Stýrihópur

Vinna við aðgerðaáætlun ferðaþjónustunnar er leidd af stýrihópi á vegum menningar- og viðskiptaráðuneytis sem formenn starfshópanna sjö eiga sæti í, ásamt ferðamálastjóra, framkvæmdastjóra SAF, fulltrúa Sambands íslenskra sveitarfélaga, fulltrúum menningar- og viðskiptaráðuneytisins og formanni ferðamálaráðs. Utanaðkomandi ráðgjafar frá RATA og Deloitte eru til stuðnings við verkefnið í heild.

Stýrihópur samræmir og vinnur nánar úr þeim tillögum sem koma frá starfshópunum í heildstæða aðgerðaáætlun og skilar til ráðherra 15. janúar 2024.

„Til þess að við náum markmiðum um sjálfbæra þróun ferðaþjónustu á næstu árum er nauðsynlegt að sett verði skýr og tímasett aðgerðaáætlun þar sem forgangsaðgerðir eru settar fram og ábyrgð á framkvæmd þeirra er skýr. Það er því afar ánægjulegt að sjá vinnuna við aðgerðaáætlunina hefjast í víðu samstarfi. Við væntum mikils af þessari vinnu og erum sannfærð um að hún muni reynast mikilvæg til að styðja við jákvæða þróun ferðaþjónustunnar og áhrif hennar á samfélagið til framtíðar,“ segir Jóhannes Þór Skúlason, framkvæmdastjóri SAF og fulltrúi í stýrihópi um ferðamálastefnu til 2030.

Tímalína

Gagnasafn

Í gagnasafni má nálgast gögn sem tengjast vinnu starfshópa og stýrihóps eða viðkomu ferðaþjónustu.

Vilt þú hafa áhrif?

Hafðu samband ef þig langar að koma upplýsingum á framfæri, ert með hugmyndir eða spurningar tengdar ferðamálastefnunni.

Sendu póst á [email protected] og starfsmaður kemur erindinu á framfæri við viðeigandi hóp þar sem það verður tekið til umfjöllunar.