Sjávarútvegs- og landbúnaðarráðherra, Steingrímur J. Sigfússon er nú staddur Humbersvæðinu í Bretlandi til að vera við opnun á nýjum fiskmarkaði á morgun, föstudaginn 10. febrúar. Í ferð sinni hefur ráðherra heimsótt Íslensk sjávarútvegsfyrirtæki og kynnt sér starfsemi þeirra. Ráðherra hefur einnig átt viðræður við forsvarsmenn Breta og fundaði með sjávartúvegsráðherra breta Richard Benyon í dag. Þá mun hann eiga kvöldverðarfund með Bresk – íslenska verslunarráðinu og á morgun mun hann verða við opnun hins nýja fiskmarkaðar í Grimsby og ávarpa viðstadda.
