Átak til atvinnusköpunar – nýsköpunarstyrkir til að fara alla leið  

Öflug nýsköpun og frumkvöðlastarf eru lykilþættir í að byggja upp sterkt atvinnulíf.

Átak til atvinnusköpunar  er styrkáætlun iðnaðarráðuneytisins fyrir nýsköpunarverkefni og markaðsaðgerðir starfandi frumkvöðla- og nýsköpunarfyrirtækja. Árið 2011 fengu 136 fyrirtæki og frumkvöðlar styrki fyrir alls129 milljónir og skiptust þeir nokkuð jafnt á milli kynja.

Verkefnið Átak til atvinnusköpunar var sett á laggirnar fyrir réttum 16 árum og þá rétt eins og nú var markmiðið að styðja með öflugum hætti við þróun þróun nýsköpunarhugmynda á fyrri stigum sem hlotið gætu frekari fjármögnun sjóða og fjárfesta. Og að auki að styðja við undirbúning og framkvæmd markaðsaðgerða í frumkvöðla og sprotafyrirtækjum.

Árið 2010 framkvæmdi Félagsvísindastofnun árangurskönnun meðal fyrirtækja sem fengu styrk úr átakinu á árabilinu 2001 – 2010. Þar kemur m.a. fram að í rúmlega helmingi tilvika leiddi verkefnið til þess að ný vara eða þjónusta var sett á markað. Jafnframt sýndi rannsóknin að í 67% tilvika leiddi verkefnið til aukinnar markaðssóknar.

Opnað verður fyrir umsóknir í Átaki til atvinnusköpunar n.k. föstudag, 10 febrúar.  Nýsköpunarmiðstöð Íslands hefur umsjón með umsóknarferlinu fyrir hönd iðnaðarráðuneytisins.

Hægt er að nálgast umsóknareyðublað og nánari upplýsingar með því að smella hér