Hoppa yfir valmynd
9. apríl 2010 Mennta- og barnamálaráðuneytið

Innritun í framhaldsskóla fyrir haustönn 2010

Hér má nálgast upplýsingar um innritun í framhaldsskóla fyrir haustönn 2010. Innritun er rafræn og fer fram á menntagatt.is.

Innritun í dagskóla er rafræn og fer fram á Menntagátt og verður sem hér segir:

12. - 17. apríl (framlenging til 21. apríl)

Forinnritun nemenda í 10. bekk (fæddir 1994 eða síðar). Nemendur fá bréf frá ráðuneytinu með veflykli og leiðbeiningum. Ráðuneytið hvetur nemendur eindregið til að taka þátt í forinnrituninni.

20. apríl til 31. maí

Innritun eldri nemenda (fæddir 1993 eða fyrr) sem ekki eru nú í framhaldsskóla eða ætla að skipta um skóla. Umsækjendur geta nálgast veflykil á Menntagátt.

7. til 11. júní

Lokafrestur 10. bekkinga til að innrita sig eða breyta umsóknum úr forinnritun. Einkunnir nemenda verða sendar rafrænt til þeirra skóla sem þeir völdu á miðnætti 11. júní.

Starfsbrautir fyrir fatlaða

Innritun á starfsbrautir fyrir fatlaða nemendur er ekki rafræn. Þeir sem ekki hafa þegar sótt um geta sent framhaldsskólum skriflega umsókn fyrir 16. apríl næstkomandi. Umsóknum um nám á starfsbrautum verður svarað í síðasta lagi í lok apríl.

Nánari upplýsingar eru veittar í mennta- og menningarmálaráðuneytinu og á www.menntagatt.is.



Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira