Hoppa yfir valmynd

Framtíðarnefnd forsætisráðherra

Vefur nefndar
Forsætisráðuneytið

Forsætisráðherra skipaði framtíðarnefnd um áskoranir og tækifæri vegna tæknibreytinga 12. júní 2018. Skipan nefndarinnar var í samræmi við fyrirætlan ríkisstjórnarinnar en kveðið er á um skipan slíkrar nefndar í stjórnarsáttmálanum. 

Nefndin er skipuð 11 þingmönnum:

  • Smári McCarthy, alþingismaður, formaður 
  • Líneyk Anna Sævarsdóttir, alþingismaður, varaformaður
  • Andrés Ingi Jónsson, alþingismaður
  • Bryndís Haraldsdóttir, alþingismaður
  • Gunnar Bragi Sveinsson, alþingismaður
  • Halla Signý Kristjánsdóttir, alþingismaður
  • Inga Sæland, alþingismaður
  • Lilja Rafney Magnúsdóttir, alþingismaður
  • Logi Einarsson, alþingismaður
  • Njáll Trausti Friðbertsson, alþingismaður
  • Þorsteinn Víglundsson, alþingismaður

Nefndinni er ætlað að fjalla um helstu tækifæri og ógnanir Íslands í framtíðinni m.t.t. langtímabreytinga á umgengni við náttúruna, lýðfræðilegra breytinga og þeirra hröðu umskipta sem eru í vændum með síaukinni sjálfvirkni. Verkefni nefndarinnar eru samkvæmt skipunarbréfi nefndarmanna:

  1. Nefndin fjalli um áskoranir og tækifæri vegna tæknibreytinga, áhrif tækniframfara og hina svokölluðu fjórðu iðnbyltingu.
  2. Nefndin fjalli um þróun þeirra meginstrauma sem koma til með að hafa mótandi áhrif á samfélagið til framtíðar einkum með hliðsjón af þróun umhverfismála og lýðfræðilegum þáttum.
  3. Nefndin stuðli að upplýstri umræðu um tækifæri og ógnanir framtíðarinnar og verði virkur umræðuvettvangur um framtíðarfræði.
  4. Nefndin fylgist með starfi vinnuhópa Samráðsvettvangs um aukna hagsæld og vinni úr niðurstöðum hópanna ef við á. Formaður framtíðarnefndar á sæti í Samráðsvettvangnum.
  5. Nefndin taki til umfjöllunar niðurstöður Vísinda- og tækniráðs og vinni úr niðurstöðum ráðsins ef við á.

Nefndin er jafnframt gert að skila greinargerð um störf sín til forsætisráðherra árlega sem upplýsi Alþingi um störf nefndarinnar

Tímabundnar nefndir
Til baka
Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira