Skipuð 30. nóvember 2018.
Umhverfis- og auðlindaráðherra hefur ákveðið að hefja vinnu við gerð landsskipulagsstefnu sem felur í sér viðbætur við Landsskipulagsstefnu 2015-2026, sbr. 10. gr. og 11. gr. skipulagslaga nr. 123/2010. Með bréfi ráðherra til Skipulagsstofnunar, dags. 10. júlí sl., var stofnuninni falið að hefja þessa vinnu og var þess óskað að tillaga bærist til ráðuneytisins frá stofnuninni fyrir árslok 2019. Gert er ráð fyrir að Landsskipulagsstefna 2015-2026 gildi áfram en að mótuð verði nánari stefna um loftslagsmál, landslag og lýðheilsu í tengslum við framkvæmd skipulagsmála, sem taki eftir atvikum til allra viðfangsefna gildandi landsskipulagsstefnu.
Ráðgjafarnefnd um gerð landsskipulagsstefnu er skipuð samkvæmt 3. gr. reglugerðar um landsskipulagsstefnu nr. 1001/2011 sem sett er á grundvelli skipulagslaga nr. 123/2010.
Hlutverk ráðgjafarnefndarinnar er að vera ráðherra og Skipulagsstofnun til ráðgjafar og samráðs við undirbúning landsskipulagsstefnu. Ráðgjafarnefndinni er ætlað að veita faglega ráðgjöf við mótun landsskipulagsstefnu og að koma með tillögur um samþættingu við áætlanir í ólíkum málaflokkum sem varða landnotkun á landsvísu. Nánar er kveðið á um hlutverk og starfshætti nefndarinnar í 4. gr. og 5. gr. reglugerðar um landsskipulagsstefnu, nr. 1001/2011.
Gert er ráð fyrir að starfi ráðgjafarnefndarinnar ljúki þegar þingsályktun um landsskipulagsstefnu hefur verið samþykkt á Alþingi.
Án tilnefningar
Steinunn Fjóla Sigurðardóttir, formaður, umhverfis- og auðlindaráðuneyti,
Sigrún Birna Sigurðardóttir
Samkvæmt tilnefningu forsætisráðuneytis
Regína Sigurðardóttir
Samkvæmt tilnefningu sjávarútvegs- og landbúnaðarráðherra
Arnór Snæbjörnsson
Samkvæmt tilnefningu ferðamála-, iðnaðar- og nýsköpunarráðherra
Erla Sigríður Gestsdóttir
Samkvæmt tilnefningu samgöngu- og sveitarstjórnarráðuneytis
Hanna Dóra Hólm Másdóttir
Samkvæmt tilnefningu Sambands íslenskra sveitarfélaga
Hrafnkell Á. Proppé