Dómnefnd til að fjalla um hæfni umsækjenda um embætti hæstaréttardómara og héraðsdómara

Samkvæmt 1. mgr. 4. gr. a. laga um dómstóla nr. 15/1998, sbr. lög nr. 45/2010 skipar dómsmálaráðherra fimm menn í dómnefnd til að fjalla um hæfni umsækjenda um embætti hæstaréttardómara og héraðsdómara á grundvelli tilnefninga frá Hæstarétti Íslands, dómstólaráði, Alþingi og Lögmannafélagi Íslands. Er nefndinni falið að láta dómsmálaráðherra í té skriflega og rökstudda umsögn um umsækjendur um dómaraembætti. Í umsögn sinni skal dómnefndin taka afstöðu til þess hvaða umsækjandi sé hæfastur til að hljóta embættið en heimilt er að setja tvo eða fleiri umsækjendur jafna. Hefur ráðherra sett nánari reglur um störf nefndarinnar sem birtar eru í Stjórnartíðindum B-deild.

Skipunartími í nefndina er fimm ár, en þó þannig að skipunartími eins manns rennur út hvert ár.

  • Gunnlaugur Claessen, fyrrverandi hæstaréttardómari, sem jafnframt er formaður nefndarinnar, tilnefndur af Hæstarétti
  • Kristín Benediktsdóttir dósent, tilnefnd af Hæstarétti,
  • Ragnhildur Helgadóttir lögfræðingur, af Alþingi,
  • Ragnheiður Harðardóttir héraðsdómari, tilnefnd af dómstólaráði, og
  • Óskar Sigurðsson hæstaréttarlögmaður, tilnefndur af Lögmannafélagi Íslands.

Varamenn, tilnefndir eru af sömu aðilum:

  • Greta Baldursdóttir hæstaréttardómari,
  • Valtýr Sigurðsson, hæstaréttarlögmaður,
  • Ingibjörg Pálmadóttir, fyrrverandi ráðherra, ,
  • Halldór Halldórsson, dómstjóri héraðsdóms Norðurlands vestra og ,
  • Guðrún Björk Bjarnadóttir héraðsdómslögmaður.

Umsagnir dómnefndarinnar um umsækjendur um dómaraembætti:

Tegund

Fastanefndir
Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn