Dreifibréf 4/2001- Vinnuvernd
|
Fjármálaráðuneytið |
VINNUVERND
|
| Upplýsingar um 9. gr. reglna Vinnueftirlits ríkisins nr. 498/1994, um skjávinnu. | Augn- og sjónvernd starfsmanna. Uppfært* |
Á grundvelli laga nr. 46/1980, um aðbúnað, hollustuhætti og öryggi á vinnustöðum, hafa fjölmargar reglugerðir og reglur um vinnuvernd verið settar. Þar á meðal eru reglur vinnueftirlitsins nr. 498/1994, um skjávinnu. Í 9. gr. reglnanna er kveðið á um augn- og sjónvernd starfsmanna.
9. gr. reglna um skjávinnu er svohljóðandi:
augn- og sjónvernd starfsmanna
| "1. | Starfsmenn skulu eiga rétt á að hæfur aðili prófi augu þeirra og sjón á viðeigandi hátt: -áður en skjávinna hefst -með jöfnu millibili eftir það -ef fram koma vandkvæði tengd sjón sem gætu átt rót að rekja til skjávinnu. |
|
| 2. | Starfsmenn skulu eiga rétt á skoðun hjá augnlækni ef niðurstöður prófsins sem um getur í 1. mgr. gefa til kynna að þess þurfi. |
|
| 3. | Sjá verður starfsmanni fyrir sérstökum búnaði til úrbóta sem hæfir því starfi sem um er að ræða ef niðurstöður prófsins eða skoðunarinnar sem um getur í 1. og 2. mgr. sýna að það sé nauðsynlegt og ekki er hægt að nota venjuleg gleraugu, snertilinsur eða því um líkt. | |
| 4. | Ráðstafanir sem gerðar eru samkvæmt þessum reglum mega aldrei hafa í för með sér aukakostnað fyrir starfsmenn." |
Í samræmi við ákvörðun stjórnar Vinnueftirlits ríkisins frá 26. febrúar 1996 gilda eftirfarandi viðmiðanir við túlkun á ofangreindri grein:
| 1. | Þurfi starfsmaður nauðsynlega á búnaði til sjónleiðréttingar að halda vegna skjávinnu sérstaklega, að mati augnlæknis, skal vinnuveitandi leggja honum til slíkan búnað, þ.á m. sérstök gleraugu. Búnaðurinn telst eign vinnuveitandans. |
| 2. | Ef augnlæknir telur nauðsynlegt að starfsmaður noti gleraugu með tví- eða fleirskiptum brennivíddum í stað sérstakra gleraugna fyrir skjávinnu, er eðlilegt að vinnuveitandi taki þátt í kostnaði við slík gleraugu. |
Starfsmanni ber að snúa sér til vinnuveitanda áður en ráðist er í kaup hjálpartækja, svo sem gleraugna, og hlíta fyrirsögn hans um það hvernig skuli að slíku staðið. Að öðrum kosti ber vinnuveitanda ekki skylda til þess að taka þátt í kostnaði.
Varðandi kostnaðarþátttöku vinnuveitanda í gleraugnakaupum eru eftirfarandi reglur til hliðsjónar:
| 1. | Vinnuveitanda ber aðeins að greiða þann lágmarksútbúnað sem unnt er að komast af með. |
| 2. | Hafi starfsmaður sérstakar óskir í þessum efnum, s.s. um sérstaka umgjörð eða gleraugu með fleirskiptum brennivíddum verður, hlutur vinnuveitanda í kaupunum aldrei meiri en sem nemur þeim lágmarkskostnaði sem unnt hefði verið að komast af með. |
Sjá nánar um vinnu við tölvur og reglur um skjávinnu nr. 498/1994 á vef Vinnueftirlitsins.
* Dreifibréf þetta kemur í stað vinnureglna nr. 3/1996, dags. 2. maí 1996.