Samkvæmt reglugerð nr. 467/2015 um menntun, réttindi og skyldur lækna og skilyrði til að hljóta almennt lækningaleyfi og sérfræðileyfi skipar ráðherra þrjá sérfræðilækna í mats- og hæfisnefnd um starfsnám til að öðlast almennt lækningaleyfi og um sérnám í læknisfræði. Nefndin skal kalla til sérfræðinga innan sérsviða læknisfræði, eftir þörfum.
Nefndin skal meta og staðfesta marklýsingar fyrir starfsnám til starfsleyfis skv. 4. gr. og samþykkja marklýsingu einstaka sérnámsbrauta fyrir formlegt sérnám skv. 7. og 8. gr., sbr. 10. gr. Þá skal nefndin jafnframt meta hæfi heilbrigðisstofnunar eða deildar heilbrigðisstofnunar til að öðlast viðurkenningu sem kennslustofnun fyrir starfsnám til lækningaleyfis skv. 4. gr. og til að annast sérnám skv. 7. og 8. gr.
Nefndin setur sér starfsreglur sem staðfestar skulu af ráðherra. Í þeim skal meðal annars kveðið á um þau viðmið sem hafa skal til hliðsjónar við mat á marklýsingum, við mat á stofnunum og hvernig samráði skuli háttað við stofnanir sem metnar eru hverju sinni.
Nefndina skipa
- Reynir Tómas Geirsson, tiln. af Læknadeild Háskóla Íslands, formaður
- Magnús Karl Magnússon, tiln. af Embætti landlæknis
- Kristín Huld Haraldsdóttir, tiln. af Læknafélagið Íslands
Varamenn
- Friðbjörn R. Sigurðsson, tiln. af Læknadeild Háskóla Íslands
- Hrefna Þengilsdóttir, tiln. af Embætti landlæknis
- Már Kristjánsson, tiln. af Læknafélagi Íslands
Starfsmaður nefndarinnar er Svafa K. Pétursdóttir, verkefnastjóri
Menntadeild, Ármúla1a, 108 Reykjavík.
Nefndin er skipuð af heilbrigðisráðherra frá 29. ágúst 2019 til 28. ágúst 2023.