgerðarinnar í New York í mars sl. Með góðum stuðningi hinna norrænu ríkjanna og annarra líkt þenkjandi ríkja tókst Íslandi að fá samþykkt í samningstextann ákvæði sem skyldar aðildarríkin til að taka tillit til hættunnar á kynbundnu ofbeldi þegar ákvarðanir eru teknar um vopnaútflutning.

Samningurinn kveður á um að sérhvert aðildarríki skuli gera viðeigandi ráðstafanir til þess að framfylgja lögum sínum og reglugerðum sem innleiða ákvæði samningsins. Helstu ákvæðin sem við eiga eru 5. - 11. gr. þ.e. eftirlit með útflutningi, innflutningi, gegnumferð, umfermingu og miðlun vopna, skotfæra og íhluta. Samningurinn verður framkvæmdur á grundvelli laga um eftirlit með þjónustu og hlutum sem geta haft hernaðarlega þýðingu nr. 58/2010. Önnur lög sem geta átt við um framkvæmd samningsins eru vopnalög nr. 16/1998, lög um framkvæmd alþjóðlegra þvingunaraðgerða nr. 93/2008 og tollalög nr. 88/2005.

Tenglar

ATT Secretariat

ATT - Arms Trade (UN)

 


Yfirlit yfir aðild að útflutningseftirlitskerfum

RíkiAGMTCRNSGWA Σ
Argentína11114
Ástralía11114
Kanada11114
Japan11114
Kórea, Lýðveldið11114
Nýja-Sjáland11114
Bandaríkin11114

(7)(7)(7)(7)
(Evrópa I) AGMTCR NSG WA Σ 
Austurríki11114
Belgía11114
Búlgaría11114
Tékkneska lýðveldið11114
Danmörk11114
Finnland11114
Frakkland11114
Grikkland11114
Þýskaland11114
Ungverjaland11114
Írland11114
Ítalía11114
Lúxemborg11114
Niðurlönd11114
Pólland11114
Portúgal11114
Spánn11114
Svíþjóð11114
Bretland11114

(19)(19)(19)(19)
(Evrópa II)AG MTCRNSG WA  Σ
Noregur11114
Sviss11114
Tyrkland11114
Úkraína11114

(4)(4)(4)(4)
(Evrópa III) AGMTCR NSG WA  Σ
Króatía1
113
Kýpur1
1
2
Eistland1
113
Lettland1
113
Litháen1
113
Malta1
113
Slóvakía1
113
Slóvenía1
113
Rúmenía1
113
Evrópusambandið1


1

(10)(0)(9)(8)
(Evrópa IV) AGMTCR NSG WA  Σ
Belarus

1
1
Ísland111
3
Serbía

1
1

(1)(1)(3)(0)
(Önnur) AG MTCRNSG WA  Σ
Brasilía
11
2
Kína

1
1
Kazakhstan

1
1
Mexikó1
113
Rússland
1113
Suður-Afríka
1113

(1)(3)(6)(3)
Samtals42344841
Ameríka
4454
Afríka
0111
Asía2242
Evrópa33253632
Eyjaálfa2222
Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Yfirlit

Hafa samband

Ábending / fyrirspurn
Ruslvörn


Þessi síða notar vafrakökur Lesa meira