Styrkir til gæðaverkefna árið 2013
Velferðarráðuneytið auglýsir styrki vegna gæðaverkefna árið 2013. Að þessu sinni er sérstök áhersla lögð á verkefni sem tengjast þróun á skipulagi í heilbrigðisþjónustu, svo sem þróun á þverfaglegri teymisvinnu, með það að markmiði að auka öryggi og gæði þjónustunnar.
Í styrkumsókn skal m.a. koma fram markmið verkefnis, framkvæmdaáætlun og hvernig unnt væri að nýta niðurstöður
til að auka gæði og öryggi heilbrigðisþjónustunnar.
Sótt skal um í nafni einstakra stofnana og/eða starfseininga. Styrkirnir eru að hámarki 400 þúsund krónur.
Vakin er athygli á að umsækjendum er gert að sækja um rafrænt. Umsóknarfrestur er til og með 20. desember 2013.