Um sendiskrifstofu

Ísland opnaði aðalræðisskrifstofu í Færeyjum árið 2007, eftir að víðtækur fríverslunarsamningur var gerður milli landanna, Hoyvíkursamningurinn, árið 2006. Fyrir þann tíma störfuðu kjörræðismenn Íslands í Færeyjum frá árinu 1947.

Aðalræðisskrifstofa Íslands í Þórshöfn, Færeyjum

Heimilisfang

Ydun, Reyngøta 9
FO-100 Tórshavn

+298 30 81 00 / +354 545 7480

thorshavn[hjá]utn.is

www.mfa.is/fo

Afgreiðsla virka daga frá kl. 10:00 - 15:00

Starfsfólk aðalræðisskrifstofu Íslands í Þórshöfn

Aðalræðismaður

Ágústa Gísladóttir

Ferilskrá

Starfsferill

2022- Aðalræðismaður í Þórshöfn, Færeyjum.

2019-2022: Deildarstjóri innanlandssamstarfs þróunarsamvinnu, AÞS.

2016-2019: Forstöðumaður sendiráðs, Lilongwe, Malaví.

2014-2016: Sviðstjóri á ÞSSÍ, deildarstjóri tvíhliða samstarfs þróunarsamvinnu-skrifstofu, Reykjavík.

2010-2014: Forstöðumaður sendiráðs, umdæmisstjóri ÞSSÍ, Mapútó, Mósambík.

2008-2010: Sviðstjóri fiskimála og samstarfs við félagasamtök, ÞSSÍ, Reykjavík.

2004-2008: Forstöðumaður sendiráðs, umdæmisstjóri ÞSSÍ, Kampala, Úganda.

2001-2004: Skrifstofustjóri ÞSSÍ, Reykjavík.

1997-2001: Fiskimálasérfræðingur hjá ÞSSÍ í Mapútó, Mósambík.

1995-1997: Fiskimálasérfræðingur hjá Þróunarsamvinnustofnun Íslands (ÞSSÍ) í Walvis Bay, Namibíu.

1987-1995: Útibústjóri R.f. á Ísafirði.

1982-1987: Matvælaefnafræðingur hjá Rannsóknastofnunar fiskiðnaðarins (R.f.), Reykjavík.

Önnur störf

Mars 2009: Ráðgjafi hjá Háskóla Sameinuðu þjóðanna v/fiskeldis í Brasilíu.

1992- 1995: Varaþingmaður fyrir Kvennalistann í Vestfjarðakjördæmi.

Menntun

1984-86: Meistaranám í matvælaefnafræði, Madison WI, Bandaríkjunum.

1980: BS í Matvælafræði frá Háskóla Íslands.

Símenntun

2020: Námskeið í hagnýtri jafnréttisfræði, HÍ.

2015: Námskeið í úttektum þróunarsamvinnuverkefna, IPDET, Kanada

2010: Diplóma í verkefnastjórnun og leiðtogaþjálfun, EHÍ.

1992: Diplóma í alþjóðlegri fiskveiðistjórnun hjá HIFI, Bretlandi

Tungumál

Íslenska, enska, portúgalska, danska.

	2016-til dagsins í dag: Pétur Thorsteinsson, aðalræðismaður. Pétur (f. 1955, BA, Cand.jur, LLM), starfaði áður sem varaframkvæmdastjóri Fríverslunarsamtaka Evrópu, EFTA, í Genf 2001-06, staðgengill sendiherra í Washington DC 1995-97 og Moskvu 1987-90 og starfandi aðalræðismaður og sendiráðunautur við fastanefnd Íslands hjá Sameinuðu þjóðunum í New York 1983-87. Kona hans er Birna Hreiðarsdóttir.
	2012-16: Þórdur Bjarni Guðjónsson, aðalræðismaður. Þórður (f. 1956, Cand.oecon, MSc), starfaði áður sem staðgengill fastafulltrúa hjá NATO í Brussel 2000-04 og við sendiráðin í London 1995-2000 og Brussel 1987-91. Hann starfaði síðar sem aðalræðismaður í Winnipeg frá 2016. Kona hans er Jórunn Kristinsdóttir.
	2009-11: Albert Jónsson, aðalræðismaður. Albert (f. 1952, BA, MS) starfaði áður sem sendiherra í Washington DC 2006-09 og síðar sem sendiherra í Moskvu 2011-16. Kona hans er Ása Baldvinsdóttir.
	2007-09: Eiður S. Guðnason, aðalræðismaður. Eiður (f. 1939, d. 2017) var fyrsti útsendi stjórnarerindrekinn í Færeyjum. Hann starfaði áður sem umhverfisráðherra og samstarfsráðherra Norðurlanda 1991-93, sendiherra í Osló 1993-98, aðalræðismaður í Winnipeg 2001-02 og sendiherra í Peking 2002-06. Kona hans var Eygló Helga Haraldsdóttir.
	1985-2007: Poul Mohr, kjörræðismaður. Poul (f. 1929) starfaði lengi sem framkvæmdastjóri skipasmíðastöðvar í Þórshöfn og hafði sterk viðskipta- og vinatengsl við Ísland. Kona hans er Anna Mohr.
	1956-85: Trygvi Samuelsen, kjörræðismaður. Trygvi (f. 1907, d. 1985, Cand.jur) starfaði sem kjörræðismaður Íslands í nær 30 ár. Hann var lögmaður og áhrifamikill í færeyskum stjórnmálum. Hann átti sæti á Lögþinginu fyrir Sambandsflokkinn 1943-46 og 1949-74, þar af síðustu fjögur árin sem flokksformaður. Hann sat í borgarstjórn Þórshafnar 1936-64. Þórshafnarborg keypti hús Trygva sem er nú notað sem opinbert móttökuhús og listasafn. Þar hangir enn skjaldamerki Íslands frá ræðismannstíð Trygva. Sjá nánar hér.

	1947-56: Páll Ólafsson, kjörræðismaður. Páll (f. 1887, d. 1971) var skipaður fyrsti kjörræðismaður Íslands í Færeyjum 3. september 1947. Páll var fæddur að Lundi í Lundareykjadal 30. ágúst 1887. Hann var umsvifamikill í viðskiptum og útgerð fyrst á Íslandi en síðar í Danmörku. Frá Danmörku fluttist hann til Færeyja 1939 og dvaldist þar fram yfir stríðslok er hann flutti aftur til Danmerkur og þaðan síðar til Íslands. Skipunarbréf Páls hangir á vegg aðalræðisskrifstofunnar, undirritað af Sveini Björnssyni forseta Íslands og Bjarna Benediktssyni, utanríkisráðherra. Bréfið er gjöf til aðalræðisskrifstofunnar frá dóttur hans, frú Ólöfu Pálsdóttur, myndhöggvara. Eiginkona Páls var Hildur Stefánsdóttir. Meðal barna þeirra voru fyrrnefnd Ólöf, síðar eigin eiginkona Sigurðar Bjarnasonar ritstjóra og sendiherra og Ingibjörg kona Péturs Eggerz sendiherra.