Hoppa yfir valmynd

Skipulag atvinnuvega- og nýsköpunarráðuneytisins

Skrifstofur atvinnuvega- og nýsköpunarráðuneytisins samanstanda af  fimm fagskrifstofum og einni stoðskrifstofu sem starfar þvert á ráðuneytið.

Fagskrifstofur ráðuneytisins eiga að sjá til þess að ávallt sé unnið faglega að undirbúningi mála og að þekking starfsmanna sé nýtt og henni viðhaldið. Fagskrifstofurnar bera ábyrgð á lagaramma og regluverki þeirra málaflokka sem eru á þeirra forræði, í samráði við stofnanir ráðuneytisins.

Stoðskrifstofa ráðuneytisins skal sjá til þess að ávallt séu til staðar stjórnunar- og fjárhagslegar upplýsingar til undirbúnings og stuðnings við ákvarðanatöku hjá ráðuneytinu og stofnunum þess eftir því sem við á.

Markmiðið með þessu stjórnskipulagi er að treysta stefnumótun og samræma aðgerðir og vinnubrögð við framkvæmd stefnu ráðuneytisins og ráðherra. Jafnframt felur stjórnskipulagið í sér eflingu á innri starfsemi ráðuneytisins með áherslu á markvissa stjórnun.

Skipurit 

 

Skrifstofa matvæla og landbúnaðar

Skrifstofan fer með mál á sviði matvælaframleiðslu og matvælaöryggis, fæðuöryggis, dýra- og plöntusjúkdóma og inn-  og útflutnings afurða.

Starfsfólk skrifstofunnar.

Skrifstofa sjávarútvegs og fiskeldis

Hlutverk skrifstofunnar er að skapa sjávarútvegi og fiskeldi ásamt veiði í ám og vötnum hagkvæma og skilvirka umgjörð, skýrar leikreglur og vinna að stefnumótun á því sviði. Tiltölulega stór hluti af starfi skrifstofunnar er á sviði alþjóðamála þ.m.t. gerð alþjóðalegra samninga á sviði fiskveiðistjórnunar og þátttaka í starfi alþjóðastofnana á fagsviðum skrifstofunnar.

Starfsfólk skrifstofunnar.

Skrifstofa alþjóðamála

Skrifstofan er í forsvari fyrir alþjóðlegu samstarfi á sviði landbúnaðar og sjávarútvegs.

Starfsfólk skrifstofunnar.

Skrifstofa iðnaðar og nýsköpunar

Hlutverk skrifstofunnar er að skapa orku-, viðskipta-, iðnaðar-, nýsköpunar og nýfjárfestingamálum hagkvæma og skilvirka umgjörð, skýrar leikreglur og vinna að stefnumótun á þessum sviðum.

Starfsfólk skrifstofunnar.

Skrifstofa ferðamála

Hlutverk skrifstofunnar er að skapa ferðaþjónustunni hagkvæma og skilvirka umgjörð og treysta grundvöll hennar með skýrum leikreglum og stefnumótun.

Starfsfólk skrifstofunnar.

Skrifstofa fjárlaga, rekstrar og innri þjónustu

Hlutverk skrifstofunnar er að halda utan um þau mál sem lúta að rekstri ráðuneytisins, mannauðsmálum, skjalavistun og miðlun upplýsinga auk þess að veita fagskrifstofunum fjórum margvíslega stoðþjónustu.

Þá fer skrifstofan með skiptingu á fjárhagsramma ráðuneytisins og annast framkvæmd og eftirfylgni fjárlaga. Skrifstofan sinnir auk þess rekstrarlegu eftirliti með stofnunum ráðuneytisins, hefur umsjón með fjárlagavinnu þeirra og gerir árangursstjórnunarsamninga við þær.

Starfsfólk skrifstofunnar.

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Yfirlit

Hafa samband

Ábending / fyrirspurn


Þessi síða notar vafrakökur Lesa meira