Hoppa yfir valmynd
28. maí 2021 Heilbrigðisráðuneytið

Styrkir veittir til hjálpartækjakaupa fyrir börn sem eiga tvö heimili

Svandís Svavarsdóttir heilbrigðisráðherra - myndHeilbrigðisráðuneyti

Heimili barna sem búa á tveimur heimilum verða jafnsett við kaup á tilteknum hjálpartækjum sem styrkt eru af Sjúkratryggingum Íslands. Svandís Svavarsdóttir heilbrigðisráðherra hefur staðfest reglugerð þessa efnis sem heimilar stofnuninni að veita styrki til beggja heimila barns vegna kaupa á sjúkrarúmum, dýnum, stuðningsbúnaði og hjálpartækjum tengdum salernisferðum.

„Það er algengt að börn eigi tvö heimili. Það er því sanngirnis- og réttlætismál að ef barn þarf á hjálpartækjum að halda, þá eigi það þau vís á báðum stöðum og að bæði heimilin njóti sambærilegra styrkja við kaup á þeim“ segir ráðherra.  Hún segir þetta fyrsta skref í þessu máli. Áætlun sé fyrir hendi sem gerir ráð fyrir að á næstu þremur árum verði innleiddir styrkir til kaupa á fleiri mikilvægum hjálpartækjum á þessum forsendum, s.s. baðhjálpartækjum, vinnustólum og sessum og einnig lyfturum.

Sjá reglugerð, dagsett 27. maí, 2021.

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira